عايز معلومات عن الفوكس

[LeperMessiah]

مساء الفل على كل الفورديه اللى فى المنتدى

دلوقتى انا فى مرحله البحث عن الساره المناسبه و كل ما اتعمق اكثر فى البحث الاقى السيراتو تكسب فى فئتها

فا قلت لنفسى ما تيجى نعلى بالكاتيجورى حبه و ممكن ازنق نفسى فى الفلوس و ازود المقدمه مقابل انى اجيب حاجه تانيه محترمه فا فكرت فى الفورد فوكس بعد ما واحد صحبى ساقها مره و قالى فيها اشعار

يا ريت تصححولى معلوماتى التاليه:
الى الان بحثى اثبت عدم وجود وكيل معتمد قوى ... الكلام كله عن مراكز و ليس توكيلات
الاسعار متفاوته بطريقه كبيره و لحد دلوقتى متلخبط بين الفئات و فروق الكماليات و الاسعار
الى الان مش عارف اروح اشوفها فين
واضح ان ال resale بتاعها ضعيف
واضح ان قطع الغيار مش قد كده من حيث التواجد و الاسعار

نورونى يا رجاله افادكم الله

[zoms]

بص يا باشا العربيه الفورد من حيث الفخامه فيها عربيه فخمه ومن حيث كل حاجه فا هيا تكسب فى كل حاجه ووالله عشان العربيه معايا ولا متعصب ليها انا العربيه دى لما جبتها كونت مقرنا ب اوكتفيا و سيفك و فيكترا ... هيا كسبت من حيث جوده الخامات و التقفيل والمساحات والشكل ( مساله نسبيه ) و الوكيل بتعها كمان أحسن بكتير من وكلاء تنين - أحسن من أرتوك ( أوكتفيا ) أحسن من منصور ( أوبل ) .. اما عن الأسعار المتفاوته دى فا انته عندك كذا فئه كلهم مشتركين فى الأتوماتك والمريات الكربها و الأزاز الكهربا بيختلف بقى فى

1- الترند ودى ب 135000 ودى اقل حاجه فئه
2- الجيا ودى 145000 بتزيد مثبت سرعه و جنط والكاست بتعها سونى مش فورد 6000
3- الجيا اس ار150000 ودى الهاتش باك مثبت وجنط ونفس شكل الترند من جوه
4- الجيا فتحه سقف 150000ودى بتزيد عن الجيا فتحه السقف
5- الأس دبيلو155000 ودى الأستيشن ( نسخه المانى ) والزياده زجاج ملون
6- الأس ال بى 163000 ودى بقى أعلى فئه الزياده ( كراسى سخنات - سنسور بارك - ستاير كهربا والفرش ).


تشوفها فين دى بقى يا ريس عند اى معرض سيارات معتمد وفى موضوع معمول عن الموزعين المعتمدين وعناوين وكلاء فورد ونمرهم وممكن تروح التوكيل وتعمل تست دريف للعربيه http://www.nilemotors.net/Nile/9630-a.html


اما عند اعاده البيع فا مش هعرف أفيدك فيها لانى مليش خبره فى المجال دا بس حط فى دماغك ان الاوربى كله من 2010 وانته طالع كل سنه سعر أعاده البيع بتاعه هيقل يعنى تقدر تقول اعاده بيعها زي الاوكتفيا كدا

اما عن قطع الغيار فا هيا موجوده بس فى التوكيل (( الشكل الجديد )) وأسعرها حلوه جدا ورخصيه جدا بالنسبه للأوربى والألمانى خصوصا لان العربيه فى الاصل ألمانى تقفيل أسبانى ما عدا فئه الأس دبليو لاكن فى الحرفيين حجتها كلها موجوده لحد 2008 لاكن بما أنك هتجيب عربيه جديده فا حجتها مش هتلقيها غير فى التوكيل

نصيحه بقى من أخ (( فكك فكك فكك من السيراتو عربيه تعبانه جداااااااااااااااا )) شكل بس مش أكتر لا أداء ولا ثبات ولا اى خرف و الى يقولك 122 هورس بور أقولك خرف العربيه تعبانه تعبانه فعلا وبعدين طلعت نزلت عربيه اسياوى (( كورى )) . وربنا يقدملك ما فيه الخير .. والف مبروك مقدما وربنا يعطيك خير العربيه ويكفيك شرها وشر العين ..




انا بتكلم عن قطع الغيار لانى لسه عامل حادثه قريب انا معايا 2009 وعارف الدنيا فى قطع الغيار ماشيه ازاى .. ومتنساش ابقى أمن على العربيه مفيد جدا حوار التأمين وبالزات لو بتسافر كتير وربنا يكفيك شر الحوادث .. واخر الكلام ..... سلام

[LeperMessiah]

الف شكر على الرد الوافى بس هتقل عليك بشويه اسئله بايخه قبل ما اسأل عند الموزعين
١ـ هل الفئه ترند او جيا فيها طاره مالتى؟
٢ـ الفئتين دول فيهم كام ايرباج؟
٣ـ الفتيس تريبتونك؟
٤ـ ايه الكماليات التانيه المتاحه؟ يعنى كام سي دى و فى حساسات اضاءه و مطر و لا لأ؟ الفرش جلد و لا؟ التكييف بكر و لا تتش؟ تكييف ديجيتال و بيوزع الحراره و لا لأ؟ مريات تعتيم و لا لأ؟
بالنسبه لسيراتو فانا شايف انها الاحسن فى فئتها من حيث الكماليات و قطع الغيار و الاداء و السعر انما هى مش الاحسن على الاطلاق طبعا و بالنسبه لاستخدامى انا بما انى نادرا لما بجرى و هادى بطبعى فالقيتها مناسبه لى نوعا ما خصوصا كم الكماليات مقارنه بالسعر و الجوده كويسه برضه

[zoms]

الف شكر على الرد الوافى بس هتقل عليك بشويه اسئله بايخه قبل ما اسأل عند الموزعين
١ـ هل الفئه ترند او جيا فيها طاره مالتى؟
٢ـ الفئتين دول فيهم كام ايرباج؟
٣ـ الفتيس تريبتونك؟
٤ـ ايه الكماليات التانيه المتاحه؟ يعنى كام سي دى و فى حساسات اضاءه و مطر و لا لأ؟ الفرش جلد و لا؟ التكييف بكر و لا تتش؟ تكييف ديجيتال و بيوزع الحراره و لا لأ؟ مريات تعتيم و لا لأ؟
بالنسبه لسيراتو فانا شايف انها الاحسن فى فئتها من حيث الكماليات و قطع الغيار و الاداء و السعر انما هى مش الاحسن على الاطلاق طبعا و بالنسبه لاستخدامى انا بما انى نادرا لما بجرى و هادى بطبعى فالقيتها مناسبه لى نوعا ما خصوصا كم الكماليات مقارنه بالسعر و الجوده كويسه برضه

كلهم الطاره ملتى بس الملتى بتاعهم مش فى الطاره بيبقو وراها وعلى فكره بتعرف تتحكم في الكسيت اسهل واشيك كمان

بالنسبه للأير باجات هما 4 اير باج

الفتيس تيب ترونك 4 نقلات ( ال3 يجيب معاك ل 170 والرابع لو قارص تقفل عداد )

الترند سى دى واحد ( أوديو ) الجيا ( ام بى 3 ) وفى فاتحه aux يعنى فكك من اى سى دي

الفرش مخملى

السنسورات زى ما قولتلك فى الأس ال بى ( مطر - اضاءه - ركن)

التكيف فى الترند بكر وفى الجيا كمان بكر وتكيف الفورد على فكره جامد جدا وقوى وبيوزع ورا وأدام عن طريق فتحات تحت الكراسى الأماميه-- الديجيتال فى ال اس دبيلو و الأس ال بى


المريات تعتيم يا ريس ورؤيتها واضحه وسهله

وكمان تصميم الكراسى مع الطبلوه نفسه يحسسك انك قاعد فى العربيه حضناك

وبما انك مبتجريش برضه هرجع اقولك نصيحه من أخ ( كل العربيات زى بعض تحت سرعه كم /ساعه 100) فا حوار الاستبيلتى دا مش هيفرق معاك فى حاجه ولا شد العربيه


وكمان عايز تعرف المكنه حلوه خد العربيه شد بيها مع عربيه خفيفه وشوف مين هيطلع من التانى بعد ال 120 وتعرف المكنه عفيه وقويه ولا لا لان وزن العربيه الفورد 1800 كيلو ومثلا اللانسر 1350 تمام تعالى شوف الجرى بتاع ال 2 أنته والانسر هتفضلو متساوين لحد ال 100 بعد ال 100 شوف الفوكاس هتعمل ايه !!

[hosam2010]

باشا بالنسبة لل أسعار متهيألي الأسعار د قديمة شوية
الترند أصلا مبقتش تنزل
الجيا بقت بي ١٤٨
الجيا إس أر بي ١٥٣
الجيا كمان فيها سينسور نور و سينسور مطر

[zoms]

لا يا باشا الجيا 145 وممكن تجبها كمان بأقل من كدا d:

[hosam2010]

لا يا باشا الجيا 145 وممكن تجبها كمان بأقل من كدا d:

حضرتك بتتكلم على موديلات 2009 ولا 2010
أنا أصلي حاجز الجيا إس أر بي 153 من فكري جروب
طيب لو أنت بتتكلم على 2010 ياريت تقولي منين أجيبها بل أسعار ده

[zoms]

انا كونت جايب عربيتى من عند موزع معتمد ( الكفراوى )

[refoo]

نصيحه بقى من أخ (( فكك فكك فكك من السيراتو عربيه تعبانه جداااااااااااااااا )) شكل بس مش أكتر لا أداء ولا ثبات ولا اى خرف و الى يقولك 122 هورس بور أقولك خرف العربيه تعبانه تعبانه فعلا وبعدين طلعت نزلت عربيه اسياوى (( كورى )) . وربنا يقدملك ما فيه الخير .. والف مبروك مقدما وربنا يعطيك خير العربيه ويكفيك شرها وشر العين ..

بص حضرتك ممكن تقول شعر زي ما أنت عايز قي عربيتك
لكن بلاش تقول حاجات تضيع مصداقيه كلامك
يعني أنا كنت مستمتع برد حضرتك و وصفك للفوكاس
بس أول لما أتكلمت علي السيرتو قلت كلام غلط في علط
أولا السيراتو 124hp مش 122
لو السيراتو تعبانه تعبانه زي مابتقول ليه أنتشرت كده
ديه ياراجل عملت مبيعات في أول سنه معملتهاش الفوكاس في 10 سنين
ده ميقللش من الفوكاس لكن يزود من قيمه السيراتو
وعلي فكره السيراتو فيها ثبات مرضي جدااااااااااااااااااااااااااااا
علي الأقل للسرعات اللي ممكن تمشي بيها في مصر


نصيحتي للسأل:
لو مش فارق معاك الفلوس هات فوكاس
حاجه مميزه وبرستيج

لوعايز حاجه فيها كل الأوبشن اللي تتخيله هات السيراتو
وأنت أولي بالباقي


ملحوظه سعر أعاده البيع مابين السيراتو والفوكاس فرق كبييييييييييييير
لصالح السيراتو طبعا

ولو فاضي كده لمده 5 دقائق أقف في البلكونه وعد كام سيراتو هاتشوفها
وقرر أنت وفكر بعقلك هي ديه كده عربيه تعبانه تعبانه فعلا ولا أيييييييييييه
و متنساش الأستخاره

[egytamer]

حضرتك مينفعش تقارن السيراتو بالفوكاس دي مدرسة قي الصناعة ودي مدرسة تانية خالص صحيح العربيتين حلوين بس في فرق في الخامات والتقفيل والتكنولوجيا والثبات والفخامة يقابلو فرق في السعر وسهولة الصيانة وسعر قطع الغيار

[fouad_programer]

يا جماعة مقارنه السيراتو بالفوكاس فيها ظلم كبيييييييييير جدا للسيراتوا ومينفعش وانت بتشترى تقارن الأثنين دول ببعض هتقارن اوربى مع كورى إزاى بس ... دى ركوبة ودى ركوبة تانية خالص والى ركب الأثنين هيلاحظ الفرق كويس

[LeperMessiah]

اولا شكرا لكل الناس الحلوه اللى ردت و افاديتنى كثيرا

و احب اوضح تانى انى مش بقارن بين العربيتين انا اساسا بتكلم فى احسن عربيه مناسبه لامكانياتى الماديه (فوق ال 100 الف بحاجه بسيطه) او ممكن ازنق نفسى 3-4 شهور زياده و اجيب فئه اعلى حبتين

علشان كده فى الميزانيه الاولى لقيت السيراتو انسب حاجه لى من حيث السعر و الكماليات و طريقه سواقتى عموما و الميزانيه التانيه لسه مش لاقى فيها حاجه للأن بصراحه ال 145 كتير على و برضه مدى انتشار العربيه فى مصر و سعر اعاده البيع يفرق معايا جدا

الفوكس طبعا عربيه تحفه بس انا شايف انها مش واخده حقها فى مصر و بالتالى مش هى العربيه اللى ادفع فيها 150 الف و بعد كده اخسر فيها النص
مش معنى كده انها عربيه وحشه هى بس مش بتاعه مصر زيها زى عربيات تانيه كتير مظلومه فى البلد دى

[refoo]

اولا شكرا لكل الناس الحلوه اللى ردت و افاديتنى كثيرا

و احب اوضح تانى انى مش بقارن بين العربيتين انا اساسا بتكلم فى احسن عربيه مناسبه لامكانياتى الماديه (فوق ال 100 الف بحاجه بسيطه) او ممكن ازنق نفسى 3-4 شهور زياده و اجيب فئه اعلى حبتين

علشان كده فى الميزانيه الاولى لقيت السيراتو انسب حاجه لى من حيث السعر و الكماليات و طريقه سواقتى عموما و الميزانيه التانيه لسه مش لاقى فيها حاجه للأن بصراحه ال 145 كتير على و برضه مدى انتشار العربيه فى مصر و سعر اعاده البيع يفرق معايا جدا

الفوكس طبعا عربيه تحفه بس انا شايف انها مش واخده حقها فى مصر و بالتالى مش هى العربيه اللى ادفع فيها 150 الف و بعد كده اخسر فيها النص
مش معنى كده انها عربيه وحشه هى بس مش بتاعه مصر زيها زى عربيات تانيه كتير مظلومه فى البلد دى

حضرتك كده بدأت تفكرفي الصح
(أيه ظروفك ....... وأيه متطلباتك)

عايز أقولك حاجه بس يارب تفيدك مش تحيرك أكتر
بص كده علي فيات لينيا (عربيه أيطالي بتقفيل تركي بروح أوربي)
فيها كل الأوبشن اللي تتخيله
1400cc ومزوده بتربو وأعلي فئه ب 112,000
عيوبها:
1-سعر أعاده البيع برضه مش حلو
2- مفيش منها أتوماتيك

وبرضه أهم حاجه الأستخاره

[LeperMessiah]

شكرا يا باشا على المعلومه
انا مبصتش بالتفصيل على العربيه بس اللى بعدنى عنها ان فكره الفيات فى مصر مش قد كده و زى ما انت قلت ال resale بتاعها ضعيف قوى و بصراحه مش عايز ادفع حوالى 100 الف و فى الاخر مش اتوماتيك و لا انت ايه رأيك؟

[zoms]

بص يا باشا الى بيقول ان السيراتو مش تعبانه (( الكلام دا من بق مهندس سيارات السيراتو الى انته بتقول 124 هورس بوار أقولك عند كام ار بى أم واقولك العزم كام وبرضه عند كام ار بى ام أنا قولت انها شكل وليست أداء لا ثبات ولا مكنه (( فى الجرى )) ولو قريت كلامى صح قولتو نصيحه لو مش بتجرى جيبها أنا عارف أنا بتكلم ازاى ومش بشعر فى الفوكاس ولا حاجه انا قولت الحق والى السوق عايزه وبالنسبه للبلكونات واعد كام عربيه سيراتو ما تبص انته من البلكونه وبص كام عربيه صينى واقفه فى الشارع العمليه مش عمليه جوده العمليه عمليه رخص أحنا أحلى شعب يسترخص ويقولك" ابو بلاش كتر منه" العربيه تانى هقولها شكل بسسسسسسسسسسسسسس لا مكنه ولا اداء ولا ثبات وعلى راى المثل " القرد فى عين امه غزال" وربنا يوفقه للعربيه الصح الى يقدر يصرف عليها صح ..