السلام عليكم لو سمحتم محتاج رايكم

[a_abulnasr]

أنا عايز اشتري فرد فوكس إن شاء الله بس محتار في ناس بتقولي مش كويسة واخليني في اليابني أحسن وإن الوكيل مش حلو وفي ناس بتقولي الفوكس كعربية أحسن من اليابني في الثبات وإن الواكل كويس بجد ياريت تقوللي رايكم عشان أنا محتار جدا ولكم جزيل الشكر .

[a_abulnasr]

إيه يا جماعة محدش بيرد عليَّ ليه

[zoms]

بص يا باشا الفورد كا عربيه محترمه جدا جدا وخمتها انضف من اليابانى كله والكورى كله زيها زى الجتا والاوتكفيا أنا لما جيت اشتريها قارنتها ب اوكتفيا و لانسر شارك و جيتتا وأوبل بامانه هيا كسبت .......... بس فى مشكله ان حجتها مش متوفره بره كتير بس لو هتتعامل مع التوكيل يبقى متقلقش وأتكل على الله وفى الأخر استخير ربنا والواحد ميعرفش الخير فين .... ونصيحه بقى بينى وبينك الفورد هتتغير كليا فى 2012 يعنى مجتش على سنه اتقل عليها وجيب الشكل الجديد ما شاء الله ملهاش حل ومشى نفسك باى حاجه اليومين دول ... وربنا يقدم ما فيه الخير .. ولو فى استفسار انا موجود .. واخر الكلام ...سلام

[egytamer]

الفورد عربية جميلة بس معفدة عن الاسيوي عموما بس بيقابل دة خامات اعلي واستابيلتي اكبر بس بتحتاج صيانة اكتر من الياباني فلو ناوي تحتفظ بيها لفترة هاتها وهتستريح بيها اوي لكن لو هتخليها معاك سنتين وتبعها هتخسر فيها جامد جدا

[a_abulnasr]

بص يا باشا الفورد كا عربيه محترمه جدا جدا وخمتها انضف من اليابانى كله والكورى كله زيها زى الجتا والاوتكفيا أنا لما جيت اشتريها قارنتها ب اوكتفيا و لانسر شارك و جيتتا وأوبل بامانه هيا كسبت .......... بس فى مشكله ان حجتها مش متوفره بره كتير بس لو هتتعامل مع التوكيل يبقى متقلقش وأتكل على الله وفى الأخر استخير ربنا والواحد ميعرفش الخير فين .... ونصيحه بقى بينى وبينك الفورد هتتغير كليا فى 2012 يعنى مجتش على سنه اتقل عليها وجيب الشكل الجديد ما شاء الله ملهاش حل ومشى نفسك باى حاجه اليومين دول ... وربنا يقدم ما فيه الخير .. ولو فى استفسار انا موجود .. واخر الكلام ...سلام

شكرا جزيلا بجد حضرتك أفدتني قوي بس المشكلة إني كنت عيش بره مصر ولسة راجع وعايز أجيب عربية زيرو بس لو الشكل الجديد هيفرق يبقى أستنى أحسن بقى

[a_abulnasr]

الفورد عربية جميلة بس معفدة عن الاسيوي عموما بس بيقابل دة خامات اعلي واستابيلتي اكبر بس بتحتاج صيانة اكتر من الياباني فلو ناوي تحتفظ بيها لفترة هاتها وهتستريح بيها اوي لكن لو هتخليها معاك سنتين وتبعها هتخسر فيها جامد جدا

شكرا جزيلا لحضرتك

[د.محمود صلاح]

وبرضه وسع خياراتك وفيه حاجات كثير كويسة في الرينج ده

[a_abulnasr]

وبرضه وسع خياراتك وفيه حاجات كثير كويسة في الرينج ده

زي إيه ؟ عشان أنا بجد محتار في موضوع العربية ده ولك جزيل الشكر

[memobeeh]

مع كامل تقديري واحترامي للأخوة أصحاب الردود فأنا أرى ان الفورد سيارة لا مثيل لها -في مصر على الأقل- اللهم إلا اذا دخلنا في كاتيجيري المرسيدس والبي إم..وعلى عكس ماقال أحد الاخوة المتحدثين سابقا فهي لا تكاد تحتاج الى صيانة تذكر إذا كانت نظيفة أساسا..فكل ما عليك هو تغيير الزيت وتزويد البنزين ومراقبة مستوى الماء كل حين وانسى يا عمرو على رأي الاعلان...واذا كانت السيارة ع الزيرو فما بالك بالأمر. أما اذا كان البعض يأتي بمخلفات سيارات (كهنة) ويقول انها فورد ومكلفة في الصيانة والتشغيل وغيره فالعيب ليس في الفورد بكل تأكيد. وربنا معاك ويوفقك لما فيه الخير.

[aYaBooY]

الفورد عربية جميلة بس معفدة عن الاسيوي عموما بس بيقابل دة خامات اعلي واستابيلتي اكبر [gdwl]بس بتحتاج صيانة اكتر من الياباني[/gdwl] فلو ناوي تحتفظ بيها لفترة هاتها وهتستريح بيها اوي لكن لو هتخليها معاك سنتين وتبعها هتخسر فيها جامد جدا

لا طبعا صيانة الياباني و الكوري اكتر من صيانة الفورد فيما عدا الهوندا من الياباني

[zoms]

وبرضه وسع خياراتك وفيه حاجات كثير كويسة في الرينج ده

نصيحه أعمل عكس كدا قلل عدد أختيارتك ودى أحسن حاجه تعملها لما تيجى تشترى عربيه وخصوص الزيرو ومترحش المعرض وتقعد تتفرج وتلف وتعيد لا شوف العربيه قبل ما تروح المعرض و حدد أختيارك وانزل خلص على طول لان التردد دا أوحش حاجه فى شراء العربيه الجديده تبقى محتار بين دى ودى والأبشنز والحجات .. والمنتدى هنا سهل عمليه المقارنه فا أنته قارن و اهم حاجه تسرتيح للعربيه نفسيا ولما تشوفها تكون حببها وسعيد بيها ..عشان مترجعش تقول يا رتنى ما اشترتها والحكايات الى بتحصل .. وربنا يقدم ما فيه الخير .. واخر الكلام سلام

[marwan_147]

الفورد عربية جميلة المشكلة فى اعادة البيع