المونديو 98و97و99

[ahmednszyada]

يا ريت يا باشا تقولنا عنوان العفشجى بتاع اكتوبر ولك 1000 شكر

[MohamedSotohy]

اسمه بوجي ومكانه جنب السوق في السادس(اسأل عليه والناس عرفاه هناك )
وقوله انا من طرف صاحب العربيه الفورد المونديو

[ahmednszyada]

يعنى عند السوق القديم ولا عند سوق الخضار اللى ممكن ادخله من شارع الاخبار ويار يت لو العفشجى ده عنده تليفون يبقى كده اسهل وشاكر لك جدا يا باشا

[MohamedSotohy]

اسف مقدرش اعلن تليفونه علشان ما يبقاش اعلان
علي العموم من بعد المرور خش يمين يبقي علي يمينك المطافي وبعدين شمال في اول يمين من جنب الحديقه يبقا صورها عل يمينك

[ahmedadam]

يا جماعه انا كان معايا مونديو هى عربيه ملهاش حل ممتازة جدا بس للى يقدرها و يخلى بالو من صياناتها يعنى محدش من المكانكيه الى بيفتو يبوطو العربيه بس انا عايز اقول ان المونديو عفشته ناشه دة طبيعى من الزيرو بس متاماسكه جدا يعنى بدون اصوات الاستاذ لللى بيقول غبر جلب دة كلام مش مظبوط اثبت فشله مجرد شهر او اثنين و هترجع تانى انا غيرت مقص لعربيتى لما عملت 140000كم فى التوكيل باكتوبر بحوالى 700 جنيه رجعت العربيه ذى الاول كما كانت يعنى المكانيكى اللى يفتى ربنا ياخدة لو مش عايزين تروحو التوكيل اكثر متخصص فى الفورد مونديو فى مصر كلها و هو واحد من اعمدة توكيل رجب اسمه قطب ورشته فى الظاهر و تيلفونه 0101468854 و بالتوفيق

[MohamedSotohy]

نفسي اعرف ايه السر في قطب ده
اولا ده مغالي جدا جدا جدا في المصنعيه
ثانيا كل الناس بتقول انه بيعمل مصلحه ديما في قطع الغيار وطبعا علي صاحب العربيه
ثالثا اما يقول ان علشان اغير تيل الفرامل لازم الجهاز( الأسكنر) مع العلم اني غيرت التيل بنفسي وزي الفل وبدون جهاز ولا ديولومع العلم اني بأفهم في الأسكنر
رابعا انا شخصيا لي تجربه معه وهوا اعتقد انه ما كنش شغال في التوكيل ولا حاجه وان خبرته جت بالممارسه ليس الا مع العلم انه افتي لي في عربيه كنت هاشتريه وقدر الشغل اللي فيها انه هايتكلف 7000+700 جنيه مصنعيه
واتسبب في ضياع العربيه مني
وللاسف طلع الشغل اللي فيها يتكلف حوالي 1200 جنيه ومصنعيه 150 جنيه
بعد كل ده لمازا هذا التحيز ل قطب ده
وبعدين لازم حضرتك اما تنصح حد في المنتدي تكون امين وتكون النصيحه لله وحده ومنزهه عن كل غايه وقصد
ارجو ان تراعو الله يا اخوتي لأن هنا في هذا المنتدي اناس ليس لهم خبره ويصدقون ما يقال لهم
شكرا

[ahmedadam]

حضرتك معاك الفورد من كام سنه و ماهى كميه المشاكل و الخبرة اللى حضرتك عشتها مع العربيه انا جبت العربيه زيرو من 1998 لسه بيعها يوم 16/06 يعنى عشت مع العربيه 12 سنه عارف كل صغيرة و كبيرة و لما اقول اى نصيحه فهى لوجه الله ليس الا و لكن حضرتك معاك مشكله مع اى شخص فهذا لا يكون مهم على الاطلاق لاى شخص فى النتدى انا لما كنت بتزنق كنت بروح لهذا الرجل اللى كنت اعرفه لما كان شغال فى رجب و هو بكل امانه متميز جدا ايضا لازم اقول اللى معا العربيه دى لازم يحترمها و ما يصترخص ابدا و شكرا

[MROMA]

يا بشمهندس
MohamedSotohy فين المعلومات الحلوة بتعتك يا ريت متحرمناش منك ومن

المعلومات الحلوة


وبراحة علينا شوية اصل احنا غلأبة

[aYaBooY]

استاذ محمد سطوحي مع كامل الاحترام لحضرتك موضوع ال 7000 و 700 انا عارف انهم من السهل انهم يبقي 1200 و 150 كلامك مظبوط بس قبل ما تقول ده قال كذا و ده قال كذا يا ريت تقول ده قالك تجيب قطع غيار منين و ده قالك منين
الراجل الي بيقول ان قطب كان شغال في التوكيل كلامة مظبوط و كونك تحت العربية على الاسكانر بعد تغير تيل الفرامل ده امر صحيح لاي عربية فيها اي بي اس و كونك غيرتة من غير اسكانر و محصلش حاجة ده مش معناه ان الي انت عملته صح
و لما تروح لواحد صنيعي و يصلح العيب الظاهر ده مش شطارة علشان الفورد عربية مبنية كل قطعة على غيرها يعني قبل ما يصلح يا ريت يحدد السبب الاساسي للعيب مش بس القطعة الي باظت في الاخر

[egytamer]

يا جماعة الخير موضوع اننا كلنا نجتمع ان الميكانيكي دة او دة كويس شيء مستحيل لان دي فالاول والاخر راحة نفسية اكتر منها مهارة لان العربيات الحديثة تكنولجيا بلنسبلنا طبعا المفروض كل التعامل معاها بالاجهزة فمدام الاجهزة دي مش موجودة بيبقي كلو بيحاول بالاجتهاد فمتتوقعوش ان في واحد هيعرف يصلح كل حاجة صعب اوي.
والله اعلم

[MohamedSotohy]

الاستاذ احمد وكمان الأستاذ ايبي
اولا انا هنا اي حاجه بكتبها لوجه الله واي معلومه با نشرها في نيل موتورز هي لوجه الله
وبعديين ياجماعه شوفو المنتديات في اوروبا وامريكا عامليين ايه
الناس هناك هما اللي بيعملو اغلب الصيانات في عربياتهم
طبعا عن علم وعن تجارب مؤخوزه من تجارب الأخريين
وانا شايف ان ده هوا دور المنتديات
اني اساعد الأعضاء بالمساعده الفنيه المؤخوزه عن خبره لتمكينهم علي الأقل من اصلاخ الأعطال الغير مركبه
وعلي العموم لو خد هنا زعل مني
خقه عليا وانا مقصدش اني ازعل حد
كلنا هنا اخوه

[MohamedSotohy]

المهم
انا بأشكر الأخ تامر لأنه بصراحه طلع واد جدع جدا
من 4 ايام روحت اغير ميه التبريد لقت الفني بيقولي ان فيه زيت في دوره التبريد(زي ما بيقولو بالبلدي طحينه)
وطبعا الفتاوي نزلت ترف اللي يقلي جوان وش سلندر واللي والليييييييييي
المهم طلع السبب وجود ثقب في ريداتير الفتيس الأتوماتيك
رحت ركبت واحد استيرادب750(حسبي الله ونعم الوكيل في بتوع قطع الغيار الأستيراد)
وهو دلوقتي تحت التجربه
وبصراحه تامر تعب معايا في اليوم ده قوي في اللف والتدوير ومرضيش يسبني لوحدي
جزاه الله عنا كل خير

[MohamedSotohy]

دي يا جماعه صفحه من موقع متخصص في المونديو
فيه كل شيء حتي الللي
Category:Mondeo Mk2 - FordWiki.co.uk
والصفحه مرتبه ابجدي (طبعا abcd)
يعني لو مثلا عاوز اعرف ايه معني الكود اللي بيظهر علي الأسكنر
وانا داخل بفيشه obd2
اروح لحرف ال o ثم obdII
obdII fault codes
علي فكره الصفحه دي من موقع جميل جدا للمونديو وفيها كمان اي تعديلات انتا عاوز تعملها في عربيتك(updating)
وحجات تانيه كتييييييير
ارجو ان يكون فيه افاده للجميع
واللي عاوز حاجه منه وموش عارف يطلعها انا ممكن اساعده

[egytamer]

المهم
انا بأشكر الأخ تامر لأنه بصراحه طلع واد جدع جدا
من 4 ايام روحت اغير ميه التبريد لقت الفني بيقولي ان فيه زيت في دوره التبريد(زي ما بيقولو بالبلدي طحينه)
وطبعا الفتاوي نزلت ترف اللي يقلي جوان وش سلندر واللي والليييييييييي
المهم طلع السبب وجود ثقب في ريداتير الفتيس الأتوماتيك
رحت ركبت واحد استيرادب750(حسبي الله ونعم الوكيل في بتوع قطع الغيار الأستيراد)
وهو دلوقتي تحت التجربه
وبصراحه تامر تعب معايا في اليوم ده قوي في اللف والتدوير ومرضيش يسبني لوحدي
جزاه الله عنا كل خير

جزاك الله خيرا عنا.
ومتقولش كدا دا واجب المفروض كلنا نساعد بعض من غير اي حاجة وانا تحت امرك وتحت امر اي حد محتاج مني حاجة

[mikology]

ماشاء الله - موضوع مميز - الواحد بيفرح لما يلاقى ناس عاوزه تفهم عربياتها كويس و هى اللى تقول للصنايعى ايه اللى فيها - بدل كل صنايعى تروحلو يقعد يفتى و السلام
ارجو من حضرتكم تفيدونى - انا قدامى عربيه مونديو موديل 1997 - عامله 250 الف كيلو و رشه نضافه من بره - الحاله العامه نضيفه
انا بصراحه لا افقه اى شئ عن الفورد خالص خالص
انا معايا دلوقتى عربيه لانشيا ديدرا - وحابب اغير العربيه بحاجة اعلى - فكرت فى المونديو عشان اللى جابلى الانشيا جابهالى نضيفه قوى وهو هو اللى جايبلى الفورد - ممكن تفيدونى بكل المعلومات الممكنه عن العربيه دى و اسعار قطع غيارها و الناس اللى بتشتغل فيها - وتكون قريبه من منطقتى حلوان و المعادى و مدينه نصر - وايه الاوبشنز اللى بينزل فيها و كام كاتيجورى بينزل منها و سعرها كام دلوقتى و ايه اللى ابص عليها واى معلومه انا ناسيها و تقدرو تفيدونى بيها - بخصوص العربيه اللى قدامى هى معروضه عليا ب 40 الف جنيه
وشكرا لسعه صدركم