ما تييجوا نرجع الامور لنصابها الصحيح (فورد)

[mazdaprotege]

الاخوة الاعزاء
سلام اللة عليكم و رحمتة و بركاتة
دعوة لتسعير السيارات المحترمة من فورد
صراحة و بدون مقدمات انا انضممت اخيرا الى مالكى السارات الفورد و ربنا اكرمنى و جبت فورد مونديو جيا اعلى فئة
بس بعد ما اشتريتها ناس خوفتنى منها و من اسعار قطع غيارها
بس بصراحة انا لقيت ان اسعار قطع الغيار مش بعيدة اوى بس كمان متوفرة جدا جدا سواء فى الجديد او الاستيراد
و فرقها مش كتير حيث اننى كنت من مالكى سيارات يابانى
جة عليا وقت بعد الشراء قلت ابيع بس لاقيت اسعار اقل من سعر شرائى للسيارة و علية رفضت الخسارة و قررت الصيانة و الركوب
و اللة و اللة عربيات فى منتهى الجمال و الروعة سواء فى ارتفاعها عن الارض او القوة و السحب و الكماليات احسن من عربيات كتيرة ماشية شعبى فى البلد
و لذلك ادعو اخوتى الكبار الفورداوية ال ان نعيد النظر فى تسعير سياراتنا خاصة المميزة منها لان العربيات دى تستاهل اكتر من كدة و اكتر من قيمتها
خاصة ان الاسعار الحالية ممكن تركب بيها اى عربية كورى او يابانى قديم و كمالات اقل و حالة غير متميزة
يلا بيني نعيد الامور الى نصابها الصحيح خاصة ان اى فورد موديل السنة او اى فئة منها سعرها عالى بكتير و تفوق اى سيارة شعبى بمراحل
ممكن نتشارك و نقول راينا و نعرف وجهات نظر بعض
و اسف على الاطالة و شكرا ليكوا

[mo_elshama3]

و الله انا معاك في كل كلمه وياريت الناس تفهم الكلام ده وتقتنع بيه انا عن نفسي اي حد يسالني عن عربية عايز يشتريها بنصحه بالفورد ولحد دلوقتي ثلاثه من اصحابي اقتنعوا بكلامي وفعلا اشتروا فورد و الحمد لله مبصوتين بيها جدا

[Mostafa.Mahran]

معلش الشعب المصرى عنده بعض الثقافات الى مش هتتغير عن بعض العربيات المحترمة جدا

[ashrafsadany]

الاخوة الاعزاء
سلام اللة عليكم و رحمتة و بركاتة
دعوة لتسعير السيارات المحترمة من فورد
صراحة و بدون مقدمات انا انضممت اخيرا الى مالكى السارات الفورد و ربنا اكرمنى و جبت فورد مونديو جيا اعلى فئة
بس بعد ما اشتريتها ناس خوفتنى منها و من اسعار قطع غيارها
بس بصراحة انا لقيت ان اسعار قطع الغيار مش بعيدة اوى بس كمان متوفرة جدا جدا سواء فى الجديد او الاستيراد
و فرقها مش كتير حيث اننى كنت من مالكى سيارات يابانى
جة عليا وقت بعد الشراء قلت ابيع بس لاقيت اسعار اقل من سعر شرائى للسيارة و علية رفضت الخسارة و قررت الصيانة و الركوب
و اللة و اللة عربيات فى منتهى الجمال و الروعة سواء فى ارتفاعها عن الارض او القوة و السحب و الكماليات احسن من عربيات كتيرة ماشية شعبى فى البلد
و لذلك ادعو اخوتى الكبار الفورداوية ال ان نعيد النظر فى تسعير سياراتنا خاصة المميزة منها لان العربيات دى تستاهل اكتر من كدة و اكتر من قيمتها
خاصة ان الاسعار الحالية ممكن تركب بيها اى عربية كورى او يابانى قديم و كمالات اقل و حالة غير متميزة
يلا بيني نعيد الامور الى نصابها الصحيح خاصة ان اى فورد موديل السنة او اى فئة منها سعرها عالى بكتير و تفوق اى سيارة شعبى بمراحل
ممكن نتشارك و نقول راينا و نعرف وجهات نظر بعض
و اسف على الاطالة و شكرا ليكوا

+111111111111111

[ooooosooooo]

انا معك وبشدة فعلا فورد سيارة لا يركبها غير الى فاهم انا بحترمة من زمان اوى اوى هيا وفولفو الاثنين مش وخدين حقهم ولاكن فولفو لغلو اسعارها ولكن فورد للاسف ينقصها شيئ واحد فقط لاغير الا وهى الداعية الكافية لهذة الماركة المثالية اتمنى ان اقتنى فورد فوكاس

[egytamer]

الف مليون مبروك علي المنديو وعايزين تقيم ليها وعن كماليتها لو سمحت لاني بجد نفسي اجيب العربية دي اوي .
الفورد فعلا مظلومة جدا في بلد العربيات البلاستيك الي من غير اي سيفتي ولا تكنولوجا هنا عايزين كانبة وليها عجل لما تبوظ اي بقال يصلحها مش مهم ميكونش فيها اي وسائل امان او اي استابلتي المهم تكون رخيصة حتي لو هتموت الي راكبها لاننا بنعتبر تحويش الفلوس اهم من حياتنا

[aYaBooY]

موضوع التسعير ممكن يتظبط لو الوكيل حس شوية انه محتاج دعاية و خصوصا انه بيسوق عربية قطع غيارها يعتبر الاقل في فئتها و ممكن نقول ان تغير فوانيس فوكاس في التوكيل مقارب لسعر فوانيس عربية كوري و رغم ده دعايا فورد في مصر زفت بجد

[mazdaprotege]

متشكر جدا على المشاركات و البداية المشرفة اللى لاقيتها
و علية اجد ان البداية ممكنة اذا تكاتفنا نحن ملاك الفورد لان مافيش حد حيعرف قيمة عربيتك اكتر منك و لا حيقدر يسعرها احسن منك و دة لسبب بسيط ان اللى جاى يشترى عايز ياخدها ببلاش و قال اية بحجة ان قطع الغيار غالية و كلام فاضى مالوش لازمة طيب هو لو صح جاى تسال عليها لية الا اذا كنت عارف قيمة اللى انت جاى تشترية
و علشان كدة انا باوصى ان كل الفورداوية لازم يتكاتفوا و كل واحد عارف قيمة سيارتة و حالتها و عايزة اية انة ما يتنازلش فى سعرها لانها افضل من الهوندا و التويوتا و المازدا و الهيونداى و الدايو و الشاهين و اللادا
و طبعا نشوف سعر موديلات التسعينات و اوائل الالفين بكام من العربيات الشعبية دى و فعلا حنعرف نقيم و نسعر عربياتنا صح
فهل ينفع ان اكسنت و لا لانوس 99 او 2000 بالتكييف و الباور ولا لادا 2003 الى 2005 ولا هوندا 88 الى 92 ولا تويوتا 92 الى 95 يبقى سعرها زى الفورد الجيا 2000 سى سى او حتى ال 1600 سى سى او اسكورت 1600 سى سى
يا ريت نفكر صح لان العربيات دى كانت بكام زيرو موديل سنتها حنلاقى ان ال 1600 كانت سنة 1998 ب 140 الف و الجيا ال 2000 سى سى كانت ب 180 الف
اما اللانوس 99 كانت 39 الف
شوفوا الفرق كان اد اية
دلوقتى تلاقى الللانوس بعد العمر دة تتباع اكتر من تمنها زيرو و عربياتنا احنا تخسر اكتر من 60% من تمنها
انهى منطق يقول ان الكلام دة مضبوط و طبعا خدوا بالقياس الاكسنت اللى كانت سنة 99 ب 34 الف
يلا نضع الامور فى نصابها الصحيح
و اللة الموفق

[aYaBooY]

فيه مشكلة اعظم بكتير من قطع الغيار عندنا في الفورد
هي ان مش اي صنيعي بيفهم يعرف يشتغل فيها من تجارب كتير لازم متخصص فيها و ده قليل

[wkisho2005]

متشكر جدا على المشاركات و البداية المشرفة اللى لاقيتها
و علية اجد ان البداية ممكنة اذا تكاتفنا نحن ملاك الفورد لان مافيش حد حيعرف قيمة عربيتك اكتر منك و لا حيقدر يسعرها احسن منك و دة لسبب بسيط ان اللى جاى يشترى عايز ياخدها ببلاش و قال اية بحجة ان قطع الغيار غالية و كلام فاضى مالوش لازمة طيب هو لو صح جاى تسال عليها لية الا اذا كنت عارف قيمة اللى انت جاى تشترية
و علشان كدة انا باوصى ان كل الفورداوية لازم يتكاتفوا و كل واحد عارف قيمة سيارتة و حالتها و عايزة اية انة ما يتنازلش فى سعرها لانها افضل من الهوندا و التويوتا و المازدا و الهيونداى و الدايو و الشاهين و اللادا
و طبعا نشوف سعر موديلات التسعينات و اوائل الالفين بكام من العربيات الشعبية دى و فعلا حنعرف نقيم و نسعر عربياتنا صح
فهل ينفع ان اكسنت و لا لانوس 99 او 2000 بالتكييف و الباور ولا لادا 2003 الى 2005 ولا هوندا 88 الى 92 ولا تويوتا 92 الى 95 يبقى سعرها زى الفورد الجيا 2000 سى سى او حتى ال 1600 سى سى او اسكورت 1600 سى سى
يا ريت نفكر صح لان العربيات دى كانت بكام زيرو موديل سنتها حنلاقى ان ال 1600 كانت سنة 1998 ب 140 الف و الجيا ال 2000 سى سى كانت ب 180 الف
اما اللانوس 99 كانت 39 الف
شوفوا الفرق كان اد اية
دلوقتى تلاقى الللانوس بعد العمر دة تتباع اكتر من تمنها زيرو و عربياتنا احنا تخسر اكتر من 60% من تمنها
انهى منطق يقول ان الكلام دة مضبوط و طبعا خدوا بالقياس الاكسنت اللى كانت سنة 99 ب 34 الف
يلا نضع الامور فى نصابها الصحيح
و اللة الموفق

والله كلامك زي الفل والنقطة دي بالذات بتاع تقديرنا احنا ملاك الفورد لعربياتنا هو اللي هيعلي سعرها او علي الاقل هيديها حقها الطبيعي في السعر لكن الاسعار لللي الواحد بيسمعها دي حاجات تشل وانا عن نفسي عمري مابيع العربية دي الا لو جابتلي السعر اللي انا عايزه او علي الاقل اللي يرضيني يعني اقدر عربيتي فيقوم غيري يقدرها خصوصا لو مكنتش مزعلاني في حاجة

[mazdaprotege]

اخوتى الاعزاء
اشكركم على الردود الفعالة بس ليا تعليق :
1- اولا المشكلة مش فى قطع الغيار لان كل حاجة موجودة سواء جديدة او استيراد و كمان سعرها مش غالى للدرجة و دة طبعا باعتراف الكل ان النهاردة ما فيش قطعة غيار رخيصة مع مراعاة ان الفورد مش نصر و لا فيات
2- موضوع الصنايعية و الفنيين انا شايف انة مش مؤثر خصوصا اننا مش كل يوم عندهم و ايضا اذا حبينا نقارن عربياتنا بالاوبل او الاودى او المرسيدس فكل دول ليهم الفنيين المتخصصين و اللى عوز يركب عربية ماركة معروفة يبقى لازم يصونها كويس و يكون قدها و اللى ما يقدرش يبقى الافضل لية يشوف حاجة ممكن تتصلح عند العجلاتى او البقال او اولاد رجب
3- النهاردة ما فيش حد اهبل بس اللى يستفزنى انى لما اجى اعرض عربيتى للبيع الاقى اللى جاى يشتريها ببلاش و كانة بينقذنى طبها كلام غير مقبول خصوصا ان العربية دى لو وحشة انت جاى تتفرج عليها لية او تفكر من اساسة فيها لية طبعا اى كلام المهم انة يعرف يسرق العربية اذا كانت حلوة و يحاول يشتريها بسعر لانوس او اكسنت
طب ما تقارنها بالاودى او الفيكترا و تشوف انهى احسن و اللة الفورد تغلب
يبقى المفروض ان سعرها يبقى اكتر منهم لان مشاكلها اقل منهم
نفسى اعرف ردودكم و رايكم اذا كنتم معايا فى الكلام دة علشان نرجع الامور الى نصابها الصحيح القديم
و اللة الموفق

[egytamer]

لو كل واحد معاة عربية فورد عرف قيمتها ولما يفكر يبيع ميرضاش بتمن قليل ويسمع كلام ان العربية دي تقيلة في البيع ولازم يستغل ان في ملاك بجناحين رضي انو يضحي بنفسو ويشتري العربية ويرحمو منها الاحوال هتتظبط لازم نحس باننا متميزين علشان معانا عربية قوية وثابتة وجودتها عالية وقطع غيارها معقولة.
المنديو الجيا ال99 بتعمل حوالي 40000 في مقابل الاوبل الفكترا ال cdx بتعمل حوالي 60000 مع فرق الكماليات للمنديو وكمان الاوبل مش اعلي الالماني وتكنولوجيتها معقدة زي الفورد بس سعرها اعلي بكتير لان صحاب العربية مقدرنها ومحفظين علي سعرها فلازم نحاول نغير فكرنا انا عن نفسي خليت 3 في الشغل معايا جابو اسكورت لما شافو انها كويسة وسعرها معقول وابتدو ينصحو ناس تانية فممكن نعمل احنا راي ودعاية حلوة للعربية بدل الوكيل النايم لكن لو كل واحد سئلنا قلنالو انها معقدة وبتسخن وخليك في الكوري واليباني احسن عمرنا مهنركب عربية نضيفة.

[hosam2010]

لو كل واحد معاة عربية فورد عرف قيمتها ولما يفكر يبيع ميرضاش بتمن قليل ويسمع كلام ان العربية دي تقيلة في البيع ولازم يستغل ان في ملاك بجناحين رضي انو يضحي بنفسو ويشتري العربية ويرحمو منها الاحوال هتتظبط لازم نحس باننا متميزين علشان معانا عربية قوية وثابتة وجودتها عالية وقطع غيارها معقولة.
المنديو الجيا ال99 بتعمل حوالي 40000 في مقابل الاوبل الفكترا ال cdx بتعمل حوالي 60000 مع فرق الكماليات للمنديو وكمان الاوبل مش اعلي الالماني وتكنولوجيتها معقدة زي الفورد بس سعرها اعلي بكتير لان صحاب العربية مقدرنها ومحفظين علي سعرها فلازم نحاول نغير فكرنا انا عن نفسي خليت 3 في الشغل معايا جابو اسكورت لما شافو انها كويسة وسعرها معقول وابتدو ينصحو ناس تانية فممكن نعمل احنا راي ودعاية حلوة للعربية بدل الوكيل النايم لكن لو كل واحد سئلنا قلنالو انها معقدة وبتسخن وخليك في الكوري واليباني احسن عمرنا مهنركب عربية نضيفة.

+111111111111111

[aYaBooY]

العربية الفورد مبتسخنش يا تامر
هيا حرارتها عالية بس ده العادي بتاعها

[mo_elshama3]

فيه مشكلة اعظم بكتير من قطع الغيار عندنا في الفورد
هي ان مش اي صنيعي بيفهم يعرف يشتغل فيها من تجارب كتير لازم متخصص فيها و ده قليل

يا جماعه الصنايعي الي يقولك الكلمه دي واحد حافظ مش فاهم انا عملت طقم شنبر لما كان معايا الفيستا 1100 وكان الموضوع سهل ومش معقد خالص و الحمد لله و انا ولا صنيعي ولا حاجه انا مجرد هاوي وحبب الموضوع