ارجو المساعدة من خبراء و ملاك الفورد

[tota323]

ارجو المساعدة من خبراء و ملاك الفورد اسكورت موديل 1998\ 1300
تحتاج الى تغيير الاكصدامات بنفس لون السيارة حيث يوجد بها اكصدامات سودة عادية رفيعة و لا اعرف كيف يتم عمل الفيبر و القشرة البلاسيكية الاصلية و هل كانت تباع بعتب

تحتاج الى تكييف

وحدة رفع زجاج كهرباء

انذار

فرش داخلي جلد من عند دوس او اي مكان ارخص

سي دي يركب في المساحة الفارغة تحت الستريو الاصلي الموجود

باور

ينفع تغيير الجنوط الى 15 بدلا من 14 بدون الاضرار بالعفشة و في هذه الحالة مقاس الكاوتش كام ؟؟!!

2 فانوس امامي

ارجو مساعدتي بالرد على اي من الاسئلة حيث ان خبرتي ضعيفة و احتاج الى تظبيط العربية و لا اعرف كيف و ما هو الاهم








.

[egytamer]

اخي الكريم انتا محتاج عربية جديدة اسهل
هقولك علي الي ممكن تعملو اولا الاكصدامات الاسهل انها تترش من عن اي حد بتاع دوكو كويس باللون الي حضرتك عايزو بدل متغيرها.
ثانيا التكيف ممكن توفقلها تكيف ياباني او كوري من حد متخصص في التكيف او تشتري التكيف الاصلي من بتوع الاستيراد في الحرفين.البور شرحة.ةكمان الفوانيس عند اتوستار الواحد عامل حوالي 200 جنية ووالماني نضيف.
وحدات الرفع والانذار والسي دي والفرش من شارع دمشق او التوفيقية.
الجنوط ممكن بس برضو اتئكد من حد بتاع عفشة اضمن.
وربنا يوفقك وتبقي العربية احسن من الي انتا عايزو

[reamoz]

الإكصدامات تترش
الإنذار ووحدة الرفع من التوفيقية وهما هيركبوها
بالنسبة للسي دي ممكن تشتري كاسيت سي دي وتركبة مكان اللي عندك أحسن وتريح دماغك
بالنسبة للجنوط واحد بوصة زيادة مش هتفرق مع العفشة كتير بس قولي مقاس الكاوتش الأصلي وانا أقولك على ال 15 تركب مقاس كام

[tota323]

شكرا بجد للاخوة المحترمين egytamer and reamoz للردود و الاهتمام بس لو شيلت مكان الكاسيت الاصلي حيبقى في مساحة كبيرة خالية و اجيب انذار ماركة ايه و بكام و الباور و التكييف بكام اما بالنسبة للكوتش بتاع الجنوط ال 14 الاصلي فمقاسه 185\60\ 14

[wkisho2005]

شكرا بجد للاخوة المحترمين egytamer and reamoz للردود و الاهتمام بس لو شيلت مكان الكاسيت الاصلي حيبقى في مساحة كبيرة خالية و اجيب انذار ماركة ايه و بكام و الباور و التكييف بكام اما بالنسبة للكوتش بتاع الجنوط ال 14 الاصلي فمقاسه 185\60\ 14

بالنسبة للكاسيت هات كاسيت اللي هو الdouble ودا هيبقي نفس مقاس اللي عندك ومش هيبقي في فراغ كبير ولا حاجة هتفضل هي هي الحتة الفاضية اللي موجودة دلوقتي

ومتغيرش مقاس الكاوتش الا لو اكيد هتحول الدركسيون باور عشان هيتقل معاك زيادة طبعا

بالنسبة للاكصدامات انا مش فاهم اللي فيها نفس شكل الاكصدامات بتاع الاسكورت اللي بتبقي بلون العربية ولا اساسا شكلها متغير عن العادي؟؟لو نفس الشكل يبقي ترشها بس طبعا لكن لو شكلها متغير دا حوار تاني

[Ahmed73]

بالنسبة للاكصدام هو موديل 98 اللأصلى بتاعة الأسود
بالنسبه للباور الاسكورت 1300 بتنزل أساسا من غير باور ومش تقيله لو فى تقل راجعى الاسكاترا والعفشة
الفوانيس الأمامية اشتريت الواحد بـ 170 جنيه من التوفيقية من عند ابراهيم سليمان
بالنسبة للسى دى ممكن كمان يركب الجهاز الجديد اللى بيشتغل بالميمورى كارد أو بفلاشة وده موجود كتير فى التوفيقية
بالنسبه للتكييف انا عندى التكييف الى كان مركبه الوكيل القديم لفورد وشحنته وحاولت معالجته كتير وهو لا يعمل بكفاءة فقبل ما تركبى تكييف يكون الشرط انه هايشتغل بكفاءة تكييف اليابانى والكلام ده قبل دفع أى فلوس (ما تنسيش ان العربية 1300 والعربية اساسا تقيله)
بالنسبه لموضوع الجنوط ما اعرفش التغيير يأثر على العربيه من عدمه وعموما المقاس الجديد
هيكون نفس القديم مع تغيير رقم 14 برقم 15

[reamoz]

بالنسبة للكاوتش المقاس الجديد هيكون إما
195/55 15 ودة هيعلي العربية حوالي 8 مليمتر
195/50 15 هيوطي العربية 1.5 مليمتر
185/55 15 هيعلي العربية 2.75 مليمتر

[aYaBooY]

موضوع الباور هايكلفك و مش هايدي الاداء الي انت متخيلة علشان هايكون حمل على الموتور الي هو مش مماشي العربية كويس من غير احمال
و تكلفة الباور في حدود 2000
موضوع تغير مقاس الجنوط الـ 14 انا شايف انها كويسة و فيه منها اسبور كتير
التكييف اصبر شوية فيه عضو هنا هايعمل تجربة لو نجحت هاتريح الناس من مشكلة تكييف الاسكورت

[abo_zied]

ايه هى التجربة دى يا جو يا ريت تفيدنا

[freewill]

- الاكصدامات تتدهن عادى
- التكييف بتاع اسكورت كامل ب 2000 من بورسعيد انا سألت عليه بس ماركبتوش بعد ماعرفت انه فعلا بيأثر عالعربية وكمان ماحدش بيعرف يظبطه زى اللى بيكون نازل مع العربية
- وحدة رفع زجاج الكهرباء ب 75 جنيه واحد صاحبى كان مركبها لأكسنت وساعتها سألت تنفع تركب عندى قالولى ييس
- الأنذار نصيحة تركب حاجة كويسة وماتسترخصش عشان السنتر بتاع الاسكورت مختلف شوية انا لاقيت نوع امريكان كان عامل 370 فى ش دمشق
- لو الفرش بتاعها حالته كويسة يبقى خليه زى ماهوا عشان هوا اصلا كويس وممكن تحط عراقات لو الجلد عاجبك اكتر يبقى من التوفيقية فى كذا واحد واسعارهم ارخص من دمشق
- السى دى فيه مشكلة رخمة ان مقاس الكاسيت الاصلى اكبر من السنجل واصغر من الدبل يعنى لو حتركب السنجل حايبقى فيه مساحة فاضية وحايتثبت بمسامير فى الجدار من جوا ولو حتركب الدبل يبقى لازم توسع مكانه بانك تقطع الفاصل اللى بينه وبين الدرج اللى تحته (انا مركب سنجل عندى وعملتله شاسيه على قد المكان بالظبط وظبط فيه طريقة التثبيت تبقى زى طريقة الكاسيت الاصلى عن طريق المجرى اللى فوق بردو ودى تعتبر اهم حاجة) على فكرة اللى ركبلى الكاسيت عجبة الشاسيه دا قوى وطلب منى 2 لشيروكى عشان فيها نفس المشكلة ممكن اعملك واحدة لو حاتجيب سنجل
- الباور فى ناس فى شارع شامبليون جامدين فى الموضوع دا وارخص من اى حتة تانية بس انا ماعرفش حايتكلف كام
- الجنط نصيحة تركب جنط 14 زى اللى موجود فى العربية فى حاجات كتيرة اسبوركويسة منه عشان اصلا جلب ومقصات الاسكورت بتتأثر بسهولة من اى تغيير وكمان العفشة بس لو مصر تغير ماتزودش عن 15 وانسب مقاسات هيا اللى قالك عليها Reamoz ولو عاوز تشوف حاجات تانية خد اللينك دا TYRESAVE: Tyre Size Calculator
- فانوس امامى الواحد بيعمل 170 التركى و200 استيراد 35 لمبات للفانوس

[wkisho2005]

- 35 لمبات للفانوس

بعد ازن صاحب الموضوع هو في لمبات خاصة بفانوس الاسكورت بتتباع لوحدها ؟؟ودي بيبقي نوعها ايه طيب لو تعرف يعني والف شكر ياباشا

[aYaBooY]

لا اللمبات عادية زي اي عربية تانية بس سعر اللمبات 35 جنيه

[tota323]

شكرا جدا على الردود و المساعدة بس الكل تقريبا مش راضي عن التكييف و متفق على عدم احتياجها للباور و صعوبة تركيب سي دي حتى اذا شيلنا الكاسيت الاصلي

[freewill]

شكرا جدا على الردود و المساعدة بس الكل تقريبا مش راضي عن التكييف و متفق على عدم احتياجها للباور و صعوبة تركيب سي دي حتى اذا شيلنا الكاسيت الاصلي

اه بلاش تكييف احسن وبالنسبة لموضوع السى دى دا مش مشكلة اوى بس ماتخليش اى حد يركبهولك عشان مايعكلكش التابلوه ولو تحب انا ممكن اساعدك فى موضوع الكاسيت دا