استفسار بخصوص فوكاس 2009

[ENG\AHMED]

المشكلة ان المفتاح مش بيطلع غير لما يبقى الفتيس على p
يعنى لو راكن صف تانى او فى جراج مش هينفع تسيبها لأن مش هينفع المفتاح يطلع وهى على n وفى التوكيل قالوا لأ ملهاش حل هى كدة
فى حل للموضوع دة؟؟

[zomin3r]

دى عربية اتوماتيك انت اكيد مكنتش واخد بالك صح

[zoms]

حاجه بسيطه عارف ايه هيا بس متضحكش :> انته لما اشتريت العربيه أخدت معاها مفتاحين واحد روموت والتانى عادى امشى بال 2 ولما تحب تسيب العربيه فى وضع المور حط فيها المفتاح العادى واقفل العربيه بتاعتك بالمفتاح الرموت وكدا لا حد هيقدر يدورها وسبت العربيه مقفوله وفى وضع ال n او المور بس يا سيدى بسيطه :>

[ENG\AHMED]

دى عربية اتوماتيك انت اكيد مكنتش واخد بالك صح

عادى ياباشا مالاتوماتيك بيطلع منها المفتاح بردة
فى منهم بيطلع عادى على اى وضع وفى بيبقى فى زرار فى الفتيس علشان تطلع المفتاح على اى وضع غير ال P علشان اى طوارئ راكن صف تانى او جراج مثلا

حاجه بسيطه عارف ايه هيا بس متضحكش :> انته لما اشتريت العربيه أخدت معاها مفتاحين واحد روموت والتانى عادى امشى بال 2 ولما تحب تسيب العربيه فى وضع المور حط فيها المفتاح العادى واقفل العربيه بتاعتك بالمفتاح الرموت وكدا لا حد هيقدر يدورها وسبت العربيه مقفوله وفى وضع ال n او المور بس يا سيدى بسيطه :>

looool
واسيب كارت للحرامى على التابلوة "مع اطيب التمنيات بسرقة سعيدة"
لو على كدة يبقى تتساب على ال P اهون واضمن

[egytamer]

الاتوماتيك غير المانيوال فدة العادي بتاعة وحتي عندي في النانيوال مش ممكن اشيل المفتاح الا لما الدركسيون وكهربة العربية تتقفل دة نظام الفورد عكس عربيات تانية ممكن تشيل المفتاح وتسيب الدركسيون بيتحرك والله اعلم.

[aYaBooY]

بص ليها حل طبعا احنا مصريين و منغلبش بس انا مش هاؤلك عليه غير بعد ما يكون عدى على موديل العربية 10 سنين على الاقل

[zoms]

يا عم احمد فى العربيه الفوكس الجديده معاك مفتحين ولا سرقه سعيده ولا الهوا هسيب مفتاح فى العربيه وتقفل بالمفتاح التانى .... سرقه سعيده ازاى يعنى :> أنته بس شكلك الى مش فاهم الكلام ... ركز فيه شويه وهتفهمه يا ريس .. وشكرا لمرورك اه

[ENG\AHMED]

يا عم احمد فى العربيه الفوكس الجديده معاك مفتحين ولا سرقه سعيده ولا الهوا هسيب مفتاح فى العربيه وتقفل بالمفتاح التانى .... سرقه سعيده ازاى يعنى :> أنته بس شكلك الى مش فاهم الكلام ... ركز فيه شويه وهتفهمه يا ريس .. وشكرا لمرورك اه

والله فاهم قصدك بس طوبة فى القزاز وبقت العربية بمفاتيحها معاة

[zoms]

والله فاهم قصدك بس طوبة فى القزاز وبقت العربية بمفاتيحها معاة

دا يبقى حرامى رخم صحيح ... هههه