إزاى ياجماعة أعرف الأفيو مجمعة محليا" ولا مجمعة فى كوري

[Mohtofy]

:shock: :lol: أنا بفكر أشترى الأفيو بس فيه منها مجمع محليا" وفيه مجمع فى كوريا ... وبنفس السعر .... لو سمحتم أرجو من زوى الخبرة الإفادة إزاى أعرف الفرق بين المحلى والكورى.

وأرجو الإفادة أيضا" ... أشترى ألأفيو ولا اللانوس ولا الفيرنا ولا الجين 2 ولا رينو كليو

تحياتى العطره من عضو جديد ....

[medhat Ali]

الافيو الكورى لون المرايات دايما ا سود مع اختلاف لون لاعربية و الباب من جوه بلاستيك و الكنبه الخلفيه حته وحدة
ا ما المصرى لون المرايات نفس لون العرابيه و الباب من جوه قماش و الكنبة الخلفيه جزئين للطى

بس لمعلومات انه مفيش كورى فى تلسوق و لو موجود هتلقيه اغلى من المصرى ب 4000 جنيه

[mina_ramsis]

او لقيت الكورى الورق بتاعه هتلاقي فيه افراج جمركى انما المصرى لا طبعا

[Mohtofy]

محتار أجيب إية ... أفيدونى

ياجماعة عايز أشترى عربية ومحتار .... أفيو & لآنوس & فيرنا & جين 2 & رينو كليو :shock:

[mina_ramsis]

انت عاوز ايه من العربية اللى عاوز تشتريها كل واحده من اللى انت كاتبهم دول فيها مميزات و عيوب قول الاوب متطلباتك فى العربية اللى انت هتشتريها ان شاء الله

[eng / AhmeD]

ياجماعة عايز أشترى عربية ومحتار .... أفيو & لآنوس & فيرنا & جين 2 & رينو كليو

و بعدين جين 2 مش في الفئة السعرية بتاعت الافيو
و عموما الافيو احسن من الانوس و الفيرنا :shock:

[Heshaam]

Re: محتار أجيب إية ... أفيدونى

ياجماعة عايز أشترى عربية ومحتار .... أفيو & لآنوس & فيرنا & جين 2 & رينو كليو :shock:

لو بإمكانك تجيب الجين تو... توكل على الله ولا تتردد

[running_man]

بالترتيب .... ده رأي شخصى....
1- Gen2
2- Aveo
3-Clio 1.4 16 valve
4-Lanos
5-.....
6.....
7.......
8-................verna :?
9-clio 1.4 8 valve
10-clio 1.2

[Mohtofy]

ألف شكر على الردود الجميلة ياشباب .... بس الأخ اللى بيسألنى عاوز أيه من العربية ... أنا عاوز عربية تكون كويسة ومتتعبنيش ويكون توكيلها محتوم وقطع غيارها معقولة وإستهلاك بنزين معقول .... وعربية تعيش معايا

[mina_ramsis]

ألف شكر على الردود الجميلة ياشباب .... بس الأخ اللى بيسألنى عاوز أيه من العربية ... أنا عاوز عربية تكون كويسة ومتتعبنيش ويكون توكيلها محتوم وقطع غيارها معقولة وإستهلاك بنزين معقول .... وعربية تعيش معايا

لانوس هيا اللىفيها الامكانيات ديه اما الفيرنا و الافيو قطع غيارها اعلى من اللانوس و الجين 2 استهلاك بنزين اعلى علشان 1600 و قطع الغيار غالية و التوكيل طالع عليه كلم انه مش كويس و الله اعلم

[Heshaam]

و الجين 2 استهلاك بنزين اعلى علشان 1600

+1

قطع الغيار غالية

[b]مش قوي وموجودة خارج التوكيل بأسعار أقل فضلا عن أنها معمرة[/b]

التوكيل طالع عليه كلم انه مش كويس و الله اعلم

-1

التوكيل محترم ودايما في ضغط عليه من الشركة الأم لتطوير الخدمة باستمرار - مشكلته الرئيسية في الزحمة.

[eng / AhmeD]

الافيو قطع غيارها هتقل بس كمان شوية لما تنتشر
ده أكيد
:arrow:

[Ahmed Anwer]

الريفيوهات علي الأفيو زي الزفت

من أسوأ عشرة سيارات في العالم

http://www.nilemotors.net/Forum/viewtopic.php?t=10137

إختبار التصادم

http://www.euroncap.com/tests/chevrolet_aveo_2006/250.aspx

فضيحة ،، واخدة النتيجة اللي الإكسنت كانت واخدها سنة 98 ،، مفيش شركة محترمة بتاخد النتائج دي حاليا

تقييم الجودة من Jdpower

http://www.jdpower.com/autos/chevrolet/aveo/2007

نجمتين بس ؟؟؟؟؟؟؟؟ نتيجة سيئة برده

و دي مقارنتها مع الأكسنت و الريو و الياريس عشان تعرف إن نتائجها و حشة جدا مقارنة بفئتها

http://www.jdpower.com/autos/car-comparison/compare.aspx?year=2007&make=Chevrolet&model=Aveo&JatoModel=AVEO&body=SA&doors=4&drivenWheels=F&cabType=&fromModel=1

واضح تماما إن جنرال موتورز مطورتش فيها بما يكفي لتكون مناسبة لسنة 2007

[tutankhamoun]

و الله أنا مش مرتاح للشيفرولية أساسا
و بأنصحك
جين 2 ثم جين 2 ثم جين 2
و لكن إستهلاكها للبنزين أعلى قليلا لأنها 1600 سم مكعب مثلما ذكر الأخوة الأعضاء

[الصاوي]

هتلاقي مكتوب على العلبة made in korea