إعـــــــلان

Collapse

.

,
See more
See less

استفسار الي مالكي الفرونتيرا ...!!؟؟

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    استفسار الي مالكي الفرونتيرا ...!!؟؟

    يا جماعه سؤال الي مالكي السيارة الفرونتيرا.....
    انا عارف انها دفع رباعي ..وانها 3200 CC ...وانها تشبة لحد كبير قوي الشيفرولية الدبابة...

    ياريت لو حد من ايلي عندهم العربية ..يعرفنا اي شيء عن الحجات دي:

    1-متوسط استهلاك البنزبن داخل البلد وعلي الطرق السريعه..
    2-قطع غيار السيارة ...وعمرها (معمرة ولا بتاكل ...)
    3- اعتمادية السيارة....يعني ممكن تعملها وتكسفك في سفرية محترمة ولا منين ما توديها شغالة....
    4-انا باشوف منها مستعمل كتير ...بس الكيلو متر ما شاء الله ..اقل شيء 100 كم..

    لو حبيت اشتري مستعمل ...اية احسن موديل ...واية احسن كيلومتر ممكن اشتري عندة...
    ولو في اي معلومات تانية يكون افضل طبعا ....

    جزاكم الله خيرا وكل عام وانتم بخير...
    -----------------------------------------------------------------------
    [CENTER][SIZE=4][B][COLOR=SeaGreen]"رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا"[/COLOR][/B][/SIZE]
    [/CENTER]
    ------------------------------------------------------------------------
    الكلمات الدلالية (Tags): 1600, 20, 40, 50, honda, oil, ؟؟, استفسار, البنزين, التأمين, التوكيل, الجديدة, الشنطة, الصيانة, الفرونتيرا, الكنبة, اللانسر, المرسيدس, الي, بنزين, تركيب, تسقيط, تعديلات, توكيل, تيل, حادثة, حريق, حساسات, خاص, دفع رباعى, زيت, زيت الفتيس, زيرو, سيارة, شيفرولية, صور, طريقة, عربية, عمرة, عن, غالية, غيار, فتيس, فلتر, في, قطع, قطع غيار, كالتكس, كرنك, كل, كوبية, لانسر, مالكى, مستعمل, مشاكل, مصر, مع, معرض, معلومات, من, مواتير, مواضيع, موتور, موديل, ناشفة, هل, هوندا, هي
  • #2
    بص ياسيدي

    بالنسبة لإستهلاك البنزين بهو متغير جدا حسب طريقة سواقتك (رجلك عالبنزين) و إذا كانت داخل المدينة او في طرق مفتوحة بتفرق كتير

    يعني ممكن جوة البلد تبقى قليلة جداً مع كثرة التوقف في الإشارات و لو التكييف شغال وانت واقف و لو المسافة قليلة ممكن تبقى من 70 - 90 كيلو في الصفيحة

    وفي المشاوير المفتوحة نسبيا جوة البلد بتوصل ل 120 كيلو في الصفيحة يعني لو بتروح الرحاب او التجمع او العبور في جزء من مشوارك اليومي غير الزحمة

    اما في طريق سفر و مسافة مفتوحة بتعدي 140- 150 كيلو في الصفيحة

    وكمان نوع البنزين اللي بتحطة بيفرق يعني ال بنزين ال 92 بيمشيها اكتر في الصفيحه عن ال 90 و دة عن تجربة و قياس لأني باسجل كل شيء للسيارة و قراية العداد عند كل تفويل و باسجل عدد الليترات

    بص قطع غيارها معمرة و متينة و مش رخيصة في معظم اجزاء السيارة و العفشة
    يعني تيل الفرامل التايواني ب 55 جنية و هو كويس جدا و الياباني بيبقى اغلى شوية بحوالي 120 جنية
    المساعدين الامامية و الخلفية ب 250 جنية للجوز
    الشبكة ب 120 جنية
    الإشارات ب 13 و الفانوس الكبير ب 70 ودة لأنهم (الشبكة و الفانوس و الإشارة و الأكصدام و الكبوت ) هما هما بتوع الشيفرولية الفاستر النص نقل
    بس قطع غيار الموتور بتاعتها غالية بس مش قوي يعني لأنها لازالت ارخص من قطع غيار الشيروكي بكتير
    العربية محترمة جدا و أوسع من الشيروكي جدا في الصالون الكنبة واسعه قوي و بينها و بين ضهر الكرسي نص متر
    و التابلوة شيك جداً و قعدة العربية و عفشتها مريحة جدا و في السفر ممتعه و تكييفها رائع
    و فيها كمبيوتر للصيانة و الاعطال بيشيك على كل شيء في الموتور و الزيوت و الفتيس اثناء التشغيل
    وفية حساسات للسخونة الزائدة في زيت الفتيس او الموتور
    معظم اللي عندة فروتيرا بيبقى عندة عربية تانية علشان كدة مابيمشوش بيها كتير و بيستعملوها بس في السفر
    بصراحه ركنتها وسط البلد صعبة
    العربية معمرة و قطع غيارها بتعيش و عربية ماتقفش بيك لو انت مهتم و بتصونها و بتتابع اي اشارات او لمبات كمبيوتر تنور
    و بتمشي تمام عالرمل و في الطرق الوعرة موتورها شديد جدا و عزمها قوي الموتور 6 سلندر بشكل حرف في كرنك قصير و 24 صباب بيولد 180 حصان
    و خللي بالك من فتيس العربيات دي و انت بتشتريها لأن العيب الوحيد في الفرونتيرا هو فتيسها لو فية مشاكل بيتعبك و بيتكلف كتير
    لكن لو بتحافظ علية و بتغير زيت و فلتر لزيت الفتيس اول باول و مابتهفلطش في النقلات و انت بتركن و بتطلع بيشتغل تمام و بيعيش

    بص بالنسبة لأسعارها
    موديلات 98 و 99 بتبدي من 85 وطالع لو حالتها في المتوسط

    موديلات 2000 و 2001 حالتها بالتالي احسن و ماشية كيلو متر قليل و سعرها بين ال 100 و 110
    ال 2003 غالبا بتبقى بحالة الجديد و سعرها في حدود ال 130 الف

    الا لو العربية فيها عيب او حادثة بتلاقي سعرها اقل من المذكور

    فية معرض متخصص في الفرونتيرا بالذات في مصر الجديدة ممكن اديلك تليفونهم و هما ناس كويسين جدا و أمناء و متخصصين في العربية دي بالذات و فاهمين كل حاجة فيها و عندهم عربيات كتير معروضة منها لأنهم بيشتغلوا عليها جدا

    Comment

    • #3
      نسيت اقولك ان مافيهاش عيب السخونة اللي في الشيروكي

      يعني العربية في عز الحر و التكييف شغال تمام و الموتور مايسخنش و لا حاجة و مش محتاجة اي تعديلات او مراوح كبيرة او حاجة

      حتى عربيتي اول ماشتريتها كان الردياتير بتاعها مليان صدا و مالي القربة وبرضة كانت تمام و مابتسخنش في عز الصيف و الحر و اول ماشتريتها خدتها غسلت الردياتير و حطيت مياة خضرا أمريكاني (كوولر) كنوع من الصيانة و الوقاية


      فية غلطة طتابية و انا باكتب قلت "بص قطع غيارها معمرة و متينة و مش رخيصة في معظم اجزاء السيارة و العفشة " بس كان قصدي أقول ان " قطع غيارها معمرة و متينة و مش غالية في معظم أجزاء ........"

      و لو انت بتفكر فيها ادرس الموضوع بس ماتشتريش فرونتيرا تكون فيها مشكلة في الفتيس او الموتور
      يعني ياتاخدها نضيفة يا بلاش
      ولو عاوز اي مشورة او استفسار انا تحت أمرك

      لأني كنت عاوز اجيب شيروكي اساساً و كان معروض عليا عربيتين بأسعار لقطة جدا و حالات كويسة بس بعد دراسة شاملة و مستفيضة قررت ان الشيروكي مشاكلها كتير و متاعبها و مصاريفها كتير برضة و ان الفرونتيرا برغم انها أغلى بس تستاهل و كفاية راحتها في القعدة و السواقة و السفر و التكييف عن وجع دماغ الشيروكي بين عفشة ناشفة و تكييف وحش و تبريد سيء

      Comment

      • #4
        ادهم باشا ...لساني يعجز عن الشكر ...
        ربنا يخليك يارب....بصراحة ردك فية اجابة شافية وكافية ....عن العربية ....
        انا فعلا عجباني العربية جدا جدا ....بس المشكلة انها هاتبقي عربية التحركات الاساسية ليا ....(يعني مش عربية تانية )
        ودة معناة اني هاتحرك بيها جوة البلد وبرة البلد ....وبالشكل دة وبمعدلات البنزين الجامدة دي ...هاتبقي مش اقتصادية في الشغيل ...
        رغم ان رخص قطع غيارها الخارجية عاجبني جداا....

        وايلي خلاني برضة افكر فيها اني باسافر كتير...وخوفي من اني اجيب عربية زيرو وبعدين الاقي سواق مكروباص ابن حلال خبطهالي ...وبعد شوية لازم تصلحها وترشها وتبقي رشة برة ونزل من سعرها الوف ...

        ياريت تتم جميلك برضة ...وتديني تليفون واسم والمعرض ايلي بتقول علية ....يمكن لو روحت وجربت حاجة من ايلي عندهم ...تعجبني اكتر واتكل علي الله واجيب واحدة...

        سؤال تاني ...
        هو ما بينزلش منها ديزل او ما ينفعش يركبلها موتور ديزل زي بتاع الدبابة ...او توبوتا ...
        -----------------------------------------------------------------------
        [CENTER][SIZE=4][B][COLOR=SeaGreen]"رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا"[/COLOR][/B][/SIZE]
        [/CENTER]
        ------------------------------------------------------------------------

        Comment

        • #5
          بص انا معاك انها بتستهلك بنزين شوية

          بس مقابل كدة امان و متانة يعني شيء مقابل شيء
          وانا برضة باستعملها جوة البلد و بابقى متطمن وسط الميكروباصات و الاغبياء اللي مابيعرفوش يسوقوا و الغتتين اللي بيحبوا التزنيق وانا ركب الفرونتيرا اللي يحب يزنق يزنق و الأكصدام الصلب مايتخافش علية و اللي لية شوق في حاجة يوريني نفسة :D

          وانت ممكن لو تحب بقى تقلبها غاز و بكدة توفر الاستهلاك للنصف, بس انا عن نفسي مقتنع انها كدة تمام عزم الموتور متناسب مع وزنها
          و اماحبش العربية تبقى ضعيفة او مكتومة مع الغاز بس لو انت حابب توفر يبقى اقلبها غاز و حاتبقى اقتصادية معاك جدا

          على فكرة انا عضو في منتدى الفرونتيرا في استراليا و لقيت ان الاستهلاك عندهم احسن من عندنا بكتير علشان طرق مفتوحه بيقولوا ان معدلها في استهلاك الوقود بيبقى في المتوسط 12.5 لتر لكل 100 كيلومتر
          وواحد منهم قاللي ان احسن معدل وصللة كان 10لتر بنزين و نص في ال100 كيلومتر بس هو كان مسافر مسافة طويلة على طريق مفتوح و مثبت العربية على سرعه 110 كم/ساعه
          يعني عملت حوالي 190 كيلو في الصفيحه و دة يعتبر معدل ممتاز اللانسر ال1300 اللي عندنا مابتعملوش اصلا :)

          عامه انا مفروض اغير البوجيهات قريب لا فية حريق ني شوية هباب في الشكمان, و يمكن اضبط الانجكشن كمان في منصور و حاقوللك اية النتيجة لو المعدل ضبط معايا

          Comment

          • #6

            جزاك الله خيراً يا أستاذ أدهم على الاجابات الوافية دى ... فى الحقيقة أنا كمان فى علاقة اعجاب بينى و بين العربية دى من فترة ... بصراحة زهقت من الخوف على العربية فى وسط الزحمة و الصاج اليابانى الورق :( فكنت عايز أسأل سؤالين كمان:

            1- هل ممكن يتسقطلها موتور دبابة ديزل توفيراً للبنزين؟ و هل تعرف حضرتك تمنه كام لو جديد و قدرته كام حصان و عزمه كام؟ و هل حيبقى فى مشاكل مع المرور عشان الموتور ديزل فى عربية ملاكى ولا مفيش مشاكل؟ لو مينفعش يبقى البديل حيكون للأسف تركيب غاز فى العربية و الوقوف مع التاكسيات فى طوابير الغاز التى لا تنتهى :(

            2- الفرونتيرا فيها مانيوال ولا أتوماتيك فقط؟

            و أخيراً أرجو ذكر اسم المعرض و تليفونه
            الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

            Comment

            • #7
              موتور الدبابة حايبقى ضعيف عليها دة اولا
              ثانيا تمن موتور الدبابة كامل جديد حايعدي ال 20 الف جنية
              و يحتاج تعديلات لتركيبة في السيارة و فتيسة مانيوال محتاج تعديل في الكونسول و الدواسات

              موتور الفرونتيرا قوي جدا فوق ما تتخيل
              وفية زرار باور درايف بيخللي العربية غول و لا تقوللي عربيات صغيرة و لا استرا و لا لانسر تطلع منة مواتير و دة عن تجربة

              ف بديهي كدة ان موتور الدبابة حايكلفك غالي و يقرفك في تركيبة و في الاخر النتيجه مش مضمونة والمؤكد انك كدة بتعيب العربية و لو جيب تبيعها محدش حايقتنع بيها وهيه فيها موتور تص تقل بدل موتورها اللي يساوي 30 او 40 الف جنية

              انا واثق ان موضوع البنزين مش حايقلقك زي مانت متصور زي مانا كنت برضة قلقان منة و عامل حسابة و لما جبت العربية لقيت اني يعني باستهلك بنزين بكام؟؟؟ بالكتير ب 300 او 400 جنية في الشهر مش مشكلة كبيرة و مش قضية قصاد المميزات اللي العربية بتوفرها
              والغاوي ينقط بطاقيتة زي مابيقولوا
              و لو انت مش عاوز تكلفها 400 جنية في الشهر بنزين اقلبها غاز و كلفها 200 جنية بس

              بس برضة انا واثق ان كل مخاوفك دي حاتتبدد و حاتسيبها زي ماهي بموتورها و حاترتاح معاها بعزمها و قوتها

              وربنا يوفقك لما فية الخير

              Comment

              • #8
                مافيش مشكلة مع المرور و لا حاجة لان الموتور الديزل بينزل في عربيات 4*4 كتير

                و بالنسبة لطوابير التاكسيات عالغاز الملاكي مابيقفش في طوابير ياباشا

                التاكسيات ليها طوابير لكن الملاكي يفول و يمشي على طول و إسأل في اي محطة
                بصراحه ان وانا باشتري شفت ييجي 15 او 20 فروتنيرا كلهم بنزين و اوتوماتيك

                بس سمعت من واحد اعرفة انة كان عندة واحدة موديل قديم شوية 94 تقريبا و كانت موتور ديزل
                بس دي اكيد مش التجميع المصري بتاع منصور شيفرولية لأن منصور جمعها من 1998 لغاية 2003 و بس
                و بصراحه انا مش متأكد من كلامة ممكن يكون بيقول كلام و السلام

                انا بعت لحضرتك رقم و عنوان المعرض في رسالة خاصة ياباشا

                و اهلا بيك مقدما في نادي الفرونتيرا

                Comment

                • #9

                  ألف شكر يا فندم يبقى كدة نصرف نظر عن تسقيط موتور ديزل ... و أشكرك على الرسالة ... بالنسبة للبنزين أنا أصلى بأدفع 150 أو 160 فى الشهر بنزين فى الهوندا و مشاويرى كتير جداً بس مع مميزات الـ 4x4 أعتقد الفرق يستاهل ... يبقى سؤال أخير و معلش بأتقل على حضرتك ... فيه فى نفس رينج السعر دة هوندا HRV و دى دفع رباعى بس أعتقد موتورها 1600 ... هل حضرتك عندك فكرة عنها؟
                  الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

                  Comment

                  • #10
                    ايوة ال هوندا ال HR-V نادرة في السوق و قطع غيارها عالية جدا جدا و في نفس الوقت ماهياش في متانة و لا قوة و احتمال العربيات ال SUV زي الفرونتيرا او الشيروكي او باث فايندر و غيرها
                    ال هوندا ما تقارنش بمتانة العربيات دي و لا قوة احتمالها

                    بس تعرف ان الفرونتيرا بتنزل هي هي بالضبط هوندا بأسم Honda Passport ومن فترة يمكن من نصف التسعينات و برضة بنفس الموتور ال 3200 الستة سلندر هوة هوة بالضبط بتاع الشيفرولية الفرونتيرا و على فكرة نفس العربية بتنزل في اوروبا في الفوكسهول فرونتيرا و الأوبل فرونتيرا و في استراليا بتنزل بأسم هولدن فرونتيرا و في أسيا بأسم إيسوزو روديو
                    هي هي نفس العربيات بالضبط و بعضها موتور ديزل 2.2 و الاختلاف بس في شكل التابلوة وطارة الدركسيون و بعض الكماليات و الأكسسوارات

                    ممكن تعمل سيرش عالجوجل عن الهونجا الباسبورت و حتشوف صورها و مواصفاتها انا بالفعل عندي صور ليها عالكمبيوتر جايبها من جووجل

                    Comment

                    • #11
                      بص يا أستاذ جندي مجند اقولك لو عاجباك الفرونتيرا بمتانتها و قوتها وبرستيجها توكل على الله و لو بعد كدة لقيت مصاريف بنزينها مش مريحاك اقلبها ديزل

                      وممكن كمان لو بتفكر تجيب حاجة 4*4 اقتصادية في البنزين انا شفت التريوس الجديدة و عجبتني بس ماجربتهاش و ماعرفش اية ثباتها و راحتها بس هي بلا شك اضيق من الفرونتيرا في الكنبة الخلفية و في مساحة الشنطة في التخزين
                      و أعتقد كمان انها مش دفع رباعي و انما دفع خلفي بس
                      يعني مافيهاش فتيس غرز بس مش متأكد من الموضوع دة في الدايهاتسو تريوس وللا ال عربية الجديدة الصيني اللي نازلة تقليد التويوتا RAV-4 الل اسمها UFU لأني فكرت فيهم زيرو و شفتهم بس فضلت الفرونتيرا لأني ارتحت لها و فضلت المتانة و القوة الأمريكية و لعلمك انا كمان في الاساس ركيب هوندا و عندي أكورد كوبية من 8 سنوات و قبلها كان معايا سيفيك لمدة حوالي سبع سنين و باحب العربيات الهوندا جدا لأنها عربيات متينة و قوية و ماتقفش بيك ابدا بس اللي خلاني اغير للفرونتيرا من شهرين اني بقيت مش طايق السواقه في البلد دي و مش مرتاح في الاحساس بعدم الامان على الاولاد و سط السواقة وسط الميكروباصات و العالم الغتتة اللي غاوية تزنق و تغتت
                      لكن في الفرونتيرا الموضوع مختلف تماما و الناس بتعمللك 100 حساب و انت ماتخافش عالعربية و تتخلص من شعور الضيق من سواقة الزحمة و التزنيق و التغتيت دة غير ان العربية برستيجها عالي برضة ومميزة

                      Comment

                      • #12
                        عفوا قصدي لو مصاريف بنزينها مش مريحاك اقلبها غاز

                        Comment

                        • #13
                          المشاركة الأصلية كتبت بواسطة Adham
                          بص يا أستاذ جندي مجند اقولك لو عاجباك الفرونتيرا بمتانتها و قوتها وبرستيجها توكل على الله و لو بعد كدة لقيت مصاريف بنزينها مش مريحاك اقلبها ديزل

                          وممكن كمان لو بتفكر تجيب حاجة 4*4 اقتصادية في البنزين انا شفت التريوس الجديدة و عجبتني بس ماجربتهاش و ماعرفش اية ثباتها و راحتها بس هي بلا شك اضيق من الفرونتيرا في الكنبة الخلفية و في مساحة الشنطة في التخزين
                          و أعتقد كمان انها مش دفع رباعي و انما دفع خلفي بس
                          يعني مافيهاش فتيس غرز بس مش متأكد من الموضوع دة في الدايهاتسو تريوس وللا ال عربية الجديدة الصيني اللي نازلة تقليد التويوتا RAV-4 الل اسمها UFU لأني فكرت فيهم زيرو و شفتهم بس فضلت الفرونتيرا لأني ارتحت لها و فضلت المتانة و القوة الأمريكية و لعلمك انا كمان في الاساس ركيب هوندا و عندي أكورد كوبية من 8 سنوات و قبلها كان معايا سيفيك لمدة حوالي سبع سنين و باحب العربيات الهوندا جدا لأنها عربيات متينة و قوية و ماتقفش بيك ابدا بس اللي خلاني اغير للفرونتيرا من شهرين اني بقيت مش طايق السواقه في البلد دي و مش مرتاح في الاحساس بعدم الامان على الاولاد و سط السواقة وسط الميكروباصات و العالم الغتتة اللي غاوية تزنق و تغتت
                          لكن في الفرونتيرا الموضوع مختلف تماما و الناس بتعمللك 100 حساب و انت ماتخافش عالعربية و تتخلص من شعور الضيق من سواقة الزحمة و التزنيق و التغتيت دة غير ان العربية برستيجها عالي برضة ومميزة

                          فى الحقيقة أنا معجب بالفرونتيرا لنفس الأسباب اللى حضرتك ذكرتها بالضبط زائد ان أعتقد فى قطع غيار كتيرة منها مشتركة مع الدبابة و بالتالى أسعارها حتكون رخيصة و التريوس عربية حلوة و كل حاجة بس برضو صاجها ضعيف زيه زي باقى اليابانى و مش حيتعملها حساب فى الشارع زى الفرونتيرا :twisted: و زى ما حضرتك قلت لو استهلاك بنزينها لقيته كتير ممكن أبقى أحولها غاز و بما ان الموتور 180 حصان فأعتقد الغاز مش حيضعفها الا حاجة بسيطة لا تذكر ... أنا شفت صور عربية حضرتك فى الرابط اللى فوق و بسم الله ما شاء الله العربية واسعة و جميلة ربنا يحفظهالك

                          يمكن بعد رمضان باذن الله أعمل مشوار للقاهرة و أتفرج فى المعرض دة عنده ايه ... بس هل فى توكيل لشيفروليه قريب منه أقدر أروح أكشف على العربية فيه؟
                          الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ

                          Comment

                          • #14
                            توكيل منصور شيفرولية موجود في 84 شارع الطيران في مدينة نصر قبل التأمين الصحي بشوية
                            بس لو عاوز رأيي اكشف عليها في كالتكس عباس العقاد كمان زيادة توكيد لأن التوكيل معندوش غير مهندس فحص بيبص عالشاسية من تحت و مالوش دعوة بالصاج من برة :D
                            دة اللي هما بيقولوة

                            بس عامة هو الموضوع انك تبص كويس على لمبات حساسات الفتيس و الموتور و تاخد العربية لفة حلوة و تقرص عليها و تجربها 4*4 و تبص على شكمانها و فايظها و لمبات الحساسات تاني

                            Comment

                            • #15
                              Vodafone, Smart Village, KM28

                              Hi Adham,

                              Please tell me hoe much kilos of oil she takes either with oil filter ot not.

                              As i heared from 4 to 5.15 Kilos !!!!!

                              Thanks
                              Seif

                              Comment

                              السابق 1 2 template التالي
                              Working...
                              X