شــيــفــرولــيــه كــروز - المــواصــفــات الـفــنــيــه وصــور وأســعــار

[Hosam_Optrawy]

الف شكر لمشرف الامريكى العام على المتابعه والتثبيت

[Ahmed Samy]

مش للدرجه دى يادكتور

على فكره فى مركز تانى للنقل منفصل عن بتاع الملاكى

بس انا الصراحه محتار فى توكيل منصور دا

ناس كتير معانا فى المنتدى بيشتكوا من منصور وشايفين انه اسوأ توكيل فى مصر

وانا طبعا مقدرش اكدبهم وهما كمان بيحكوا تجاربهم الشخصيه

لكن انا شخصيا مبسوط منه جدا

اتعاملت معاه 3 مرات

مرتين فى صيانة ال 5000 وال 10000 ومقعدتش اكتر من ساعة ونص هناك والعربيه بتطلع 100 فل وعشره

ومره رحت عملت ترصيص واتزان وعملوهالى حلو بس الزوايا مظبتهوش كويس

واسعارهم كويسه بالنسبه لتوكيلات تانيه

وانا بالنسبه لى ارحم 100 مره من غبور اللى كنت اقل حاجه باقعدها عنده 4 او 5 ساعات عشان مجرد صيانه

و الله أنا دخلت التوكيل بفيكترا 2002 مرة واحدة

مستوى الخدمة كان كويس جدا بس كان فيه أيامها دبابة و فرونتيرا معايا

و دلوقتي اصحابي بيشتكو من الزحمة و المعاملة على حد تععبيرهم (شغالة ..ماشي الحال)

طبعا لا أحد يقارن بغبور

بس منص شكله هايمشي على خطا غبو ...

مش العبرة بالنتيجة ؟؟؟

[احمد عز]

شكرا على المجهود الراءع ده

[Hosam_Optrawy]

شكرا على المجهود الراءع ده

العفو نورت

[bmw323]

أية الحلاوة دى بس لو كان الموتور أقوى شوية كانت هتبقى حلوة أوى
شكرا على الموضوع يا حسام

[egyptianmafia]

Ya man the main service in Haram the 4.5km one is ONLY for cars

there is another one the 6KM Alex Rd that is ONLY for pickups (dabbah)

maybe in other tawkeels (authorized service centers) they allow everything to come in together but not Mansour....and this is a fact!

[Hosam_Optrawy]

أية الحلاوة دى بس لو كان الموتور أقوى شوية كانت هتبقى حلوة أوى
شكرا على الموضوع يا حسام

العفو نورت

وهى فعلا كانت محتاجه موتور من ابو 100 حاجه وعشرين حصان ده

[MomoMedo]

لمحرك : كامه علويه مزدوجه - 4 سلندر - 16 صمام
سعه المحرك : 1598
القدره القصوى : 109 @ 6000 ( كلام الوكيل )
العزم الأقصى : 150 @ 6000 ( كلام الوكيل )

سعة المحرك 1598 سم3

القدرة القصوى 80 حصان عند 6000 دورة / دقيقة

العزم الأقصى 150 نيوتن.متر عند 4000 دورة / دقيقة
من موقع شيفروليه

[Hosam_Optrawy]

سعة المحرك 1598 سم3

القدرة القصوى 80 حصان عند 6000 دورة / دقيقة

العزم الأقصى 150 نيوتن.متر عند 4000 دورة / دقيقة
من موقع شيفروليه

معلش الصور مش ظاهره عندى

بس انا عارف انت تقصد ايه

موقوع شيفروليه كله اخطاء فى الترجمه

ولما كتب 80 هو مش قصده ال hp قصده ال kw

ولو عايز تتأكد اقلب السايت English وانت تلاقى مكتوب 80 Kw

وده بيعادل حوالى 107 حصان

[MomoMedo]

اه فعلا
شكرا على التوضيح

[Hosam_Optrawy]

العفو نورت

[AHMED REFAT]

احبتى فى الله ... الكروز سيارة لاقت اعجاب الجميع فى معرض اتوماك ولا شك فى ذلك وبصراحة انا كنت من اول المعجبين بها بمجرد رؤيتها ( حب من اول نظرة يعنى ) وطبعا عجبنى الشكل جدا من الخارج واكيد حبنى اكثر الشكل من الداخل مع الفارق النسبى فى جودة الخامات المستخدمة فى التابلوه مقارنة بالسيراتو وعجبتنى السيارة جدا ولكن موضوع الزجاج الخلفى ده ازعجنى اخر مرة شفت فيها سيارة زجاج امامى فقط كانت الاكسنت موديل 95 ده الصينى نازل 4 زجاج كهرباء لكن لم اهتم كثيرا لكن هناك تعليقات برضه على الموتور اللى الوكيل بياكد انه مختلف عن الابترا وتقنية اعلى لكن المواصفات الفنية تتفق مع موتور الابترا بالظبط والكاتجرى الاعلى من المانيوال المعروضة فى المعرض وفى التوكيل لا تزيد عن بعضعها كثير واختلاف السعر كبير والحقيقة الكروز وضعت نفسها فى مقارنة مع سيارتين حسب اوجه المقارنة
اولا : المقارنة حسب الكماليات : الكروز تتنافس مع السيراتو من حيث بلد المنشا والفئة والكماليات لكن السيراتو لابد ان تكتسح بفارق كبير موجود فى السيراتو وغير موجود بالكروز ( فرش جلد - جنوط 17 - فتحة سقف - اى بى دى - شكمان نيكل - دواسات نيكل رياضية - 9000 جنيه فارق فى السعر ) يعنى لو حسبت الكماليات دى وفرق السعر يعنى انت بتكلم فى فرق 20000 بحد ادنى تتفوق فيه السيراتو عن الكروز .
ثانيا المقارنة حسب السعر : الكروز الهاى لاين ب135000 يعنى سعر المازدا ام 3 موديل 2009 ( ها نقارن ايه بقى بالله عليكم )
اخيرا هناك كثير من المستهلكين لا يدركوا كل ما نتكلم فيه ده ويكون تقديرهم من حيث الشكل والكماليات والسعر وبلد الصنع
ولو نظرنا بنظرهم ها نلاقنى ان بلد الصنع متفق مع السيراتو والكروز يبقى فاضلهم الكماليات والسعر والسيراتو تكسب والشكل ده مسئلة ذوق بس برضه السعر بيفرضه احيانا يبقى برضه السيراتو تكسب اما لو نظرنا للسعر وبلد الصنع بالنسبة للمازدا مثلا لاوم اليابانى يكسب خصوصا ان السعر واحد حتى لو الكماليات اعلى مش مهم
يعنى الكروز لو لم تراجع اوضاعها بسرعة ها يكون موقفها صعب الايام القادة وهذا رايى المتواضع والله الموفق الى ما يحب ويرضى

[neversighs]

كما كان المتوقع ... منصور بيراهن فقط على شكل الكروز
وبما ان السيراتو تتفوق على الكروز من ناحية الموتور والكماليات والسعر
اذن المنافسه اتحسمت لصالح السيراتو .
ولا نجاة لمنصور من هذا المأزق سوى تخفيض سعر الكروز 10 الاف جنيه عن كل فئة .
وبصراحه هو ده العدل والكروز لا تستحق اكثر من ذلك رغم جمال تصميمها .

[Terrible_DaRsH]

انا اراهن ان الكروز هتكتسح السيراتو فى الشارع المصرى و اتحدى كمان .

الشعب المصرى مبيفرقش معاه الكلام اللى احنا بنقولوا ده .. كله عايز عربية مميزة فى الشكل عن التانية و خلاص لا بيفرق معاه كماليات و لا اسعار و لا امكانيات حتى .

و بكره تشوفوا ان الكروز هتفوق فى عدد البيع للجمهور ..

[Hosam_Optrawy]

انا اراهن ان الكروز هتكتسح السيراتو فى الشارع المصرى و اتحدى كمان .

الشعب المصرى مبيفرقش معاه الكلام اللى احنا بنقولوا ده .. كله عايز عربية مميزة فى الشكل عن التانية و خلاص لا بيفرق معاه كماليات و لا اسعار و لا امكانيات حتى .

و بكره تشوفوا ان الكروز هتفوق فى عدد البيع للجمهور ..

انا مع الرأى ده

انها هاتنتشر

لأن مش كل الناس بتفكر زى بعض

وأحد الاشخاص لما قلتله ان الاوتوماتيك ب 120

قاللى ايه ده دى رخيصه

انا كنت متوقعلها تبقى اغلى من كدا

واحتمال كبير يجيبها