صفقة أبو غالى الجديدة

[فاروق]

الاستاذ hogobingo قال فعلا يا جماعه الفايده زادت ل 8.8 % بس لايزال العرض مغرى فكل البوك بقت 8.8% او بالكتير 8.5 % او 8.2 وهذا فقط اذا قسط على سنتين اما الباقى قد يصل الى 9% فى بعض البنوك ولكن ارى مع تحملهم الصيانه والتأمين والبنزين ما يعنى كنهم الأفضل حتى الأن
معلش ياجماعة مكنتش متابع ممكن حد يقولى عن موضوع التقسيط ده تانى وهوا على العربيات كلها والنقسيط اخره كام سنة اخوكم فاروق :-?

[eng / AhmeD]

بص في الصفحات اللي فاتت و اللينك ده هيفيدك في موضوع القسط ده بردو

http://www.nilemotors.net/Forum/viewtopic.php?t=9832

و أي خدمة يا فاروق

[hesham_tawfiq]

انا حاجز افيو كامله مانيوال

[Ahmed.ibrahim]

اعتفد ان التسليم حياخد من 3 - 4 شهور لان الضغط عليهم جامد والانتاج مش مكفي السوق

ربنا يستر يعني احجز عربية موديل 2008 استلمها سنة 2009

بصراحة كدة الفوري اضمن ولا انتو نسيتو الفرسان ؟!!!!!!!! :D

[Ahmed.ibrahim]

انا سألت امبارح تاني وبيقولوا ان العرض دة لحد اخر السنة دي بس وموضوع الصيانة المجانية دة في العربيات الشيفورلية فقط

ولما قولتلهم اني عايز احجز افيو كلهم (مبيعات المعرض+مندوب البنك) قالولي في نفس واحد لااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااا :twisted: :twisted:

وقالولي اني لو حجزت افيو
1- العرض حيروح علية
2- حستلم في 5-6 شهور
3- حروح النار :|

وانهم علي الرغم من ان التاس حاجزة من بداية العرض من رمضان اللي فات الا انهم ماسلموش ولا عربية لحد دلوقتي :roll:

المهم قمت واخد بعضي وطالع علي المعرض بتاع منصور شيفورلية اللي في جليم (اصل انا اسكندراني)
وسالتهم قالولي انت ممكن تجيبلنا موافقة من اي بنك واحنا حنسلمك العربية في فترة اقصاها شهر ونص

المهم انا مش عارف اعمل ابة :roll:
ادفع لابو غالي ولا ادفع تبع منصور علي طول

وفي كمان حاجة انا خايف يطلع ابو غالي وجة اخر للفرسان :?

[dr_mohamed2007]

نصب فى نصب

[hogobingo]

السلام عليكم ورحمه الله وبركاته

يا جماعه انا عايز أقول حاجه ... موضوع ان ابو غالى هيطلع زى الفرسان ولا لأ أحب أقولك ما تخفش لأن أبو غالى مش من الجماعات الإسلاميه ولا له علاقه بهم وكمان حاجه انت لما بتقسط مع بنك الخوف الحقيقى بيبقى من البنك مش من المعرض لأنك البيع الحقيقى بيكون عن طريق البنك مش عن طريق المعرض يعنى انت فلوسك كده كده عند البنك وتعاقدك معه مباشرة وهو الملزم الوحيد امامك فى ردها لك اذا حصل اى حاجه أما المعرض كده كده مش هياخد فلوسه كامله الا اذا استلمت انت سيارتك وانت بتدفع فلوسك ساعه الإستلام اما عن المشكله اللى حصلت مع الفرسان فكانت فى العربيات الكاش اللى كانت بيدفع فلوسها كامله او جزء منها والأنتظار حتى إستلام السياره فى أى موعد كان ... اما فى حاله التقسيط فالأمر يختلف ...
انا حجزت السياره ب 1000 من أواخر شهر نوفمبر ولما يحين إستلام السياره بيوم هروح أدفع المبلغ المقدم كاش فى يد البنك فى المعرض وبعدين هيكتب الأوراق الخاصه به فى نفس اليوم وتانى يوم أجى وأخد العربيه وبعد الترخيص المعرض هياخد فلوسه يعنى انا فلوسى هتبقى فى البنك لغايه متترخص العربيه وبعدها هياخد المعرض الفلوس بتاعته كامله من البنك ... مما يعنى ان لو هيعمل المعرض حاجه هتكون فى 1000 جنيه فقط اما باقى التعامل هيكون فى يوم واحد وهيكون مع البنك ... الكلام ده حسب كلام المندوب اللى فى البنك

يعنى ما فيش خوف من المعرض الخوف اللى ممكن يحصل هيكون فى البنك وهيكون فى يوم او أثنين بالكتير

[MaSsaRi]

يا جماعه انا عايز اعرف مكان فرع ابو غالي اللي في اسكندريه

وكمان لو في شركات عامله القسط بدون مقدم وبدون وديعه بتمن العربيه

اصل تمن القسط موجود بس وديعه بتمن العربيه مش موجوده وانا اعمال حرة

والعرض شغال ولا وقف

[zakiali]

طيب لو هدفع كاش التسليم بيكون بعد أد أيه ؟

[Sharky]

يا جماعة انا أخت مراتى إستلمت افيو اتوماتيك منهم الأسبوع الى فات من غير كوبونات البزين لإنهم لاغوها خلاص

[hogobingo]

انا شخصيا الأن بلغى الحجز منهم لأنهم بجد مش عجبنى والناس كلها بتشتكى منهم

[shady_elkady]

اى حاجة فيها حورا اعرف انها نصب فى نصب

[MaSsaRi]

يا جماعه انا عايز اعرف مكان فرع ابو غالي اللي في اسكندريه

وكمان لو في شركات عامله القسط بدون مقدم وبدون وديعه بتمن العربيه

اصل تمن القسط موجود بس وديعه بتمن العربيه مش موجوده وانا اعمال حرة

والعرض شغال ولا وقف

محدش رد على سوالي ليه يا جماعه

[hogobingo]

محدش رد على سوالي ليه يا جماعه

مهو اللى يعرف يقول يا جماعه للراجل انا عن نفسى بتكلم على ابو غالى اللى فى القاهره