الافيو الكوري

[mech_amr]

السلام عليكم و رحمة الله و بركاته

كنت عايز اعرف اراء الناس في الافيو الكوري (سيدان) , انا محتار بينها و بين النيو اكسنت, و ان كنت اميل للافيو الكوري, فهل المشاكل المتكررة في الافيو (زي ال RPM و العفشة..... الخ) موجودة في الافيو المصري بس و لا في الفيو الكوري كمان.

من فضلكم لو حد عنده review سريع عن الافيو الكوري يقوله, شكرا مقدما

[alisleman]

بس يا سيدى انا كنت محتار زيك بالظبط بين الاتنين
وكل اللى جمعته فى العربيتين مش فى مصلحة الافيو
كله فى مصلحة النيو اكسنت
الافيو 1500 سى سى 82 حصان
الاكسنت 1600 سى سى 112 حصان
تانى حاجة ثبات الافيو الكورى والمصرى الاتنين زبالة
وكل المشتريها بيحاول يخلص منها
غير الاكسنت مش لاقيها بتباع غير نادر قوى
غير مشاكل الافيو فى حاجات كتير قوى
انا مايل زيك فى الشكل للافيو
بس مجبشى عربية العن فى سلسبيل ابوها
ففضلت الاكسنت بعد ما سئلت ناس عليها معاهم العربية وفعلا حجزتها
لحد لما ربنا كرمنى بفلوس زيادة واشتريت تويوتا ياريس
بس لغاية دلوقتى مالقيتشى حد اشتكى فى الاكسنت غير الافيو

[yoko]

الثبات والrpm مشكلة في العربيتين والمصري فيها بقيت المشاكل

[asem_shawky]

افيو لااااااا

نصيحة منى ليك
انا جبت افيو 2009 وكورى وفيها مشكلة ال rpm .
ابعد عن الافيو مصرى او كورى الاتنين زى بعض...

خليك فى النيو اكسنت اضمن كتير محدش اشتكى منها.

[mech_amr]

الف شكر يا جماعة.. ربنا يستر بقى..

[احمد عز]

بس يا سيدى انا كنت محتار زيك بالظبط بين الاتنين
وكل اللى جمعته فى العربيتين مش فى مصلحة الافيو
كله فى مصلحة النيو اكسنت
الافيو 1500 سى سى 82 حصان
الاكسنت 1600 سى سى 112 حصان
تانى حاجة ثبات الافيو الكورى والمصرى الاتنين زبالة
وكل المشتريها بيحاول يخلص منها
غير الاكسنت مش لاقيها بتباع غير نادر قوى
غير مشاكل الافيو فى حاجات كتير قوى
انا مايل زيك فى الشكل للافيو
بس مجبشى عربية العن فى سلسبيل ابوها
ففضلت الاكسنت بعد ما سئلت ناس عليها معاهم العربية وفعلا حجزتها
لحد لما ربنا كرمنى بفلوس زيادة واشتريت تويوتا ياريس
بس لغاية دلوقتى مالقيتشى حد اشتكى فى الاكسنت غير الافيو

لو العربيه فيها المشاكل دى كلها مكنت اتشرت الانتشار ده ومكنتش كمان اتعملت تاكسى ياراجل حرام عليك انت مخلتش فيها حاجه عدله

[amek]

انا معايا افيو 2009 ومفهاش مشاكل خالص......وفعلا العربيه بتنتشر بصوره كبيره...بس هى مظلومه شويه فى المنتدى

[shark12345]

new accent......................

[abou_ruqi]

انا معايا افيو 2009 ومفهاش مشاكل خالص......وفعلا العربيه بتنتشر بصوره كبيره...بس هى مظلومه شويه فى المنتدى

بص يا سيدي
للاسف بعض اعضاء المنتدى غير محايدين وفي بعض العربيات هنا طالعين بيها السما و يا ويله يا سواد ليله اللي يعيب فيه
وفي عربيات تانيه ملعونة ويا ويله اللي يقول انا معايا العربية ومجربها مليون سنين و مافيش الحاجات اللي بتقولوا عليها دي!!

وطبعا فيما يختص بموضوعنا احب اقولك ان في تيار ضد منصور ولصالح غبور في المنتدى علشان كده حتلاقي كتير يقولولك الافيو وحشة هات الاكسنت

طيب الافيو وحشة ماشي يا سيدي ، يجيب الاكسنت ليه ؟؟ ما يجيب جين ٢ ؟ ما يجيب ريو ؟ ما يجيب اسبيرانزا ؟ ما يجيب دايهاتسو ؟ ما يجيب رينو ؟ ما يجيب بولو ؟ ما يجيب فيات ؟ ما يجيب رومستر او فابيا ؟

ليه دايما الافيو وحشة هات نيو اكسنت؟؟
والاوبترا وحشة هات النترا ؟

[alisleman]

لو العربيه فيها المشاكل دى كلها مكنت اتشرت الانتشار ده ومكنتش كمان اتعملت تاكسى ياراجل حرام عليك انت مخلتش فيها حاجه عدله

ا / احمد
عارف انا من اشد المعجبين بالعربية اوى
بس لما افكر اجيب عربيه زيرو يعنى المفروض خمس سنين اقل حاجة لما تتطلب منى حاجة
لكن مش اول ماجيبها rpm وواحد زميلى يطلع نصيبة ان الماتور مفكوك وبيتحرك من مكانه
انا مش بلوم العربية انا بلوم التوكيل وكمان مفيش خدمة بعد البيع
ياباشا انا بشترى عربية مش بيشترى بنطلون انا ونصيبى
وانا لغاية دلوقتى معجب بشكل العربية اوى وبالذات التابلوة شياكة اخر حاجة
اشيك تابلوة فى فئتها ويمكن اعلى من فئتها كمان


على سليمان

[alisleman]

بص يا سيدي
للاسف بعض اعضاء المنتدى غير محايدين وفي بعض العربيات هنا طالعين بيها السما و يا ويله يا سواد ليله اللي يعيب فيه
وفي عربيات تانيه ملعونة ويا ويله اللي يقول انا معايا العربية ومجربها مليون سنين و مافيش الحاجات اللي بتقولوا عليها دي!!

وطبعا فيما يختص بموضوعنا احب اقولك ان في تيار ضد منصور ولصالح غبور في المنتدى علشان كده حتلاقي كتير يقولولك الافيو وحشة هات الاكسنت

طيب الافيو وحشة ماشي يا سيدي ، يجيب الاكسنت ليه ؟؟ ما يجيب جين ٢ ؟ ما يجيب ريو ؟ ما يجيب اسبيرانزا ؟ ما يجيب دايهاتسو ؟ ما يجيب رينو ؟ ما يجيب بولو ؟ ما يجيب فيات ؟ ما يجيب رومستر او فابيا ؟

ليه دايما الافيو وحشة هات نيو اكسنت؟؟
والاوبترا وحشة هات النترا ؟

لان هى اللى فى فئتها
تنكر الثبات على الطريق
تنكر الrpm

[abou_ruqi]

لان هى اللى فى فئتها
تنكر الثبات على الطريق
تنكر الrpm

lما كل اللي انا قلته ده في فئتها !!

(يعني ايه تنكر؟)

[abou_ruqi]

اه ده سؤال

انكر الـ rpm؟؟ ايوة انكره لآنه محصليش انا قعدت بالعربية ٤ سنين عملت بيها ٨٠ الف وعمرها ما قصرت معايا ولا باظ فيها حاجة !!
اشتريتها زي الفل و بعتها زي الفل !

الثبات زي الفل بالنسبة للاسيوي زيها زي اي حاجة كوري و ياباني بل احسن من الياريس (ولكن لا تقارن بالاوروبي )

وعليه فاللي بيدور على الثبات الفظيع يكبر منها و من الهيونداي ويشتري فولكسفاجن حتى لو برازيلي او صيني

[alisleman]

اه ده سؤال

انكر الـ rpm؟؟ ايوة انكره لآنه محصليش انا قعدت بالعربية ٤ سنين عملت بيها ٨٠ الف وعمرها ما قصرت معايا ولا باظ فيها حاجة !!
اشتريتها زي الفل و بعتها زي الفل !

الثبات زي الفل بالنسبة للاسيوي زيها زي اي حاجة كوري و ياباني بل احسن من الياريس (ولكن لا تقارن بالاوروبي )

وعليه فاللي بيدور على الثبات الفظيع يكبر منها و من الهيونداي ويشتري فولكسفاجن حتى لو برازيلي او صيني

واضح ان كان معاك الموديل اللى قبلة احنا بنتكلم على الموديل الحالى اللى موجود دلوقتى
لان الموديل اللى فات محدش اشتكى منه خالص وانا جربتها بنفسى
جرب او اسئل على الموديل الحالى وبعدين احكم

[abou_ruqi]

واضح ان كان معاك الموديل اللى قبلة احنا بنتكلم على الموديل الحالى اللى موجود دلوقتى
لان الموديل اللى فات محدش اشتكى منه خالص وانا جربتها بنفسى
جرب او اسئل على الموديل الحالى وبعدين احكم

راجع بقه مشاركتي الاولى
لو كانت الافيو الجديدة وحشة ، ليه الحل التاني دايما النيو اكسنت مع ان الفئة السعرية دي ماليانة عربيات ؟؟؟