اصحاب الافيو يدخلوا بسرعة !!!! رايكم فيها اية؟؟؟

[elrasy]

تقدر تقول عالى سنه
180 فى الصفيحة جوه البلد
250-270 فى السفر

هية الافيو بقالها معاك اد اية؟؟

[محمدايهاب]

أنا أنصحك بالتروي قليلا الأفيو ( الأمريكية الأصلية) تم اختيارها واحدة من أسوء 10 عربيات سنة 2007 :?

[running_man]

بص حضرتك ....سيبك من الريفيو الأمريكانى
الناس دي عندهم أى عربية أقل من 2000 سى سى غالبا بيقولو عليها زبالة
احنا راضيين بقليلنا :? ...و هي تعتبر أحسن الزبالة :mrgreen:
العربية معايا بقالها سنتين و عامله 35000 و مافيش أعطال نهائيا

[mohaismail]

والله شكلها الخارجى كويس وعاجبنى اوى بس عيبها كمالياتها مش كتير ومش عارف الاداء بتاعها عامل ازاى بس اللى متأكد منه ان توكيلها من انضف التوكيلات فى مصر لانى بتعامل مع العوض جروب وهوه موزع معتمد لنيسان والمنصور وناس محترمة جدا وخصوصا مهندسين الصيانة

[mostafa el-gohary]

الافيو نزلت بكمبيوتر رحلات

[BASHAR]

اتكل على الله ....اختيار كويس

;)

[elrasy]

اشكر كل اخوانى على الاهتمام

[asd_ra7la]

انا معايا افيو 2007 كورى
بصراحه مرتاح معاها جدا
من حيث المناورات ومن حيث قوة السيارة
وطبعا ارتفعها عن الارض بيحل مشكله رهيبه فى شوارع مصر مع المطبات
مع العلم انا سافرت بيها مسفات وعلى 175 سرعه محستش بعدم الاستقرار اللى الناس اتكلمت عليه
بصراحه
واستهلاك البنزين اسواء مرة كان 226 للصفيحة
وافضل مرة 245
اسعمالى للبنزين مع العربية 92
حاليا انا عامل 14000 ك
مشوفتش منها مشاكل لحد دلوقتى

[mohamed hamdy]

ما فيش عربيه كامله كل عربيه لها عيوب و مميزات و انا حكلمك على اهم ميزه بالنسبه لي في العربيه دي ..........بعد 10000 مطب في طرق مصر المحروسه ,,,,, الافيو ما حكيتش مني غير مرتين و دا طبعا انجاز و كمان لا اضطر الي اخذ المطب بالجنب و عمل حركات اكروباتيه لتفادي الاحتكاك

[mostafa_negm]

يا جماعه انا معايا العربيه بقالها سنه و نص بس بصراحه زى الفل
و مش محتاجه رغى كتير صدقنى انا استعمالى للسيارة سىء بجد بس هيا زى الفل
بس ابعد عن التيل المصرى تكسب

[mostafa_negm]

الفيو مش وحشه بس فيها عيوب كتير
و ابعد عن فرع الصيانه بتاع ش الطيران لانهم ناس زباله