سؤال لملاك الاوبترا

[wesamone5]

السلام عليكم
انا جبت اوبترا جديده 2010 ومشيت لحد دلوقتى 225 كيلو
بس انا عندى مشكلتين فى العربيه
ان العربيه بتحدف يمين بعد ما بسيب ايدى من على الدركسيون
وكمان الدبرياج بعد ما امشى بالعربيه شويه الاقيه فيه زى زنه او هزه مع دوس البنزين
(يعنى بحس بصوت او هزه الموتور لما تكون رجلى مريحه على الدبرياج وانا دايس بنزين)
هل حد عنده المشاكل دى وهل ليها علاقه بالتليين ولا ايه وايه حلها

[egyptianmafia]

go and do wheel alignment or check your wheel alignment

and go to any service center and tell them to test the clutch

[Hosam_Optrawy]

بالنسبه للحدفه احتمال تكون العربيه محتاجه ظبط زوايا

وأسف مش هاقدر أفيدك فى موضوع الدبرياج لان عربيتى اوتوماتيك

والف مبروك على العربيه وربنا يباركلك فيها

[masterzmind]

نفس حوار الدبرياج دة عندى فى عربية ابويا والعربية عاملة 40 الف وتعود على كدة ادوس بنزين جامد عشان محسيش بالاحساس الى انت بتحس بية

[esloob]

مبروك العربية

هى العربية فيها abs وair bag ولا لأ؟

[wesamone5]

الف شكر على ردودكم والله يبارك فيكم
والعربيه مافيهاش اير باج او abs
بس بالنسبه للدبرياج الاخ ماسترزمايند هو انت ما حاولتش تروح التوكيل تقولهم عليه ولو روحت قالك ايه؟

[just_magdy1]

انا برضه نفس الموضوع معايا .. فعلا عربيتى بتحدف يمين بس خفيف واعتقد انا كنت قريت نفس الشكوى من احد الاعضاء ..عموما حاول تظبط زوايا وبعدين شوف هل العيب مستمر ولا راح ومبروك على العربية وربنا يبارك لك فيها

[wesamone5]

الله يبارك فيك بس انت ما حاولتش تشوف المشكله اللى عندك دى منين هل ضبط الكاوتش ولا ضبط زوايا ولا ايه بالظبط

[د.محمود صلاح]

ممكن تغيير أماكن الكاوتش ( تبديلهم ) يحل المشكلة

[wesamone5]

هو حضرتك جربت موضوع تغيير اماكن الكاوتش ده قبل كده ونجح ولا لا؟

[rzeiny]

يا جماعة الحدفة دي علبة درككسيون والعيب دة من 2007 والتوكيل بيغير من غير كلام بس لازم منصور الصحراوي وتحجز قبلها وتروح من بدري

[أبــوحبيبه ونور]

السلام عليكم
انا جبت اوبترا جديده 2010 ومشيت لحد دلوقتى 225 كيلو
بس انا عندى مشكلتين فى العربيه
ان العربيه بتحدف يمين بعد ما بسيب ايدى من على الدركسيون
وكمان الدبرياج بعد ما امشى بالعربيه شويه الاقيه فيه زى زنه او هزه مع دوس البنزين
(يعنى بحس بصوت او هزه الموتور لما تكون رجلى مريحه على الدبرياج وانا دايس بنزين)
هل حد عنده المشاكل دى وهل ليها علاقه بالتليين ولا ايه وايه حلها

يا جماعة الحدفة دي علبة درككسيون والعيب دة من 2007 والتوكيل بيغير من غير كلام بس لازم منصور الصحراوي وتحجز قبلها وتروح من بدري

معلش سؤال هل العيب دا بياثر على ادا العربية عشان انا باذن الله هستلم اوتوماتيك بعد اجازة العيد عاوز استقر اجيب اوبترا ولا اشوف حاجة تانية يا ريت الرد من الاخوة اصحاب الاوبتر

[Hosam_Optrawy]

معلش سؤال هل العيب دا بياثر على ادا العربية عشان انا باذن الله هستلم اوتوماتيك بعد اجازة العيد عاوز استقر اجيب اوبترا ولا اشوف حاجة تانية يا ريت الرد من الاخوة اصحاب الاوبتر

بص يا استاذ احمد

بخصوص موضوع علبة الدركسيون

انا عندى صوت تزييق وانا بالف الطاره يمين وشمال

الكلام دا الصبح وانا لسه باسخن وبعد كدا الصوت بيروح

انا شخصيا مش عارف الصوت دا من ايه

بس فى اعضاء كتير بيقولوا ان السبب من العلبه وبيغيروها بس بترجع تانى

عشان كدا انا مش مقتنع اوى ان السبب من العلبه

عموما الموضوع مالوش اى تأثير على اداء العربيه يعنى مجرد صوت

ولو مقلق من الموضوع دا وهاتفكر فى حاجه تانيه

ممكن تزود 6 الاف وتجيب النترا

مع العلم ان مفيش عربيه كامله واى عربيه هاتلاقى فيها مميزات وعيوب

وربنا يوفقك للخير ان شاء الله

[أبــوحبيبه ونور]

بص يا استاذ احمد

بخصوص موضوع علبة الدركسيون

انا عندى صوت تزييق وانا بالف الطاره يمين وشمال

الكلام دا الصبح وانا لسه باسخن وبعد كدا الصوت بيروح

انا شخصيا مش عارف الصوت دا من ايه

بس فى اعضاء كتير بيقولوا ان السبب من العلبه وبيغيروها بس بترجع تانى

عشان كدا انا مش مقتنع اوى ان السبب من العلبه

عموما الموضوع مالوش اى تأثير على اداء العربيه يعنى مجرد صوت

ولو مقلق من الموضوع دا وهاتفكر فى حاجه تانيه

ممكن تزود 6 الاف وتجيب النترا

مع العلم ان مفيش عربيه كامله واى عربيه هاتلاقى فيها مميزات وعيوب

وربنا يوفقك للخير ان شاء الله

انا عاوز اخد قرار نهائى واكون مطمن قبل ما اندم بعد كدة يعنى العيب دا موجود مش مؤثر فعلا حتى فى 2010 وممكن اشوف العيب دا مثلا فى عربية اى حد اعرفه
عشان انا سالت اتنين من اصحابى معهم اوبتر قالولى تمام مفيش مشاكل واغلب الجروب هنا بيشتكو من نفس المشكلة

[Hosam_Optrawy]

انا عاوز اخد قرار نهائى واكون مطمن قبل ما اندم بعد كدة يعنى العيب دا موجود مش مؤثر فعلا حتى فى 2010 وممكن اشوف العيب دا مثلا فى عربية اى حد اعرفه
عشان انا سالت اتنين من اصحابى معهم اوبتر قالولى تمام مفيش مشاكل واغلب الجروب هنا بيشتكو من نفس المشكلة

انا شرحتلك اللى بيحصللى بكل امانه

والحمد لله فى خلال سنه ونص مع الاوبترا مفيش مشاكل

وعمرى ماروحت التوكيل عشان باشتكى من اى مشكله الحمد لله

روحت التوكيل 4 مرات

3 مرات صيانة ال 5000 و 10000 و 15000

ومره عملت ترصيص واتزان عشان الطاره كانت بتتهز على سرعة 100 وظبطوهالى

ومفيش ولا استهلاك بنزين عالى ولا سخونه ولا ثبات وحش ولا عفشه ناشفه ولا اى حاجه من الكلام دا

بس فى غيرى بيشتكى من بعض الحاجات دى

فعشان كدا انا خايف تفتكرنى متحيز لعربيتى او بادارى عيوب

لأ بالعكس انا خايف انصحك وبعدين ماتعحبكش او يحصل معاك مشاكل لا قدر الله ترجع تدعى عليا :)

عموما الالنترا برضه كويسه

موتور أقوى وشكل داخلى وخارجى أفضل

بس ليها عيوبها برضه

توكيلها أسوأ

قطع غيارها اغلى شويه

وزنها أخف

عفشتها اضعف قليلا من الاوبترا

واطيه عن الاوبترا

الانذار والسى دى بيتركبوا فى مصر فاوقات بيحصل فيهم مشاكل

ناقصه كام حاجه عن الاوبترا ( فوج لايت - نور قراءه - جراب نظاره - فتحة تبريد فى التابلوه )