سؤال عن كاوتش افيو 2009

[fergs]

السلام عليكم يااخوانى دى اول مشاركة ليا انا جبت افيو 2009 من شهر تقريبا المهم امبارح وانا رايح اجيب سحور سمعت صوت فرقعة كنت ماشى براحتى فوقفت العربية ونزلن اشوف اية وملقتش حاجة وبعدين مشيت شوية حوالى 2 كيلو وكنت حاسس بحاجة غريبة زى ماتكون العربية ثقيلة وبعد شوية لقيت واحد بيقولى الفردة نايمة ونزلت ولقيتها مقطوعة وبايظة المهم استعنت بناس فى الشارع وركبنا الاستبن ودى اول مرة فى حياتى اعمل كدة والمهم ركبناة ومشيت بس انا حبيت اسال كم سؤال
1- ممكن فية حاجة فى العربية انضرت غير الكاوتش
2-اعمل اية دلوقتى اشترى فردة نوعها اية انا قريت المكتوب كان هانكووك ودى سعرها كام
3-هل محتاج ضبط زوايا وحاجات من دى على فكرة العربية ماشية 1600 كيلو بس
4-بحس بصوت الكاوتش وانا ماشى زى ماتكون بتضغط على بلونة وخصوصا فى المطبات

[Hosam_Optrawy]

ان شاء الله مفيش مشاكل

هات فرده تكون نفس المقاس اللى عندك بالظبط

ممكن تجيب كومهو دا نوع كويس

وبعد ماتجيبها ان شاء الله وتظبط ضغط الهوا

لو لقيت حاجه مش مظبوطه اعمل ظبط زوايا واكشف على العربيه

[elwad_crazy]

قدر الله وماشاء فعل
اولا دي حاجه بسيطه والحمدلله

ثانيا انت ممكن تركب الاتسبن عادى وتجيب فرده جديده للاستبن
نفس المقاس بتاع الكاوتش الاصلى
وسيب الاستبن راكب مكانه
والفرده الجديده حطها فى الشنطه مطرح الاستبن

[mmtronic]

السلام عليكم يااخوانى دى اول مشاركة ليا انا جبت افيو 2009 من شهر تقريبا المهم امبارح وانا رايح اجيب سحور سمعت صوت فرقعة كنت ماشى براحتى فوقفت العربية ونزلن اشوف اية وملقتش حاجة وبعدين مشيت شوية حوالى 2 كيلو وكنت حاسس بحاجة غريبة زى ماتكون العربية ثقيلة وبعد شوية لقيت واحد بيقولى الفردة نايمة ونزلت ولقيتها مقطوعة وبايظة المهم استعنت بناس فى الشارع وركبنا الاستبن ودى اول مرة فى حياتى اعمل كدة والمهم ركبناة ومشيت بس انا حبيت اسال كم سؤال
1- ممكن فية حاجة فى العربية انضرت غير الكاوتش
2-اعمل اية دلوقتى اشترى فردة نوعها اية انا قريت المكتوب كان هانكووك ودى سعرها كام
3-هل محتاج ضبط زوايا وحاجات من دى على فكرة العربية ماشية 1600 كيلو بس
4-بحس بصوت الكاوتش وانا ماشى زى ماتكون بتضغط على بلونة وخصوصا فى المطبات

لو بتسمع تزييق فى المطبات فدة من جلب المقصات ( دة لو كان قصدق بصوت الضغط على بلونة )

[fergs]

شكرا يارجالة وجزاكم اللة خيرا انا اسف على التاخير لسة جاى من السفر