غسيل الماتور في التوكيل

[walwal]

انا رحت التوكيل النهارده لان في زيت علي الماتور (عربتي افيو كوري 2009 ) و طلع الموضوع لان خرطوم الزيت محتاج يتغير و المهم

انا قلت للمهندس بتاع (منصور مصر الاسكندريه الصحراوي ) اغسل الماتور ازاي بصراحه الراجل محترم قال لي حغسله انا طبعا لان

الغسيل في التوكيل مدروس بعنايه المهم غيروا الخرطوم و شفت العربيه طالعه من الورشه فبحث عنها قالوا لي في المغسله رحت اشوف

المغسله لقيتها حته فاضيه و موجود خرطوم مايه و شغال يغسل الماتور بالميه العاديه خالص استغربت لاني و انا بستلمها حزرني الراجل

من عسيلها بالميه ! و كمان مهندس منصور قالي لازم بالهواء امال موضوع الخرطوم ده ايه عموما اكيد هما فهمين اكتر مننا و الميه

معالجه و مش بتضر ميه توكيل بقا ح

كلمه حق النهارده ساعدني مدير خدمه العملاء (مهندس محمد الفرماوي)) خدمه ملموسه بجد

[tayson54]

ده نفس اللي حصل معايا لكن تأكدت بعد كده ان الأستهتاروالأستهبال هما سيد المواقف في مصر

[احمد عز]

برده حصل معايا نفس الموضوع

[walwal]

بجد يا جماعه لازم نعرف نغسل الماتور ازاي و محدش يقول الهواء لانه مش بيشيل الزيوت و العوالق

[tayson54]

ممكن فوم غسيل الموتور

[walwal]

الف شكر بس اظن ان الفوم بيتغسل بالميه ؟ انا صح ؟

[tayson54]

لا الفوم بترش علي الموتور وتستني شويه هياخد التراب وينزل بعدين بفوطه وتلمع الموتور هيبقي زي الفل
بس حاول ترش بعيد عن الأسلاك والخراطيم وكمبيوتر العربيه

[walwal]

يا باشا الف شكر علي المعلومه الحلوه دي , حجربها و اقول لك ايه النتيجه ان شاء الله

[tayson54]

العفو يا باشا وطمنا

[Khalid_Mostafa]

انا متهيألي يا جماعة ان الموضوع ده اسطوره و كان حقيقي ايام ما الجيل الأول من العربيات الأنجكشن ظهرت...لأن كان الدائرة (الكارته بتعته )في داخل حجرة الموتور و بالتالي كان خطر ييجي عليها ميه...ولكن حالياً كل كومبيوترات العربيات الحديثه موجوده داخل كابينة الركاب و بعيده تماماً عن الماء وحتي الأجزاء الكهربائية المتبقية في حجرة الموتور بيكون عزلها جامد جداً و معتقدش ان الماء بيوصلها وموضوع الفوم ده مويس وكل حاجه و لكن الي يخليني اقعد امسح الفوم بفوطه ...طب مانا امسحه بفوطه فيها اي منظف او حتي جاز

وانا شفت في محطات كتير عربيات حديثه وبتتغسل بالطريقة المعتاده وكله بيبقي تمام بس الشئ الأكيد ان الجاز له تأثير سيئ علي الأجزاء الكاوتشوكيه علي المدي البعيد

[walwal]

انا غسلت الماتور بالجاز و بجد بقي شكله زي الفل و لكن موجود الاجزاء البلاستكيه ده موضوع يخوف و مش حكررها و لك انا اظن ان لو استخدمنا التنظيف بالماء بدون ضغط عالي حيكون كويس و خلي بالكم ان فيه بعض المغاسل بتستخدم ضغط مبالغ فيه و بجد بيضر العربيه علي وجه العموم و لو حضرتكم بصيتوا كويس في الماتور حتلاقوا اسلاك جزء منها بس معزول و البافي لاء و ضعيفه و انا فاكر اني مره رحت بنزينه و كان عندي ريجاتا و اتقطع اسلاك منها خاصه بالكربرتير و كان يوم ما يعلم بيه الا ربنا و اتعقدت من الغسيل لدرجه اني مغسلتش العربيه 5 سنين و مش حخفي عليكم انا خايف من الغسيل لسه
لو حد له تجربه مع مغسله كويسه يا ريت يبلغنا بعنوانها و جزاه الله خير

[shetos_basha]

مش غريبة على المهندس الفرماوي ابن شارع معروف راجل محترم بجد

[ashouhdy]

لا طبعا موتور اية اللى يتغسل بالمياة و الصابون دة طبعا حيبوظ و انا قريت على النت ان غسيل الموتور بيكون بالفوم بس
1) تنظيف بالهواء
2)رش الفوم
3)تركة 10 دقائق
4)ازالة الفوم بالهواء ثم رشة مياة خفيفة جدا ثم هواء تانى

مع العلم ان لازم يكون المحرك بارد
و جاز الفوم لا يضر البلاستيك و الكاوتش و دة فقط للعلم

[egyptianmafia]

FYI Eng Mohamad Faramawy used to work for Mansour Tayaran location before moving to Pyramids location and they brought Eng Ahmad Ali (Service Station Manager)

Eng Sherif (Service Manager)

Eng Mahmood Hanafy (Service Manager)

[walwal]

بكام غسيل الفوم ؟