شفرولية كروز وماليبوالأن بالسعودية..صور+معلومات

[ashraf229]

شكرا لمجهودك بس انا سالت عليها عند العيسى قالي ب72 ألف وطبعاً ده رقم هلامي في سعر الكامري والالتيما واغلى من السيفيك دي حتى أغلة من الابيكا اختها الكبيرة اللي بتبتدي من 52 ألف بس
معلومة بسيطة الابيكا 2000 سي سي

أعتقد قالولك السعر غلط لأن الفرق بين الجميح و العيسى عمره ما بيزيد عن ألف و لا ألفين بالكتير و طبعا لو كان صح يبئى استحالة هيحلم يبيع منها واحدة حتى!!!!لأنها فعلا بسعر الكامري و الألتيما و الأكورد و السوناتا اعلى فئة و الأزيرا!!!

الأبيكا 6 سلندر 2000 سي سي......و كونها 6 سلندر ده اللي يهم السعوديين اكتر من كام سي سي.......و متوفرة أيضا ب 2400 سي سي 6 سلندر........

[M.Osman]

شكراً يا باشا عالتقرير...

بلاش صور تاني للماليبو دي الله يخليك :(

[ashraf229]

الشكر لله وحده............

[medo_2060]

بس انا نفسي اعرف ليه التابلوه الفخم الى فى الصوره مش زى التابلوه بتاع الكروز المصريه
شكرا على التقرير

[pro_samir]

العربيات شكلها تحس انها زيرو فعلا حتي الكاوتش شكلة ملمسش الأسفلت

مش زي اللي عندنا تبقي بتاخدها زيرو وانت عارف ان السواق رايح بيها المعرض فاحتها طول الطريق

[elwad_crazy]

المكنه بتاعت العربيه الكروز الـ1800 سي سي بتركب على الافييو

[Hosam_Optrawy]

بس انا نفسي اعرف ليه التابلوه الفخم الى فى الصوره مش زى التابلوه بتاع الكروز المصريه
شكرا على التقرير

بيتهيألك

التابلوه هو هو

دا حتى فيه الشاشه الصغيره مش شاشة البيانات الكبيره

والطاره مفيهاش نيكل

الكروز التوب لاين اللى فى مصر المفروض فيها شاشة بيانات كبيره ونواكل زى الصوره دى

[Abomar77]

الف شكر على التقرير ...
بجد العربية تحفة بس هيفضل سعرها مسار جدل مقارنة بنفس الفئة من السيارات الآخرى.
(الحمد لله مش في مصر بس ده حتى في الخليج)

[egyptianmafia]

1800 سى سى يعنى جمارك 135 % يعنى سعرها هايعدى ال 200 الف

Exactly and if Mansour did bring the 1800 watch then how many people will come here and complain....

Chevrolet Cruze is 200,000 and it is Korean

I can pay 200,000 and get a Passat or Octavia and everyone will start saying how the Cruze will not sell.....


but the reality is what Hosam said...you want the 1.8 Engine...then you need to pay more because of taxes!!!!!

[ashraf229]

شكرا لردودكم جميعا و تفاعلكم مع الموضوع.........

و فعلا سعر العربية دي هيظل مثير للجدل سواء في مصر أو السعودية و أكبر دليل السيارة التانية بالتقرير الشفروليه ماليبو....أفخم و أوسع بكتيررررر و تقريبا في نفس حجم الكابريس و سته سلندر و تجهيزات أكتر من الكروز بكتير و أمريكية الصنع (بيقولوا كده في التوكيل) مش كورية زي الكروز و لسه نازلة السوق لأول مرة بالخليج و سعرها حوالي 85000 ريال.....يعني الكروز تعتبر غير منافسه لناحية السعر تماما.....و زي ما قلت ابسط شيء اللي هيشوفها هيجيب بدلها سيفيك كفاية انها هوندا و 1800 سي سي و متجربه و معروفة أو يحط قرشين و يجيب كامري حبيبة الملايين أو أكورد ياباني أو يوفر و يجيب شفروليه ابيكا أو سوناتا و غيرهم و ساعتها عنده مبرراته فرق الاتساع و الموتور وده بيفرق كتير عند شعوب الخليج و متطلبات حياتهم مع السيارات........

[ashraf229]

صور منقولة من احد المواقع السعودية للسيارات...........

[ashraf229]

صور منقولة من احد المواقع السعودية للسيارات لشفروليه مليبو 2010




لاحظوا حجمها مقارنة بالكابريس اللي جمبها












و دمتم في حفظ الله و أمنه.............

[dodino2006]

الف شكر علي التقرير و الصور

علي فكرة الكروز في الصين برضه اغلي من الايبيكا بحوالي ٣٠٠ جنيه مصري، و الكروز مطلوبة اكتر

[drhima]

يا باشا الف شكر على تعبك مع انى اتحطمت خطتى لشراء كروز من السعودية لانى شغال فى الرياض وكنت ناوى اجيبها لو هى 1600 بس منهم لله اللى فى بالى وعموما شكلها هترسى معايا ع الاوبترا او السيراتو وعموما ده رقمى 0560844224 عشان نتعرف

[Ahmed Nouh]

عايزين الماليبو دى تنزل ب 110 بقا , عايزين نركب العربيات دى يا جدعان :(

شكرا يا استاذ اشرف على الصور , عندكش عقد عمل :)