فتيس الاوبترا

[just_magdy1]

السلام عليكم

انا لسة شارى اوبترا 2009 من شهرين بس حاسس ان ذراع الفتس الاتوماتيك بتاعها تقيل فى النقل وبيعمل صوت خفيف لما تيجى مثلا تنق من ال p الى d عكس فتيس اللانسر الى انا جربتة من يومين حسيت انه خفيف و سلس اكتر وصوتة مجرد تكه خفيفة مقبولة .
ياترى الموضوع ده فى كل العربيات الاوبترا ولا عندى بس .
وشكرا ليكم مقدما

[Hosam_Optrawy]

الأول بس عايز اسال سؤال

انت بتدوس فرامل وانت بتنقل ولا لأ

لأن ضرورى تكون بتدوس

تانى حاجه بالنسبه لموضوع الصوت

فاعتقد ان الاصوات اللى بتسمعها عاديه

وفى اللانسر ممكن تبقى مش مسموعه عشان النقلات على خط واحد

مش على شكل زجزاج زى الاوبترا

[just_magdy1]

والله يا استاذ حسام انت دايما سباق فى الخير لدرجة انى حاسس انى المنتدى ده هايبقى اسمه حسام اوبتراوى بدلا من شيفرولية اوبترا .. ايوة بادوس فرامل وشكرا مره تانية على الرد .وياريت بدل مافتح تويك جديد عن مميزات الاوبترا الى بدات احبها مع انى ماكنتش مقتنع بيها فى الاول عتدى اقراح.
ياريت كل واحد من الزملا ملاك الاوبترا يخش ويشارك ويقول اية الميزة الى موجودة فى الاوبترا ومش موجوده فى بقية العربيات زى الصنى اللانسر السيراتو ... الخ
وبكده هانقدر نجمع مميزات الاوبترا عملى ... ياريت الكل يشارك

[egyptianmafia]

you can always add more oil for the transmission

[Hosam_Optrawy]

والله يا استاذ حسام انت دايما سباق فى الخير لدرجة انى حاسس انى المنتدى ده هايبقى اسمه حسام اوبتراوى بدلا من شيفرولية اوبترا .. ايوة بادوس فرامل وشكرا مره تانية على الرد .وياريت بدل مافتح تويك جديد عن مميزات الاوبترا الى بدات احبها مع انى ماكنتش مقتنع بيها فى الاول عتدى اقراح.
ياريت كل واحد من الزملا ملاك الاوبترا يخش ويشارك ويقول اية الميزة الى موجودة فى الاوبترا ومش موجوده فى بقية العربيات زى الصنى اللانسر السيراتو ... الخ
وبكده هانقدر نجمع مميزات الاوبترا عملى ... ياريت الكل يشارك

ياباشا ربنا يخليك كلك ذوق يا استاذ مجدى

بالنسبه للمميزات

فمن خلال تجربتى للاوبترا لمدة سنه

فالعربيه ماشاء الله ممتازه وقليله العيوب

لان مفيش سياره خاليه من العيوب

وحاليا يعتبر ملهاش منافس فى فئتها

انا بتكلم على الفئه السعريه

لان صعب تلاقى عربيه 1600 اوتوماتيك تقفيل بره وواسعه وعائليه وقطع غيارها متوفره ورخيصه واعادة بيعها كويسه وتوكيلها جيد وغير كدا موتور قوى وثبات وكماليت وسعرها 94 الف

العيب الوحيدد اللى ظهر حتى الان

صاج الكبوت والسقف أضعف من باقى جسم السياره

[just_magdy1]

معاك حق يا حسام باشا فعلا صاج الكبوت والسقف اضعف من باقى جسم السيارة والنقطة دى كانت مضيقانى جدا فى الاول بس بعد تفكير بسيط جسيت انها ملهاش تاثير سلبى على العربية بالاضافة الى ان اللانسر الى ماليه مصر كلها ناس كتير قالو لى صاجها ضعيف وعلى راى بعض الزملا ملاك الاوبترا المحترمين الى قالو مننساش ان احنا شاريين عربية فى فئة اقل من ال 100 الف جم يعنى مش شاريين bmw مثلا .
بس عموما الاوبتر مليانة مميزات زى المبرد الى فى التابلوه واماكن التخزيين و الاريال الى مدمج فى الزجاج ودى بعتبرها نقطة مهمة يعنى على سبيل المثال الاريال فى الكيا السيراتو بيطلع وينزل مع تشغيل السيارة بشكل ميكانيى وده معناه انه ممكن يعطل فى يوم من الايام ... اسف على الاطاله