نفسي اجيب اسكورت و الناس مخوفاني فوق ما تتصورو ؟

[foxman95]

السلام عليكم و رحمة الله و بركاته

ازيكو يا جماعة

انا عايز اجيب فورد اسكورت 98 - 99 1600 سي سي

بس الناس رعبتني من حكاية قطع الغيار انها غالية جدا

يا ريت تفيدوني فى الموضوع دا

قطع الغيار غالية فى حدود اد ايه يعني

فى حدود ضعف سعر قطع السيارات الاخري يعني ولا اكتر كمان ؟

يا ريت لو حد يديني امثلة لاسعار قطع غيار الفورد

و لكم جزيل الشكر .
بصراحة انا كنت فقدت الامل لان كل اللى بسألهم حاسس انهم سامعين مش مجربين بس لقيت هنا فيه فرداوية كتير و ان شاء الله يساعدوني

[wkisho2005]

ياباشا انا معايا الاسكورت بس ال1300 كربراتير العربية ممتازة اوكل علي الله وهاتها لو انت غاويها بس اهم حاجة تكون حالتها حلوة يعني متاخدهاش فيها شغل
العربية بتتميز بالاتي
1_ثبات علي الطريق مفيش ولا كلمة ودي مش محتاجة كلام طبعا
2_تقفيل خامات العربية من جوة نضيف وشيك وشكل العربية نفسه من برة شيك بردو
3_قطع الغيار معمرة بالذات لو كانت اصلية وبالنسبة للاسعار بقي فيه منها التركي والاسباني والالماني والامريكي وغيره يعني هتلاقي تفاوت في الاسعار وانت تختار اللي يناسبك
4 - طبعا صاج قوي وناشف ودي حاجة معروفة ن الفورد بردو
5_حمالة اسية زي مابيقولوا

اما بالنسبة للعيوب
1_سعر اعادة البيع مش كويس يعني لو هتجيبها تتاجر فيها يبقي بلاش طبعا لكن لو هتجيبها وتقعد معاك فترة يبقي اتوكل علي الله(وعلي فكرة عندك الاوكتافيا مثلا سعر اعادة البيع مش كويس والاودي والاوبل يعني بالبلدي متدورش علي سعر اعادة البيع دي غير في الهيونداي والدايو والانسر
2_قطع الغيار غالية نسبيااااااا وبكرر نسبياااااااااااا لكنها معمرة
3_التكييف فيها كفائته مش حلوة لكن انا عندي 1300 بالنسبة لل1600 اعتقد اكيد يبقي احسن

ودي بعض اسعار قطع الغيار يمكن تفيدك بردو

سكورت 1600 لفت باك كاربيرتير موديل 99

اتعمل فيها كتير بس كل ماهافتكر هقول ان شاء الله...
أولاً : عند بداية الشراء
1 - فانوس خلفى يمين 150جم بدورسيان التوفيقية
2 - فلتر هواء فورد اصلى 70جم ابوالفتوح الحرفيين
3 - طقم بوجيهات فورد اصلى 120جم عشم نوار دمشق
تم تغييرهم عند مسلم فى الحرفيين بس مش فاكر اخد كام
4 - فلتر زيت موتوركرافت اصلى 55جم بدروسيان
بعد كده ....
1 - طقم تيل امامى المانى 160جم ابوالفتوح الحرفيين
2- طقم تيل خلفى المانى 140جم ابوالفتوح الحرفيين
3 - طقم طنابير المانى 300جم ابوالفتوح الحرفيين
تم تغييرهم عند مسلم فى الحرفيين واخد 70جم مصنعية
وللحديث بقية.........



العربية فورد اسكورت
تغيير اربع مساعدين الماني جداد عملوا 1400 جنيه نوعهم تقريبا اسمه (boge) مش فاكر اوي
تغيير جلب المقصات وعملوا حوالي 120 جنيه بالتقريب بردو لان الزهايمر عندي شغال من بدري
المكان :المنصورة الحسينية عند واحد اسمه ابراهيم السروجي
الكلام دا كان من حوالي شهرين


*وقبل كدا تغيير دراع النور جبته استيراد من الوكالة ب200 جنيه من حوالي سنة او اقل شوية والاستاذ egy هو اللي فادني جامد في الموضوع دا بصراحة
*اسطوانه دبرياج ب300 جنيه بردو من حوالي سنة من طنطا واحد اسمه نشات فوزي
*فلتر هوا ب65 (بس حاسس انو غالي) بس الكلام ان صناعته الماني واصلي وبتاع
*طقم كوتش اسمه لاسا من شهرين مع المساعدين وعملوا حوالي 1300 جنيه الفردة في حدود 320 جنيه
بس خلاص


بسم الله الرحمن الرحيم
دي اسعار الأسكورت من عند سامي فخري
1. 2مساعد امامي بليستن 750
2. مقصين اطالي 500
3. طقم طنبير امامي اسباني 250
4. 2بطاحة امامي200
5. 2 دراع استبليزر240
6. سير كتينة 100
7. سير اداره 100
8. طقم تيل امامي اسباني 120
9. طقم تيل خلفي مش اسباني ومش فاكر بلدة ايه 150
الحساب 2410 بعد الخصم 2350 ههههههههههه


يارب في النهاية اكون افدتك وربنا يوفقك للي فيه الخير

[3ateef]

الاستاذ wkisho2005 جاب من الآخر....

وبالنسبة لىّ وخلاصة سنين مع العربية,,,,العربية امريكى تحفة......

[foxman95]

ياباشا انا معايا الاسكورت بس ال1300 كربراتير العربية ممتازة اوكل علي الله وهاتها لو انت غاويها بس اهم حاجة تكون حالتها حلوة يعني متاخدهاش فيها شغل
العربية بتتميز بالاتي
1_ثبات علي الطريق مفيش ولا كلمة ودي مش محتاجة كلام طبعا
2_تقفيل خامات العربية من جوة نضيف وشيك وشكل العربية نفسه من برة شيك بردو
3_قطع الغيار معمرة بالذات لو كانت اصلية وبالنسبة للاسعار بقي فيه منها التركي والاسباني والالماني والامريكي وغيره يعني هتلاقي تفاوت في الاسعار وانت تختار اللي يناسبك
4 - طبعا صاج قوي وناشف ودي حاجة معروفة ن الفورد بردو
5_حمالة اسية زي مابيقولوا

اما بالنسبة للعيوب
1_سعر اعادة البيع مش كويس يعني لو هتجيبها تتاجر فيها يبقي بلاش طبعا لكن لو هتجيبها وتقعد معاك فترة يبقي اتوكل علي الله(وعلي فكرة عندك الاوكتافيا مثلا سعر اعادة البيع مش كويس والاودي والاوبل يعني بالبلدي متدورش علي سعر اعادة البيع دي غير في الهيونداي والدايو والانسر
2_قطع الغيار غالية نسبيااااااا وبكرر نسبياااااااااااا لكنها معمرة
3_التكييف فيها كفائته مش حلوة لكن انا عندي 1300 بالنسبة لل1600 اعتقد اكيد يبقي احسن

ودي بعض اسعار قطع الغيار يمكن تفيدك بردو

سكورت 1600 لفت باك كاربيرتير موديل 99

اتعمل فيها كتير بس كل ماهافتكر هقول ان شاء الله...
أولاً : عند بداية الشراء
1 - فانوس خلفى يمين 150جم بدورسيان التوفيقية
2 - فلتر هواء فورد اصلى 70جم ابوالفتوح الحرفيين
3 - طقم بوجيهات فورد اصلى 120جم عشم نوار دمشق
تم تغييرهم عند مسلم فى الحرفيين بس مش فاكر اخد كام
4 - فلتر زيت موتوركرافت اصلى 55جم بدروسيان
بعد كده ....
1 - طقم تيل امامى المانى 160جم ابوالفتوح الحرفيين
2- طقم تيل خلفى المانى 140جم ابوالفتوح الحرفيين
3 - طقم طنابير المانى 300جم ابوالفتوح الحرفيين
تم تغييرهم عند مسلم فى الحرفيين واخد 70جم مصنعية
وللحديث بقية.........



العربية فورد اسكورت
تغيير اربع مساعدين الماني جداد عملوا 1400 جنيه نوعهم تقريبا اسمه (boge) مش فاكر اوي
تغيير جلب المقصات وعملوا حوالي 120 جنيه بالتقريب بردو لان الزهايمر عندي شغال من بدري
المكان :المنصورة الحسينية عند واحد اسمه ابراهيم السروجي
الكلام دا كان من حوالي شهرين


*وقبل كدا تغيير دراع النور جبته استيراد من الوكالة ب200 جنيه من حوالي سنة او اقل شوية والاستاذ egy هو اللي فادني جامد في الموضوع دا بصراحة
*اسطوانه دبرياج ب300 جنيه بردو من حوالي سنة من طنطا واحد اسمه نشات فوزي
*فلتر هوا ب65 (بس حاسس انو غالي) بس الكلام ان صناعته الماني واصلي وبتاع
*طقم كوتش اسمه لاسا من شهرين مع المساعدين وعملوا حوالي 1300 جنيه الفردة في حدود 320 جنيه
بس خلاص


بسم الله الرحمن الرحيم
دي اسعار الأسكورت من عند سامي فخري
1. 2مساعد امامي بليستن 750
2. مقصين اطالي 500
3. طقم طنبير امامي اسباني 250
4. 2بطاحة امامي200
5. 2 دراع استبليزر240
6. سير كتينة 100
7. سير اداره 100
8. طقم تيل امامي اسباني 120
9. طقم تيل خلفي مش اسباني ومش فاكر بلدة ايه 150
الحساب 2410 بعد الخصم 2350 ههههههههههه


يارب في النهاية اكون افدتك وربنا يوفقك للي فيه الخير

انا اتفائلت جدا لما لقيتك اول واحد ترد
عارف ليه
شف رد ليك قبل كدا فى منتدى تاني و هو اللى كان مشجع ليا و خصوصا انك من نفس منطقتي .. طنطا تقريبا .. انا من المحلة و قاعد فى المنصورة علطول فا كانت دي من اكتر المشاكل بالنسبالي اني اجيب فورد لان طبعا صيانتها هتبقى صعبة لان معظم الميكانيكيا اللى بيفهمو فيها فى القاهرة بس كويس ان شفتك تاني لان الرد بتاعك كان من سنتين تقريبا
الف شكر يا مان يا ريت لو تبعتلي اميلك عشان انا حابب اتعرف عليك اكتر و تاخد بايدي فى الموضوع دا

يا ريت يا مان تبعتلي اميلك عشان حابب اتعرف عليك اكتر و تاخد بأيدي فى الموضوع دا

الاستاذ wkisho2005 جاب من الآخر....

وبالنسبة لىّ وخلاصة سنين مع العربية,,,,العربية امريكى تحفة......

شكرا يا باشا على مرورك
تحياتي :)

[foxman95]

بس انا شايف التغيرات كتيرة اوي

هو كل حاجة من التغيرات دي بغيرها كل اد ايه .. اخوكو لسه عضمه لينه فى عالم المواتير ؟
و طبعا انا بتعلم فى عربية اخويا الاول دلوقتي قبل ما اجيب الاسكورت بس هو مش هيرحم اسكورتي بعد كدا هههههه

[wkisho2005]

ياباشا انا اسف علي التاخير بس مكنتش دخلت من يوم مارديت علي الموضوع هابعتلك الايميل في رسالة وانا تحت امرك في اي حاجة

[ahmad--ezzat]

فكر فى المونديو افضل واشيك
طالاما هتجيب فورد

[behman]

موضوع جميل و شكرا عالمعلوملت

[phantom0xx0]

اسكورت عربية هايلة
أنا جبتها زيرو في ١٩٩٩ و بعتها في ٢٠٠٣ كانت 1300 cc بس مفيهاش تكيف ، ثبات ممتاز ،، أنا محتتش أيدي في العربية ده و مغيرتش تقريباً حاجة فيها
عربية جامدة ، صاج جامد ، عيبها الوحيد إن سحبها كان وحش ،،،،

[foxman95]

شكرا كتير يا جماعة بس خلاص مش هجيب فورد دلوقتي

هجيب عربية ابهدل فيها الاول و اكون فهمت كل حاجة فى العالم دا و بعدين اشتري فورد ان شاء الله لو فيه نصيب

شكرا ليكو كلكو يا جماعة بجد

wkisho ولا يهمك يا مان انا عارف انك كنت مشغول ولا ما كنتش افادتني فى البداية اصلا .. شكرا يا صاحبي

خالص تحياتي

[a4_han]

معايا اسكورت 98 1300 وكنت خايف زيك من قطع الغيار بس قطع الغيار مش غاليه قوى العربيه مش قادر احكم عليها عشان ديه اول عربيه اركبها بس قطع الغيار والكلام انها مش موجوده مش صحيح بنسبه كبيره
انا غيرت بس باغه فانونس امامى وكانت عامله 75 جنيه ارجنتينى من الصرفى فى جسر السويس

[egytamer]

الاسكورت عربية جميلة وتحس انك راكب عربية غالية خامتها ممتازة ثباتها هايل وواسعة جدا بس طبعا قطع غيارها اغلي من الكوري بنفس سعر الياباني بس معمرة جدا

[a3reda]

اكبر غلطه انك قررت تغير الفورد الاسكورت


وعموما لو ركبت الفورد واتعودت عليه موش هتعرف تركب غيره


لان الفورد ثبات وقوه وشباكه

انا ركبت فورد اسكورت 6 سنوات ولما حبيت اغير ركبت فورد فوكاس


ومتصدقش ان قطع غيار الفورد غاليه

يكفى ان مفيش بالسوق قطع غبار صينى مضروبه زى باقى الموديلات

[aYaBooY]

خلاص يا جماعة الراجل قرر و ربنا يوفقة

[HADEDA]

رايح أشترى فورد اسكورت انهارده رجاء نصيحه

إن شاء الله هاخلص فى فورد اسكورت انهارده مو٩٩ فابريكه جوه عامله٥٠٠٠٠ وكشفت عليها كلو تمام محتاجه بطاحه يمين واربع جنوط على٢٨٠٠٠ لو في ملاحظه او نصيحه اى حد من الاعضاء الكرام حد يحب يقولهالى ياريت يقول أن متابع