كبوت الاوبترا

[just_magdy1]

السلام عليكم ... كل سنة وحضراتكم طيبين
الخميس الماضى كنت راجع من شرم الشيخ وكان فى شوية هوا بس مش شديد المهم انى لقيت كبوت الاوبترا بيتهز كل ما اعدى بالسرعة 120 كم الموضوع ده ضايقنى جدا لانى انا من النوع ان اى عيب الاقية فى العربية ممكن يضايقنى جدا .. المهم يا اخوانى هل الموضوع ده ظهر عند حد غيرى وهل ليه علاج ؟

[totaman]

بصراحة انا وصلت ل 140 كمان

والكبوت عمره ما تهز

وبالنسبة للعلاج ممكن تشوف المفصلات بتاعته

يعنى افتحه وشوف وهزه وهوة مفتوح

واستنى برضه اراء الخبر هيفدوك اكتر

[egyptianmafia]

make sure it is tight the brackets thats holding the hood/kaboot

[Hosam_Optrawy]

انا وصلت ل 160 ومكنش فى اى اهتزاز

[just_magdy1]

انا وصلت ل 160 ومكنش فى اى اهتزاز

جايز انت ما اخدتش بالك او ماكنش فيه هوا انما انا الى خلانى اركز فى الموضوع ده ان فى اكتر من عضو فى المنتدى لاحظ موضوع اهتزاز الكبوت فى السرعات العالية ...

[abdelrahmanmagdy]

عموما الاوبترا عربية ورق وفى اختيارات اخرى مع احترامى لملاك الاوبترا افضل بكتير يعنى انا شايف ان الصنى رغم تقارب السعر افضل منها بمراحل

[ahmed643]

موضوع الكبوت ده مش عند خالص حت مع ال 140 وال 150

اما عن الاوبترا ورق فكل الجديد ورق هما مش عملين دبابه دى عربيه والخامات الجديده كلها خفيفه الوزن

فمش هتلاقى عربيه مش ورق الا بقي لو اتكلمت عل الحجات العاليه الي بيتعدلها مئات الالاف
انا عن الصني فاعتقد بردو انها ورق ويكفيها فخرا الايد المصريه ( عبااااااااااقره )

[Hosam_Optrawy]

عموما الاوبترا عربية ورق وفى اختيارات اخرى مع احترامى لملاك الاوبترا افضل بكتير يعنى انا شايف ان الصنى رغم تقارب السعر افضل منها بمراحل

والله دى وجهات نظر ورأيك يحترم برضه

انا شخصيا ماركبش الصنى حتى لو ببلاش

[abdelrahmanmagdy]

يا حسام باشا الصنى اليابانى ببلاش والاوبترا الكورى بفلوس ؟؟؟؟؟؟؟؟؟؟؟
مش شايف ان دى حاجة غريبة
ثانيا انا ركبت وسوقت الاوبترا اكتر من مره وعارف الفرق بينها وبين الصنى ثالثا حضرتك ممكن تخش قسم المقارنات وتشوف المقارنات بين الصنى والاوبترا كلها فى صالح اى عربية

[Hosam_Optrawy]

مانا زى ماقولتلك دى وجهات نظر

الصنى عربيه يابانى لكن مش 100 %

تقفيلها مصرى

يعنى 40 % من مكوناتها مصرى ويمكن أكتر من 40 %

انما الاوبترا كورى 100 % ومفيهاش اى عيوب تقفيل ولا اى مشاكل الحمد لله

عربيه عمليه جدا وواسعه وقطع غيارها متوفره ومش مكلفه واعادة بيعها ممتازه وسهله وموتورها قوى وسحبها ممتاز وثباتها ممتاز واوتوماتيك فل اوبشنز ب 94 الف

ادخل قسم نيسان وقلب فى المواضيع وشوف عيوب النيسان صنى

تقفيل مصرىىىىىىىى

انا مبعتبرهاش يابانى

اليابانى بيبتدى باللانسر بوما والتيدا والسوزوكى sx4

[ramy7000]

السلام عليكم ورحمة الله

انا بس كان ليا تعليق على موضوع ان الاوبترا ورق وغيرها من العربيات

فى علم بيدرس اسمة علوم المواد ودة بختص بدراسة طبيعة اى المادة ومدى تحملها للانضغاط والشد

فا احد الدكاترة كان بيقلنا على مثل واقعى

هو قلنا ان زمان العربيات كان صجها بيبقا قوى جدا والعربية طولها 7 متر لما كانت العربية دى بتعمل حدثة اية اللى بيحصل

اللى بيحصل ان جسم العربية مبيحصلهوش اى حاجة والتاثير الحدثة بيبقا ضعيف على جسم العربية يعنى تكاد تكون لا تتاثر بالخبطة لاكن بقا نشوف اية اللى بيحصل للسايق مع سرعة العربية وقوة الخبطة بتحصل موجة جوة العربية بتخلى اللى سايق يا اما يتخبط خبطة محترمة فى الدريكسيون او لو الخبطة جادمة ممكن يخبط فى البربيز ويطلع منة كمان.

لاكن بقا العربيات الجديدة بصفة عامة الشركات ركزت كل تفكريها فى ان جسم العربية هو اللى ياخد الصدمة واللى سايق العربية ميحصلهوش حاجة

والدليل على كدة ان فى عربيات زى الميجان و الكيا بعملوا الرفارف اللى قدام فيبر علشان تاخد الصدمة

ويارب اكون عرفت اوصل المعلومة

تقبلوا خالص تحياى...

[just_magdy1]

يا اخى انت مش مقتنع بالاوبترا اوكى دى وجهة نظرك انما الى انا مش مقتنع به ان اسلوب حضرتك يكون بالشكل ده وانت بتتكلم على عربية ليها ملاك كتير ودفعوا فيها مايقرب من مائة الف جنية .
اوكى ربما تكون الاوبترا اقل من الصنى بس مافيش عربية خالية من العيوب وانا اقدر فى ثوانى معدودة اكتب عشرات العيوب عن الصنى .

[abdelrahmanmagdy]

يا جماعة الموضوع كله ان كل واحد بيدافع عن عربيتة بس صدقونى انا مش من ملاك الصنى انا معايا ياريس بس انا مردتش احطها فى المقارنة مع الاوبترا وحطيت الصنى علشان محدش يقول فرق قوة الموتور وحجم الحوض والشنطة الى اخره وحطيت عربية فى نفس الرنج وصدقونى انا واثق ان لو الزمن رجع لورا بالنسبة لملاك الاوبترا هايشتروا ياريس او صنى فى اليابانى اما فى الكورى فاكيد هايشتروا السيراتو مثلا انما مش هايشتروا الاوبترا .

[ramy7000]

يا جماعة الموضوع كله ان كل واحد بيدافع عن عربيتة بس صدقونى انا مش من ملاك الصنى انا معايا ياريس بس انا مردتش احطها فى المقارنة مع الاوبترا وحطيت الصنى علشان محدش يقول فرق قوة الموتور وحجم الحوض والشنطة الى اخره وحطيت عربية فى نفس الرنج وصدقونى انا واثق ان لو الزمن رجع لورا بالنسبة لملاك الاوبترا هايشتروا ياريس او صنى فى اليابانى اما فى الكورى فاكيد هايشتروا السيراتو مثلا انما مش هايشتروا الاوبترا .

اخى العزيز مع احترامى الشديد ليك اللى انت بتقوله دة غلط انت ممكن تعبر عن وجهت نظرك باسلوب تانى متديقش بية حد ويا سيدى راعى مشاعر بتوع الاوبترا الغلابة اللى انا واحد منهم هههههههههه
ويكفينى اقولك ان اى واحد معاه اوبترا مبسوط بالعربية دى اوى ولو رجع الزمن بية تانى حيشتريها تانى
وانا واحد من الناس دى

وتقبل خالص تحياتى...
ورمضان كريم

[just_magdy1]

بالمناسبة انا لسه شارى الاوبترا من حوالى ثلاثة اشهر وكنت اقدر اشترى صنى بس مافكرتش فيها .. بالنسبة للسيراتو فعلا انا كانت دماغى رايحة فى اتجاهها وكنت بحبها جدا وحتى بعد ما اشتريت الاوبترا بس بعد فترة اكتشفت ان السيراتو الشكل القديم مايزدش عن الاوبترا بل بالعكس الاوبترا تتميزا فى مجموعة اشياء صغيرة ولكن فى مجملها تعتبر اشياء تضيف للاوبترا زى :
التقفيل الداخلى لصالح الاوبترا
السيراتو مافيهاش طفاية لركاب الخلف
اريال السيراتو بيطلع وينزل بشكل ميانيكى معرض للعطل بينما اريال الاوبترا مدمج فى الزجاج
الساعة فى السيراتو مطفية فى الاوبترا مضيئة
المبرد الى فى درج التابلوة فى الاوبترا مش موجود فى السيراتو
السقف فى الاوبترا اعلى من السيراتو
كفاية عليك كده مع العلم ان السيراتو اعلى من الصنى بمراحل