راى ومشورة بخصوص الكروز

[amrsabet]

انا روحت شوفت العربية الكروز والحقيقة العربية من الخارج شكلها تحفة وانا اتاكدت ان
الزجاج كهربا فى كل الفئات بس انا كان ليا بعض التعليقات على العربية وياريت الاعضاء يقولوا رايهم :
- انا حاسس ان الكراسى ناشفة شوية وخاصة الكنبة الخلفية
- الكنبة الخلفية التنجيد بتاعها قليل اوى يعنى تحس انك قاعد على خشب وقد تكون متعبة فى السفر الطويل
- التابلوه فى قماش (قد يتاثر نظرا لعوامل الشمس والتراب اللى مالى مصر ) وهل فى طريقة للحفاظ علية او تنظيفة
- السرعة القصوى للعربية الاتوماتيك قليلة بالنسبة لعربية بالحجم ده


انا فى الحقيقة العربية عجباتى اوى بس خايف من الحاجات اللى انا كتبها ياريت كل الاعضاء يشاركونى بالراى

[lordtefa]

.... بص ياباشا هي العربية بالصراحة تحفة ....
و شكل المنتدى هنا لسه محدش جابها ....
ممكن تاخد البريزينتشن ده ممكن يساعدك وفيه في الاخر مقارنة الكروز بكذا عربية كده من ناحية الحجم والقوة ....
2shared - downloa Cruze_Training_Course_April_2009.pptr.ppt

وكان فيه والد احد الاعضاء جابها وبيشكر فيها أوي .
أما حكاية التابلوه القماش معتدقش ممكن تقللك منه من ناحية النظافة في كذا طريقة ممكن تنضفها بيها واعتقد هيكون اسهل من التابلوه العادي .

بص ياباشا انا الصراحة العيب الوحيد اللي فيها ومش شيفه عيب أوي يعني هو الماتور اللي نازل معاها مش هو اللي بينزل بره .
مع العلم ان ليا واحد صاحبي مهندس في التوكيل بيشكرلي أوي فيها من الناحية الميكانيكة .
وعامة ربنا يوفقك في أختيارك ان شاء الله .

[Hosam_Optrawy]

بص موضوع الكراسى والكنبه انت مش محتاج تاخد فيه رأى حد

مادام مش مرتاح فى القعده خلاص

وبالنسبه للسرعه القصوى ففعلا العربيه التسارع بتاعها مش جامد اوى

لكن فى الأخر الموضوع كله مجرد ثوانى

يعنى مثلا الكورولا اللى تمنها 150 الف بتجيب من 0 - 100 فى 11 ثانيه

والاوبترا اللى ب 90 الف بتجيب فى 12 ثانيه

الفرق ثانيه

[amrsabet]

انا بشكرك على ردك ا/حسام بس انا كان قصدى ان العربية السرعة القصوى ليها فى البروشور بتاعها قليلة يعنى تقريبيا177كم/ساعة
و التسارع من 0-100 فى 13.6ثانية
انا شوفت تقييم للعربية على موقع www.sgcarmart.com
ولقيت ان الناس بتشكر فى ثبات العربية لكن الاداء بتاع الموتور ضعيف يعنى تقريبا هيبقى زى سكودا A5 مع اختلاف السرعة القصوى طبعا والثبات

[Hosam_Optrawy]

انا بشكرك على ردك ا/حسام بس انا كان قصدى ان العربية السرعة القصوى ليها فى البروشور بتاعها قليلة يعنى تقريبيا177كم/ساعة
و التسارع من 0-100 فى 13.6ثانية
انا شوفت تقييم للعربية على موقع www.sgcarmart.com
ولقيت ان الناس بتشكر فى ثبات العربية لكن الاداء بتاع الموتور ضعيف يعنى تقريبا هيبقى زى سكودا a5 مع اختلاف السرعة القصوى طبعا والثبات

السرعه القصوى المكتوبه فى البروشور بتبقى مش دايما صح لان العربيه يتجيب بعدها

مثلا فى بروشور الاوبترا مكتوب ان السرعه القصوى للاوتوماتيك 175

بس طبعا العربيه تجيب اكتر

التسارع فعلا ممكن هو اللى يبقى صح فى 13 ثانيه

وزى ما انت قلت اداء الكروز هيبقى شبه اداء العربيات الالمانى

سحب وتسارع متوسط ووزن كبير وثبات رائع

[ehaballam]

الكروز فى برغم أن التابلوه شكله جميل و الكراسى تحفة بس كاميكانيكا سيئة جدا لدرجة أن الأوبترا و دى عربية بكرها أحسن منها
اتقل من الأوبترا 100 كج و أوطا 5 سمو و المصيبة نص قطر الدوران 10 متر كاملين و و فى الأوبترا 5.2 وبتاخد من صفر إلى 100 فى 12.2 ثانية يعنى أبطا ثانيتين من الأوبترا .و نفس ماتور الأوبترا و الكلام دة من البورشور الرسمى بتاع العربية

[adfarouk]

انا بشكرك على ردك ا/حسام بس انا كان قصدى ان العربية السرعة القصوى ليها فى البروشور بتاعها قليلة يعنى تقريبيا177كم/ساعة
و التسارع من 0-100 فى 13.6ثانية
انا شوفت تقييم للعربية على موقع www.sgcarmart.com
ولقيت ان الناس بتشكر فى ثبات العربية لكن الاداء بتاع الموتور ضعيف يعنى تقريبا هيبقى زى سكودا A5 مع اختلاف السرعة القصوى طبعا والثبات

شوف يا باشا انا دخلت على الموقع دة و على مواقع اجنبية تانية و شوفت كل ال Reviews المكتوبة عن الكروز .... انا شايف ان الحاجة الوحيدة اللى الناس متضايقين منها هو موضوع التسارع بس و هو في الاخر موضوع بالكتير هيفرق ثانيتن (بالمناسبة موضوع التسارع دة مالوش دعوة بالموتور E-TEC II و لا Ecotec ..... علشان محدش يفتيلك في الحكاية دي)
بس بالمقابل هتاخد ثبات - هدوء - راحة - امان - خامات كويسة - كماليات كويسة (التوب لاين) - شكل من الاخر برة و جوة
انا شايف ان موضوع التسارع دة مقابل المميزات التانية مش مهم اوي لأنك مش شاري عربية تدخل بيها سباقات (في ناس كتير ممكن تختلف معايا في النقطة دي)
شوف انت عايز اية من العربية و متحيرش نفسك كتير لأن علشان تاخد عربية فيها كل حاجة هتكون بعيدة اوي عن الفئة السعرية اللي فيها الكروز