افيو 2010 صوت فى الشنطه

[aboali2008]

فى عندى صوت فى الشنطه بتاعه عربيتى مكان سللك الشنطه مش عارف الصوت من سللك الشنطه ولا ايه هو مش من المساعدين لان بهز العربيه وهى واقفه مفيش صوت الصوت مع بعض المطبات مش كلها

[yoko]

كان عندي دي من المساعدين وقرفوني كتير وفي الأخر فكوا البطاحات ونضفوها وزيتوا المساعدين فظبطت
ومهما تهز في العربية مش هتبان خلي المهندس يخدك في حتة مكسرة عشان يسمع الصوت

[aboali2008]

طيب لو سيبتها تعمل حاجه فى العربيع يعنى تاثر على الثبات مثلا فى خطورة يعنى

[shady_hamdy]

جلب المساعدين و العيب دة نادر فك البطحات و زيتها هيختفى

[mmtronic]

الموضوع دا ظهر معايا بقالة شهر - تسمع صوت تكة فى الجانب الايسر بالخلف و احيانا تسمعة فى منتصف السيارة اسفل القايم اليسار و اعتقد ان دى كابلات فتح الشنطة و التنك بتلب مع المطبات احيانا لانى مش بسمعها على طول سعات و سعات و مجننانى - و مش عارف اروح اقولهم اية المشكلة فى التوكيل

[aboali2008]

الموضوع دا ظهر معايا بقالة شهر - تسمع صوت تكة فى الجانب الايسر بالخلف و احيانا تسمعة فى منتصف السيارة اسفل القايم اليسار و اعتقد ان دى كابلات فتح الشنطة و التنك بتلب مع المطبات احيانا لانى مش بسمعها على طول سعات و سعات و مجننانى - و مش عارف اروح اقولهم اية المشكلة فى التوكيل

فعلا انت وصفت اللى عندى ب الظبت هى كابلات فتح الشنطه بتلب مع المطبات

[aboali2008]

عرفت الصوت منين دة مسمار كان واقع بين فرش الصالون بتاع السمعات وجسم العربيه بس خلاص

[mmtronic]

عرفت الصوت منين دة مسمار كان واقع بين فرش الصالون بتاع السمعات وجسم العربيه بس خلاص

معلش ممكن اعرف اكتشفتة ازاى - احسن انا الصوت دا مجننى و مش عارف اوصل الى اى شىء معاة رغم انى غلفت كابلات فتح الشنطة و التنك بمواسير عزل فليين و ليسة برضة بسمعة

[aboali2008]

من غير ما تضحك على ركبت البواب بتاعى فى شنطه العربيه و اديته كشاف ولفيت بيه فى المطبات لغايه لما جاب الصوت منين ب الظبط

[mmtronic]

من غير ما تضحك على ركبت البواب بتاعى فى شنطه العربيه و اديته كشاف ولفيت بيه فى المطبات لغايه لما جاب الصوت منين ب الظبط

و الله انت مية مية - برافو عليك

بس انا الاقى فيين بواب كدة متعاون