اعتذار للاستاذ حسام وملاك الاوبترا

[abdelrahmanmagdy]

كل سنة وانتم طيبين
اولا انا بقدم اعتذارى للاستاذ حسام وكل ملاك الاوبترا علشان الطريقة المستفزة الى تعمدت انى اتكلم بيها على الاوبترا واحب اوضح انى معايا اوبترا اتوماتيك 2009 وابن خالتى معاه نيسان صنى سوبر صالون 2009 برضه بس الشكل القديم واتفقنا ان احنا نبدل مع بعض مع دفع فرق لابن خالتى مبلغ 6000 جم .
بس الحقيقة انا محتار جدا واحيانا اشوف ان الصنى السوبر صالون تكسب واحيانا اشوف الاوبترا تكسب ولسه فى حيرة حتى الان فاولا اسف جدا لانى تلفظت بغير الحقيقة ثانيا ارجوكم افيدونى اغير ولا اخلينى فى الاوبترا .

[Hosam_Optrawy]

مفيش داعى للاعتذار يا استاذ عبد الرحمن حصل خير

وكل سنه وانت طيب :)

بس انا دلوقتى مش فاهم حاجه بصراحه :d

مش حضرتك قلت انك معاك ياريس وانت بتتناقش معانا ؟

للدرجه دى مكنتش طايق الأوبترا وبتتبرى منها وبتقول معايا ياريس ؟ :d

عموما ولا يهمك

انا زى ماقولتلك انت ظالم الاوبترا وهى مش وحشه للدرجه دى

وقولتلك رأيى بصراحه فى أغلب العربيات اللى ذكرتها

بالنسبه لموضوع انك عايز تبدلها بالصنى

هنفترض ( مجرد افتراض ) ان الصنى أحسن من الاوبترا

برضه متبدلهاش

ليه ؟

لانك هتبقى بدلت مستعمل بمستعمل

حتى لو حالتها كويسه

مش هاتحس باى متعه خالص وانت كمان بتقول هاتدفع 6 الاف فرق

انا بصراحه مش شايف أى مبرر انك تعمل كدا

لو عايز تغير عربيتك يبقى تجيب زيرو ( بغض النظر عن هاتجيب ايه )

او لو عايز تغير عربيتك بمستعمل لازم تجيب حاجه أعلى ( ميجان مثلا )

انما تبدل الأوبترا بالصنى وكمان مستعمل

انا مش معاك فى الحكايه دى

وفى الأخر القرار ليك وربنا يوفقك للى فيه الخير

[ezzatfox]

فى الموضوع السابق حضرتك بتقول ان معاك يارس ؟؟ و دلوقتى بتقول اوبترا

يا ريت توضح .. عشان نفهم .

بالنسبة لاصل الموضوع انا قريتة بكل مشاركاتة و طلعت منة بانطباع واحد .. انك غلطان فى حكمك على الاوبترا و ظالمها فعلا و بتحاول تقارنها بعربية اقل منها فى كل حاجة ( الياريس ) عشان يابانى .

لكن دلوقتى اسمحلى احييك على الموضوع دة .. لان نادرا ما يعتذر الانسان عندما يكتشف انة كان على خطأ و يعلن ذلك .. هى دى الرجولة

[ezzatfox]

انا كمان مش مع حكاية التبديل دى خالص .. انا شايف ان الاوبترا احسن من الصنى و على اقل تقدير تتساوى معها .. يبقى على اى اساس تدفع فرق .
تقريبا ابن خالتك لمح عدم رضاك عن العربية .. و هو دة اللى خلاة يطلب منك فرق .. لكن لو الاوبترا و حشة فعلا زى ما بتقول .. عمرة ما كان رضى يبدل معاك .
و بالنسبة للاوبترا اللى حضرتك بتقول عليها ورق .. انا شخصيا ليا تجربة مع واحد صاحبى عمل بيها حادثة .. و عربية سوزوكى ربع نقل خبطتة من ورا و كانت خبطة جامدة جدا لدرجة ان العربية السوزوكى بقت علبة صفيح ملهاش معالم فى حين ان الاوبترا كانت خسايرها بسيطة جدا .

[just_magdy1]

شكرا ليكم يا رجالة على ردودكم بس انا عايز اوضح ان الصنى حالتها زى الزيرو وعربيتى كمان زيرو بس انا مقتنع بشىء ان الاوبترا تتفوق شكلا والصنى تتفوق موضوعا ... انا اقصد ان الصنى تتميز فى الاوبشنز الى فيها زى الايرباج فرامل ال abs ودى انا مش متاكد منها ..قوة الصاج .. الموتور والجيربوكس .. معمره اكثر فارجوكم الى يقول راية يقول الاسباب برضة ...وشكرا ليكم واسف لازعاجكم

[just_magdy1]

[QUOTE=Hosam_Optrawy;3871989973]مفيش داعى للاعتذار يا استاذ عبد الرحمن حصل خير

وكل سنه وانت طيب :)

بس انا دلوقتى مش فاهم حاجه بصراحه :d

مش حضرتك قلت انك معاك ياريس وانت بتتناقش معانا ؟

للدرجه دى مكنتش طايق الأوبترا وبتتبرى منها وبتقول معايا ياريس ؟ :d


لا فعلا يا استاذ حسام صاحبى عبدالرحمن معاه ياريس وانا دخلت باليوزر بتاعه علشان اعرف حقيقة الاوبترا
اسف مره تانية

[Hosam_Optrawy]

هو انت يا استاذ مجدى

انت اللى عملت دا كلو :d

كل دا عشان الأوبترا ؟

عموما انا رأيى قولتهولك خلاص

[just_magdy1]

هو انت يا استاذ مجدى

انت اللى عملت دا كلو :d

كل دا عشان الأوبترا ؟

عموما انا رأيى قولتهولك خلاص

يعنى انت شايف يا استاذ حسام ان رغم الاوبشنز الى فى السوبر صالون وعوامل الامان وقوة الصاج الاوبترا تتفوق عليها ... انا العربية مش عجبانى شكلا ...لا عجبنى الشكل الخارجى ولا شكل الصالون بتاعها .
معلش انا تعبك معايا

[Hosam_Optrawy]

يعنى انت شايف يا استاذ حسام ان رغم الاوبشنز الى فى السوبر صالون وعوامل الامان وقوة الصاج الاوبترا تتفوق عليها ... انا العربية مش عجبانى شكلا ...لا عجبنى الشكل الخارجى ولا شكل الصالون بتاعها .
معلش انا تعبك معايا

استاذ مجدى

انا متابع مشاركاتك ومواضيعك من يوم ماجبت الاوبترا

وحاسس انك مش مقتنع بيها ومش مرتاح معاها مش عارف ليه

ايه اللى مضايقك فيها بالظبط ؟

لو مشكلتك فى عوامل الأمان

دور على أوبترا سبورت مستعمله ( اللى فيها Abs و 2 ايرباج وطاره ملتى فنكشن وجنوط سبور 15 )

أو النترا كامله خليجى أو وكيل مستعمله ( يكون فيها Abs و ايرباجز )

لكن متجبش الصنى اللى مش عاجبك شكلها من جوا ولا من برا وكمان تقفيل مصرى عشان فيها عوامل أمان

ومفيش اى تعب ولا حاجه احنا اخوات :)

وتحت أمرك فى اى سؤال

[just_magdy1]

استاذ مجدى

انا متابع مشاركاتك ومواضيعك من يوم ماجبت الاوبترا

وحاسس انك مش مقتنع بيها ومش مرتاح معاها مش عارف ليه

ايه اللى مضايقك فيها بالظبط ؟

لو مشكلتك فى عوامل الأمان

دور على أوبترا سبورت مستعمله ( اللى فيها abs و 2 ايرباج وطاره ملتى فنكشن وجنوط سبور 15 )

أو النترا كامله خليجى أو وكيل مستعمله ( يكون فيها abs و ايرباجز )

لكن متجبش الصنى اللى مش عاجبك شكلها من جوا ولا من برا وكمان تقفيل مصرى عشان فيها عوامل أمان

ومفيش اى تعب ولا حاجه احنا اخوات :)

وتحت أمرك فى اى سؤال

ربنا يخليك يا باشا وانا فعلا صرفت النظر عن الصنى لانى تقريبا قريت كل المواضيع عنها اليومين الى فاتو فى منتدى النيسان اما عن عدم اقتناعى بالاوبترا فانا شايف انها عربية حلوة كاداء فعلا بس انا هاقول لحضرتك ايه سبب رغبتى فى بيعها ده لانى بعد مااشترتها بفترة بسيطة لقيت شوية نقر صغيره فى السقف وحقيقى كل ماجى اركب العربية الموضوع ده بيضايقنى وكمان حسيت بموضوع سهولة خدش البوية وانا من النوع انى لو حسيت ان عربيتى فيها شىء مضايقنى يخلينى ممكن اغيرها وبالمناسبة انا غيرت عربيات كتيرة وده طبعا بفلوس وادعيلى ان ربنا يشفينى من الداء ده وشكرا ليك مره تانية وياريت تشرفنى فى شرم الشيخ كام يوم حقيقى
وكل سنة وانت طيب

[Hosam_Optrawy]

ربنا يخليك يا باشا وانا فعلا صرفت النظر عن الصنى لانى تقريبا قريت كل المواضيع عنها اليومين الى فاتو فى منتدى النيسان اما عن عدم اقتناعى بالاوبترا فانا شايف انها عربية حلوة كاداء فعلا بس انا هاقول لحضرتك ايه سبب رغبتى فى بيعها ده لانى بعد مااشترتها بفترة بسيطة لقيت شوية نقر صغيره فى السقف وحقيقى كل ماجى اركب العربية الموضوع ده بيضايقنى وكمان حسيت بموضوع سهولة خدش البوية وانا من النوع انى لو حسيت ان عربيتى فيها شىء مضايقنى يخلينى ممكن اغيرها وبالمناسبة انا غيرت عربيات كتيرة وده طبعا بفلوس وادعيلى ان ربنا يشفينى من الداء ده وشكرا ليك مره تانية وياريت تشرفنى فى شرم الشيخ كام يوم حقيقى
وكل سنة وانت طيب

ربنا يعينك بجد على الموضوع دا لان زى ما انت عارف مفيش عربيه كامله الكمال لله وحده

وبالطريقه دى هاتفضل تغير فى العربيات وبرضه مفيش حاجه هاتعجبك وتبقى بترمى فلوسك فى الأرض

العربيه اللى معاك انا معرفش حالتها ايه

بس انا من خلال تجربتى مع الأوبترا لمده أكتر من سنه

شايف ان العيب الوحيد اللى فيها ضعف صاج الكبوت والسقف

وعندى نقره فى السقف ونفره فى الكابوت بس مش باينين للدرجه اللى تضايق

ومش شايف انه عيب خطير للدرجه

لان باقى العربيه كلها مميزات الحمد لله

فانا طبعا باحمد ربنا على الاختيار دا

لانى ممكن فى المستقبل لما أجيب عربيه أغلى وابقى متوقع انها أكيد أفضل وأحسن من الأوبترا

ممكن يبقى فيها أكتر من عيب والله أعلم

وان شاء الله لو جت فرصه وهاجى شرم الشيخ أكيد هاكلمك

ويشرفنى التعرف بحضرتك :)

كل سنه وانت طيب

[just_magdy1]

الشرف لينا يا باشا ... كل سنة وانت طيب

[ashraf229]

لا تندفع ورا احساس بيجيلك للحظة و خلاص

الأوبترا عربية محترمة و لو اني لما كنت امتلكها جت عليا فترة كده كنت مش طايقها و كارهها و زهقت منها مع ان عربيتي كانت رائعة بجنوط 15 و عجل عريض و زينون و جلد و نواكل و نضيفة جدا جدا و فعلا مشيت ورا احساسي ده لغاية ما بعتها و جبت كرولا 2008 و لا تتخيل انا ندمان قد ايه اني خسرت فلوس كتير جدا جدا لما أضطريت ابيع التويوتا لظروف حصلتلي

وحسيت فعلا ان الأوبترا كانت اصيلة و شايلاني و مكنتش حامل هم لا صيانة ولا تصليح ولا أر وحسد ولا حتى بيع ده انا يوم ما قلت هأبيع ألف من جالي عايز يشتري و من غير أي فحص تماما رغم اني شلت منها كل الكماليات اللي كنت عاملها زيادة

ندمت لأني تجنيت على الأوبترا اللي كانت رفيقة كفاح و عربية محترمة فعلا

الكمال لله وحده و لو قعدت تقول دي صاجها ايه و دي فرشها ايه و دي عجلها ايه هتكره كل عربيات البلد و عمرك ما هتجيب عربية خالص

استخير ربنا و ربنا يكتيلك الخير.........

[just_magdy1]

لا تندفع ورا احساس بيجيلك للحظة و خلاص

الأوبترا عربية محترمة و لو اني لما كنت امتلكها جت عليا فترة كده كنت مش طايقها و كارهها و زهقت منها مع ان عربيتي كانت رائعة بجنوط 15 و عجل عريض و زينون و جلد و نواكل و نضيفة جدا جدا و فعلا مشيت ورا احساسي ده لغاية ما بعتها و جبت كرولا 2008 و لا تتخيل انا ندمان قد ايه اني خسرت فلوس كتير جدا جدا لما أضطريت ابيع التويوتا لظروف حصلتلي

وحسيت فعلا ان الأوبترا كانت اصيلة و شايلاني و مكنتش حامل هم لا صيانة ولا تصليح ولا أر وحسد ولا حتى بيع ده انا يوم ما قلت هأبيع ألف من جالي عايز يشتري و من غير أي فحص تماما رغم اني شلت منها كل الكماليات اللي كنت عاملها زيادة

ندمت لأني تجنيت على الأوبترا اللي كانت رفيقة كفاح و عربية محترمة فعلا

الكمال لله وحده و لو قعدت تقول دي صاجها ايه و دي فرشها ايه و دي عجلها ايه هتكره كل عربيات البلد و عمرك ما هتجيب عربية خالص

استخير ربنا و ربنا يكتيلك الخير.........

كلام حضرتك مظبوط ... متشكر جدا يا استاذ اشرف وكل سنة وانت طيب

[ashraf229]

لا شكر على واجب

و كل سنة و انت طيب و رمضان كريم......