استفسار بخصوص فيستا

[wghazi]

السلام عليكم
انا قررت اشترى عربيه فيستا واكون عضو معاكم فى الفورداويه

انا قدامى فورد 96 و 97 و 98

ايه الافضل منهم فى سهوله الصيانه وعدم التعقيد فى الماكينه طبها 96 و 97 الشكل القديم بدون اى اوبشنز وال 98 تكييف وسنتر وباور وزجاج كهرباء بس انا سمعت ان 98 مختلفه ومعقده عن 96 و 97 مع العلم انا عايز حاجه بالتكيف فينفع يتركب تكييف على 97 لو رشحتوهالى ولا لا

ومعلش سؤال كمان
ياترى فى اختلاف بين ال98 و 97 من ناحيه الصالون والتابلوه و لا الاثنين نفس الشكل من الداخل

ياريت تفيدونى

[reamoz]

وعليكم السلام ورحمة الله وبركاتة
بص يا باشا طبعا انا فهمت من كلامك إن ال 96 و97 الإتنين الشكل القديم يبقى الأتنين دول حاجة واحدة بالظبط وهنقول عليهم 1100 علشان الموتور بتاعهم 1100 سي سي
وال 98 هنقول عليها الـ 1300 علشان موتورها 1300سي سي
انا معايا الـ1100 داخلة على 4 سنين
بالنسبة لسهولة الصيانة وعدم التعقيد في الماكينة وكمان أسعار قطع الغيار في العفشة والموتور يبقى الـ1100 تكسب طبعاً
وبالنسبة لموضوع التكييف الـ1100 في منها مكيف وأنا عربيتي أصلا مكيفة لكن الكمبرسور بتاعها بايظ من ساعة ما إشتريتها ومفكرتش أغيره بسبب إن الموتور بالنسبالي صغير ومش مديني القوة اللي انا عايزها علشان انا بحب الجري وهو منغير تكييف فمابالك بالتكييف؟؟
لكن الميزة في الـ100 إن العربية بسم الله مشاء الله إقتصادية جداً في البنزين يعني هي بتعمل معايا دلوقتي 400كم في الصفيحة في السفر و 350كم في الصفيحة في مشوار الشغل (من فيصل للعاشر من رمضان يوميا معظم الطريق دائري)
الـ1300 طبعا سحبها أكيد أحسن في مقابل قطع غيار أغلي لكن موضوع الصيانة ده انا مقتنع إن أي ميكانيكي أو عفشجي في الدنيا يقدر يصلح أي عربية طالما بيفهم!

أهم حاجة إنك تكشف على العربية كويس جداً قبل ماتشتري علشان متتعبكش لو فيها مشاكل

ومتنساش الإستخارة وإن شاء الله ربنا يوفقك لما فيه الخير

[aYaBooY]

الفيستا 1300 معايا بقالها سنتين
قطع الغيار اغلي من ال 1100 بكتير و الميكانيكا مختلفة تمام الاختلاف
بالنسبة للصيانة عن نفسي لو مكنش متخصص فورد و شاطر مبيعرفش يعمل فيها اي حاجة
التكييف لما كان شغال كان كويس و الحمد لله بس دلوقتي هو عاوز شحن و الموتور فوت مني فمش مهتم بيه
الجرى الـ 1300 معاك لحد 170 مريح و الـ 1100 اخرك 145 و ديه ارقام الشركة مش عيب من العربية
قوة الموتور و الكماليات الـ 1300 تكسب
بس صيانة و رخص قطع غيار الـ 1100 تكسب بالقوي
بس في الحالتين تكشف على العربية كويس قوي قوي قوي

[wghazi]

شكرا قوى على ردكم المفيد بس معلش اتقل عليكم شويه؟
اللى طلعت بيه من كلامكم ان الفيستا 1100 بالنسبه لى ح تكون افضل عشان اصلا انا مش من انصار الطيران والجرى قوى بالعربيه يعنى ح نقول بالكتيرممكن 120 لو على طريق سفر
ياترى ممكن على فيستا 1100 هيه اصلا من غير تكييف اركب لها واحد؟

اكيد عارف انه ح ياثر على اداء الموتور بس ينفع ولا لا و لو ينفع ده ح يضر حاجه فى العربيه؟

كمان كنت عايز اعرف ياترى فى اختلاف بين ال1100 و 1300 من حيث شكل التابلوه ولا الاثنين زى بعض؟

وبالنسبه لاستاذ Reamoz انا كمان فى فيصل كويس ان انت فى فيصل كمان ده ح يخلينى اكيد استغلك شويه لو ممكن (الجيران لبعضها ) ولا ايه ؟؟؟؟؟؟؟؟
لوتقولى فين الناس اللى انت بتشترى منهم قطع الغيار والميكانيكى بتاعك عشان اكيد دول فاهمين الفيستا ومتهيالى ان ده ح يكون احسن ان حد عارف تفاصيل العربيه لما يشتغل فيها

معلش اسف انى بتعبكوا معايا بس بصراحه انا شوفت ال 1300 امبارح وكنت مقتنع جدا بالفورد بس موضوع قطع الغيار الغاليه والصيانه كان قلقنى قوى لدرجه انى مانمتش من امبارح بفكر اذا كنت ارسى على الفورد ولا اشوف حاجه تانيه

وكنت عايز اسال الاستاذ ayabooy بما ان عربيته 1300 لو ح نعمل مقارنه بين اى صيانه فى ال 1100 و 1300 (مثلا لو عايز اغير مساعد او كوبلن ) فى ال 1100 يتكلف كام وفى ال 1300 يتكلف كام

ده بس عشان عايز اعرف الفرق كبير قوى بين قطع غيار المودلين ولا مش كبير

[egytamer]

اقترح عيك انك تشوف فرق اسعار قطع الغيار بين 1100 و 1300 وتقرر ولوني لو مكانك هتكل علي الله واجيب 1100 ارخص واسهل

[iBiZa]

ياترى ممكن على فيستا 1100 هيه اصلا من غير تكييف اركب لها واحد؟
اكيد عارف انه ح ياثر على اداء الموتور بس ينفع ولا لا و لو ينفع ده ح يضر حاجه فى العربيه؟

ينفع و انا عامل كدة.

كمان كنت عايز اعرف ياترى فى اختلاف بين ال1100 و 1300 من حيث شكل التابلوه ولا الاثنين زى بعض؟

ايوه فية اختلاف.

[aYaBooY]

http://www.nilemotors.net/Nile/86532-a-7.html

http://www.nilemotors.net/Nile/91508-a.html
http://www.nilemotors.net/Nile/91508-a.html

دول موضوعين هايساعدوك شوية
موضوع شكل الطابلوه اه مختلف تمام الاختلاف و شكل الدركسيون و نظام العفشة كمان يختلف كتير و ثبات الـ 1300 اعلى من الـ 1100 و ده علشان زيادة وزن الموتور و اختلاف العفشة
موضوع التكييف ينفع تركب تكييف لأي عربية و عموما مفيش 1100 فيها تكييف فبريكة من فورد كله نزل من اسبانيا بدون تكييف و تم تركيب التكييف في مصر سواء في التوكيل او خارج التوكيل و دور في القسم هنا الاخ ابيزا كان عامل موضوع لقطع غيار فيستا 1100 بالكامل

[reamoz]

شكرا قوى على ردكم المفيد بس معلش اتقل عليكم شويه؟
اللى طلعت بيه من كلامكم ان الفيستا 1100 بالنسبه لى ح تكون افضل عشان اصلا انا مش من انصار الطيران والجرى قوى بالعربيه يعنى ح نقول بالكتيرممكن 120 لو على طريق سفر
ياترى ممكن على فيستا 1100 هيه اصلا من غير تكييف اركب لها واحد؟

اكيد عارف انه ح ياثر على اداء الموتور بس ينفع ولا لا و لو ينفع ده ح يضر حاجه فى العربيه؟

كمان كنت عايز اعرف ياترى فى اختلاف بين ال1100 و 1300 من حيث شكل التابلوه ولا الاثنين زى بعض؟

وبالنسبه لاستاذ Reamoz انا كمان فى فيصل كويس ان انت فى فيصل كمان ده ح يخلينى اكيد استغلك شويه لو ممكن (الجيران لبعضها ) ولا ايه ؟؟؟؟؟؟؟؟
لوتقولى فين الناس اللى انت بتشترى منهم قطع الغيار والميكانيكى بتاعك عشان اكيد دول فاهمين الفيستا ومتهيالى ان ده ح يكون احسن ان حد عارف تفاصيل العربيه لما يشتغل فيها

معلش اسف انى بتعبكوا معايا بس بصراحه انا شوفت ال 1300 امبارح وكنت مقتنع جدا بالفورد بس موضوع قطع الغيار الغاليه والصيانه كان قلقنى قوى لدرجه انى مانمتش من امبارح بفكر اذا كنت ارسى على الفورد ولا اشوف حاجه تانيه

وكنت عايز اسال الاستاذ ayabooy بما ان عربيته 1300 لو ح نعمل مقارنه بين اى صيانه فى ال 1100 و 1300 (مثلا لو عايز اغير مساعد او كوبلن ) فى ال 1100 يتكلف كام وفى ال 1300 يتكلف كام

ده بس عشان عايز اعرف الفرق كبير قوى بين قطع غيار المودلين ولا مش كبير

ياباشا إنت تأمر حتى لو مش جيران انا تحت أمرك في أي حاجة وأي إستغلال

بس زي ماقلتلك إكشف على العربية كويس قبل ماتخلص فيها ولو معندكش حد يشوفهالك ممكن أبعتك عند الميكانيكي بتاعي يشوفلك حالة الموتور ودواخل العربية وبتاع الزوايا يشوفلك أخبار العفشة و الشاسيه سواء الـ1100 أو 1300 الناس دي 100%
ومتنساش الإستخارة قبل كل حاجة

[wghazi]

http://www.nilemotors.net/nile/86532-a-7.html

http://www.nilemotors.net/nile/91508-a.html
http://www.nilemotors.net/nile/91508-a.html

دول موضوعين هايساعدوك شوية
موضوع شكل الطابلوه اه مختلف تمام الاختلاف و شكل الدركسيون و نظام العفشة كمان يختلف كتير و ثبات الـ 1300 اعلى من الـ 1100 و ده علشان زيادة وزن الموتور و اختلاف العفشة
موضوع التكييف ينفع تركب تكييف لأي عربية و عموما مفيش 1100 فيها تكييف فبريكة من فورد كله نزل من اسبانيا بدون تكييف و تم تركيب التكييف في مصر سواء في التوكيل او خارج التوكيل و دور في القسم هنا الاخ ابيزا كان عامل موضوع لقطع غيار فيستا 1100 بالكامل

اشكرك على ردك ومعلوماتك المفيده

[wghazi]

ينفع و انا عامل كدة.



ايوه فية اختلاف.

اشكرك

[wghazi]

اقترح عيك انك تشوف فرق اسعار قطع الغيار بين 1100 و 1300 وتقرر ولوني لو مكانك هتكل علي الله واجيب 1100 ارخص واسهل

شكرا جدا على النصيحه

[wghazi]

ياباشا إنت تأمر حتى لو مش جيران انا تحت أمرك في أي حاجة وأي إستغلال

بس زي ماقلتلك إكشف على العربية كويس قبل ماتخلص فيها ولو معندكش حد يشوفهالك ممكن أبعتك عند الميكانيكي بتاعي يشوفلك حالة الموتور ودواخل العربية وبتاع الزوايا يشوفلك أخبار العفشة و الشاسيه سواء الـ1100 أو 1300 الناس دي 100%
ومتنساش الإستخارة قبل كل حاجة

تسلم ياباشا على كلامك الجميل ده مش لاقى كلامى ارد بيه بصراحه
بص ياباشا ان شاء الله انا انا قدامى دلوقتى عربيتين واحده 98 وواحده 2000
ال98 فى فيصل يعنى لو فى نصيب فيها ان شاء الله ح احتاج الميكانيكى بتاعك لو ممكن
و ال2000 فى بنها

انت ترشحلى 98 ولا 2000 لو فى اختلاف بينهم فى حاجه؟

انت عارف الواحد لما بيكون داخل على شراء حاجه اول مره يتعامل فيها وميعرفش حاجه عنها بيكون عامل زى التلميذ الخايب اللى مش مذاكر

ال98 صاحبها مظبط العفشه من كبالن ومساعدين جداد من يومين تقريبا والعربيه محتاجه على كلامه شكمان وقاعده اللى شايله عصايه الفتيس بيقولى انها ملحومه فيفضل انها تتغير والتكييف فيها مش شغال وحاله الموتور 85 % والعربيه انا شفتها حالتها العامه كويسه ومش متهانه طبعا اللى مارفعتهاش لسه ولا كشفت عليها

و ال2000 المفروض ان اشوفها النهارده

ياريت تفيدنى بخبرتك الفورديه يا جميل

انا مستنى ردك وان اونلاين دلوقتى لو ممكن

[wghazi]

معلش ياباشا نسيت اسالك لو ممكن تدينى رقم الميكانيكى عشان اول ما احدد ميعاد معاينه العربيه اكلمه يمكن ساعتها معرفش اوصلك هنا فى المنتدى او لو ممكن تديله تليفونى 0123415206

[reamoz]

العربية موديل 2000 دي 1250سي سي إنجكشن 16 صباب وجيل جديد من المواتير إسمه زي تك
ودي حاجتها أغلي كمان من ال1300
هي قريبة شوية في الشكل من ال 98 بس مختلفة في المضمون تماماً
والميكانيكي بصراحة معييش نمرة تليفونه بس هعدي عليه أجيبهالك إن شاء الله

[wghazi]

الف شكر ياباشا معلش ح اتعبك معايا
انا المفروض ح اشوف العربيه النهارده على المغرب كده مش عارف ينفع ييجى معايا ولا لا؟

ولو مش ح ينفع تنصحنى اودى العربيه فين عشان اكشف عليها ؟