مساعدة في فورد فوكس 2007

[admaa]

يا جماعة انا كنت عملت حادثة بفورد فوكاس 2007 بس الحمد لله جت سليمة ودلوقتي انا دايخ علي قطع غيار و حاجة فور فوكس 2007 ومش لاقيها خالص استيراد ومحدش يقولي التوكيل لانهم غاليين جدا فسئلت عند اوتو ستار والصفا والسكري ومحدش عندو لو حد يقدر يفيديني يبقي جزاه الله كل خير

1-سقف
2-شنطة ورا
3-باب سواق
4-رفرف خلفي

مش عارف اجيب الحاجة دي منين لو حد يقدر يدلني علي مكان او يساعدني ياريت يقولي.

[admaa]

؟؟؟؟؟؟؟؟؟؟؟؟؟؟؟؟؟

ايه يا جماعة محدش رد عليا خالص ليه كدة ؟؟؟

[zoms]

اسأل ودور انزل فى بور سعيد او اسكندريه .......... غير كدا مش هتلاقى فى ناس بتوع استيراد أنصاص كامله أسال عندهم او شوف خلى حد يجبهالك مخصوص ... غير كدا عليك وعلى التوكيل

[egytamer]

اسأل ودور انزل فى بور سعيد او اسكندريه .......... غير كدا مش هتلاقى فى ناس بتوع استيراد أنصاص كامله أسال عندهم او شوف خلى حد يجبهالك مخصوص ... غير كدا عليك وعلى التوكيل

+11111
وممكن تشوف حد عندو بطائة استيرادية وتجيب انتا من دبي او اي دولة الي انتا عايزو

[aYaBooY]

ربنا يعينك بجد

[zoms]

ها عملت ايه أو أتوصلت لأيه ؟؟!!!

[admaa]

والله الحمد لله يا حازم كلمت واحد اخيرا ولقيت عندو عربيتين واحدة سودا وواحدة ازرق نفس اللون بتاعي وربنا يسهل هنزلو واشوف الدنيا فيها ايه بس حسب كلام التليفون عندو كل حاجاتها الحمد لله انا متشكر جداا ليك يا حازم فعلا وانا تحت امرك لو عوزت اي حاجة من شرم انتا تنورنا يا باشا ;)

[zoms]

طيب الحمد لله ولا شكر على واجب .. انا معملتش حاجه ... وربنا يكفينا شر الحوادث وتخلص العربيه وترجع احسن من الأول ان شاء الله

معلش برضو للأستفاده .... اسم الراجل وهوا موجود فين

[admaa]

أسمو محمد شيكو وهوه موجود في الحرفيين

[zoms]

شيكو عارفه طب فل ربنا يعينك وفى 2 شيكو واحد ناحيه بلوك سمير على والتانى ناحيه المطراوى