رائحة شياط بالاوبترا

[mmabass]

بعد السلام عليكم ورحمة الله وبركاتة

انا عندي مشكلة محيراني جدا فيه ريحة شياط جامدة جدا من الناحية الشمال الامامية ، على فكرة العربية اوتوماتيك 2008يا ريت يا جماعةحد يقوللي ايه ده

[Hosam_Optrawy]

غريبه الحكايه دى

طب الريحه دى انت شاممها على طول ولا فى حاله معينه ؟

[animalring]

عندى ياعم عارف ده من ايه خرطوم الزيتح اللى موصل للرداتيير شويه وهيتقطع لانه مش هيتحمل حرارة الزيت غيره احسن

[ticoo]

انا ساعات بشم الريحة بعد مسافة طويلة بامشيها على سرعة علية و مش عارف اه السبب؟؟؟؟؟؟

[hmada9009_99]

رائحه الشياط ده ممكن تشمها علشان ممكن تكون العربيه لسه جديده وحد حرق عليها وده عادي اما لو زادت اوي فأنصحك روح للوكيل

[hmada9009_99]

نفس حصل معايا في هيونداي ماتريكس بس لأني كنت بحرق عليها وهي كانت تعتبر جديده

[mmabass]

متشكر

انا بجد متشكر لكم يا جماعة على المساعدة ، على العموم انا عرفت السبب والرائحة من ايه وتخيلوا الموضوع اهيف مما كنا كلنا متصورين .
كيس بلاستيك كان لازق في الشكمان من الناحية اللى قدام وطبعا مع السخونة للشكمان الكيس بيسيح على الشكمان اكتر ويطلع الريحة هاهاهاهاهاها انا قعدت اضحك كتير لان الميكانيكي بتاعي قاللي كدة من الاول وانا بصراحة مكنتش مصدق وبعدها رفع العربية على الكوريك ونزلت انا وهو تحت العربية ولقيت انو عندة حدق بقيت في نص هدومي ساعتها

[Hosam_Optrawy]

انا بجد متشكر لكم يا جماعة على المساعدة ، على العموم انا عرفت السبب والرائحة من ايه وتخيلوا الموضوع اهيف مما كنا كلنا متصورين .
كيس بلاستيك كان لازق في الشكمان من الناحية اللى قدام وطبعا مع السخونة للشكمان الكيس بيسيح على الشكمان اكتر ويطلع الريحة هاهاهاهاهاها انا قعدت اضحك كتير لان الميكانيكي بتاعي قاللي كدة من الاول وانا بصراحة مكنتش مصدق وبعدها رفع العربية على الكوريك ونزلت انا وهو تحت العربية ولقيت انو عندة حدق بقيت في نص هدومي ساعتها

الحمد لله انها طلعت حاجه بسيطه