العربيه مبدورش

[reamoz]

معلش ياباشا قدر الله وماشاء فعل
الحمد لله على كل حال ومعلش موضوع سير الكاتينة ده ممكن يعدي على ناس كتير وماياخدوش بالهم منه

انا عندي سير الكاتينة جنزير وده ميزتة إنه صعب جدا جدا جدا إنة يتقطع
ولو فرض إنه إتقطع هيعمل مزيكة حسب الله ولازم هتحس بيه

بس على فكرة أقل حاجة لسير الكاتينة الكاوتش لو أصلي 60,000كم وبعدين الواحد ممكن يبص عليه كل 20,000كم يتطمن على حالته

[LinuxMan]

انا عندي سير الكاتينة جنزير

ازاي يا باشا .. انا اسمع ان الجنزير ده انقرض ومش موجود غير في اللادا؟؟

بس على فكرة أقل حاجة لسير الكاتينة الكاوتش لو أصلي 60,000كم

اللي يتلدع من الشوربه ينفخ في الزبادي .. في قطع غيار مضروبه كتير وبتتباع علي انها اصلي هو سعره مش غالي بالنسبه لاسعار قطع غيار الفورد مش مشكله يعني لو اتغير بدري شويه بدل ما نتاخر

[aYaBooY]

الفيستا 1100 و 1300 و الاسكورت 1300 جنزير
سير لكاتينة الاصلي بتاع التوكيل بيعد 100 الف كم بس لازم تغير معاه اويل سيهات علشان ميرميش زيت عليه و يبوز بدري
موضوع الدوارة بعد سير الكاتينة متعملش مشاكل المشكلة كلها تحصل لما السير يتقطع و العربية واخد غيار او لو حاولت تدورها زق و ترمي على غيار و ده علشان الموتور ساعتها بيتحرك من جوا لكن الدوراة على الواقف مجرد المارش بيحرك الفلام و منه للبساتم و مفيش رد فعل من باقي الموتور
عموما متسكوتش على الصبابات علشان ممكن كدة المكنة تروح خالص

[reamoz]

إيه اللي إنقرض ده ياباشا
دي التويوتا كرولا الي من 2003 لـ 2007 بردة جنزير
ومش عارف الجديدة كمان كدة ولا لأ

[ahassanazzam]

الموضوع محتاج تفصيل و الأحتمال الأقرب هو طولمبه البنزين افتح كونتاكت واسمع صوتها شغاله ولا لأ