مرايا الابواب

[LinuxMan]

يا جماعه مشكلتي عويصه مع المرايا
المرايا الشمال اتكسرت ومفيش حد عارف يلحمها - روحت سالت عليها عند الصيرفي لاقيتها تايواني ب110 وكمان مش بتتقفل يعني هتكسر زي اللي قبلها.

لو حد عندي حل للمكشله دي يقولي انا عايز مرايا تكون بتتقفل وتتفتح عشان متتكسرش

[aYaBooY]

دور عند الناس بتوع الوكالة و التوفيقية كنت شوفت حد مركب مرايات بتتقفل لسكورت
بس نصيحة هات المرايا استيراد و هاتكون اغلى من الجديد بس بجد تستاهل علشان التواني ديه زبالة

[LinuxMan]

المشكله يا aYaBooY باشا ان الاستيراد بيكون ثابت مبيتقفلش وانا متاكد انها هتكسر
لو تعرف حد معين ممكن اروحلوه الوكاله او التوفيقية يبقي تمام

[aYaBooY]

لا انا مجرد شوفتها مرة و معرفتش اوقف الاسكورت كتير علشان الطريق

[egytamer]

ياريت تشوفلي معاك واحدة يمين بالمرة لحسن اتكسرت لانها زي محضرتك وضحت مبتتئفلش فبتتكسر مع اي خبطة خفيفة او حتي وانا بغطي العربية ممكن تنكسر فياريت فعلا لو نعرف نوفق نوع يكون رخيص والمراية بتتئفل ونوع المرايا كويس الواحد يشوف فيها مش زي التيولني والصيني بتعمي

[LinuxMan]

ياريت تشوفلي معاك واحدة يمين بالمرة لحسن اتكسرت لانها زي محضرتك وضحت مبتتئفلش فبتتكسر مع اي خبطة خفيفة او حتي وانا بغطي العربية ممكن تنكسر فياريت فعلا لو نعرف نوفق نوع يكون رخيص والمراية بتتئفل ونوع المرايا كويس الواحد يشوف فيها مش زي التيولني والصيني بتعمي

انا جربت موضوع التوفيق ده منفعش يا زعيم .. بس مش مشكله لو حتي صيني او صعيدي كده كده لو نفس المقاس هنفك المرايه القديمة ونركبها في الجديدة

[reamoz]

ياجماعة الفيستا الـ1100 ليها مرايات بتقفل وبتتباع جديدة
هي مرايات الإسكورت والفيستا نفس الشكل بالظبط لو هما فعلا نفس المقاس
إبراهيم سليمان اللي في التوفيقية كان قالي إنه عنده من اللي بيقفلو دول

وعموماً اللي بيتكسر في المرايا قطعة بلاستيك من جوه شبه المثلث كدة اللي بتمسك المرايا في السوستة الواصلة بين طرف المرايا والجزء المربوط في الباب انا روحت لواحد في شارع رمسيس إسمة ميشو بيصلح مرايات عملي قطعة زيها بس أنتيمونيا بنص تمن المرايا التايواني تقريباً ومن ساعتها وهي تمام
ممكن يكون لسة عندي الكارت بتاعة لو حد فكر يجرب يقولي وأنا أحاول أجيبلة رقمة

[LinuxMan]

يا ريت يا reamoz باشا الرقم والعنوان.

[reamoz]

رقمة 0124043919
إسمه ميشو
عنوانة هوصفهولك علشان هو مش محل ولا ليه يافطة هو زي شقة كدة في عمارة بس مشهور بيصلح مرايات بس
لما تكون في شارع رمسيس العمومي متجه من الإسعاف لرمسيس بعد ماتعدي الدخلة بتاعة التوفيقية بشويه في بنزينة موبيل كبيرة على اليمين بعدها علطول في إشارة تقاطع العربيات فيها بتكون جاية من الناحية الشمال قبل الإشارة دي علطول في فتحة على اليمين للي عايز يدخل الشارع اليمين اللي العربيات اللي جاية من التقاطع بتدخل فيه، هتدخل من الفتحة دي بس مش هتدخل يمين هتلاقي في وشك علطول شارع يعتبر بميل 45درجة تقريباً على شارع رمسيس وهيكون في وشك وإنت في الفتحة ديه
أول ماتدخل الشارع ده تاني أو تالت عمارة على الشمال هتلاقي في المدخل بتاعها فاترينة ثابتة لشركة ادوات قياس يا تسئلهم فين ميشو بتاع المرايات يا تتصل بيه وهو ينزلك هو تقريبا في الدور التاني أو التالت
معلش انا عارف إنها وصفة غريبة بس لو مش واضحة إتصل بيه وهو يقولك العنوان لو أسهلك علشان تسئل وإنت ماشي

[ahassanazzam]

بسم الله
السلام عليكم

مرايا الاسكورت مختلفه عن الفيستا و المونديو حتى لو شكلها الخارجى متشابه , الاسكورت قاعده المريا المثبته فى الباب من اسفل ليست مستقيمه وبالتالى لايصلح تركيب اى منهما , وكل الاسكورت MK6 غير قابل للطى وهو طبعا المنتشر فى مصر و لو حبينا نركب مرايا للاسكورت قابله للطى ولها نفس قاعده التثبيت فى الباب الحل الوحيد هو تركيب مرايا اسكوت MK5b والنوع ده مش موجود الا استيراد الوكاله او الحرفيين وليس جديد وطبعا البائع ميعرفش ايه MK6 او MK5b . حضرتك هتاخد معاك المريا القديمه لمقارنه قاعده التثبيت وبكده تركب مرايا جنب قابله للطى للاسكورت والصوره فى السفل للنوع ده فى الاسكورت MK5b وعلى فكره انا عندى المريا العاديه الاصليه حتى الان والحمد لله

[reamoz]

شكلها جميل ماشاء الله
بس هل حضرتك شفتهم موجودين إستيراد فعلا ولا لأ؟!

[theking_y]

أنا كان عندى المرايات القديمة مبتتقفلش لغايه ما ركبت المرايات الى بتتقفل ب 300 ج من الحرفيين من عند أوتو ستار والمرايات كهرباء
أما بالنسبة للمرايات الى مبتتقفلش بتتكسر من القاعدة وأنا المرايات عندى القديمه كانت أتكسرت وعملتها عند واحد إسمه الشيخ سعيد عملى قواعد داخليه عموله ب30ج القاعدة
وهو فى مدينه نصر نادى السكه بجوار الشبراوى وهو محل زجاج سيارات