السعر كدا قليل؟؟؟؟؟؟؟؟

[wkisho2005]

سلام عليكم ياجماعة
عربية فوكس 2003 لونها ابيض حالتها جيدة جميع الكماليات فابريكة رة وجوة س ممكن تحتاج وش نضافة
صاحبها طالب 45 الف مش السعر كدا قليل ولا انا بيتهيئلي؟؟؟ بس ردوا عليا بسرعة والنبي ياجماعة

[ahmad--ezzat]

.بس العربيه حالتها ايه؟؟؟؟؟؟؟؟ وعامله قد ايه...
واخبار التكييف وحاله الكاوتش والبطاريه والحجات دى؟

لو العربيه تمام يبقى السعر معقول

[wkisho2005]

.بس العربيه حالتها ايه؟؟؟؟؟؟؟؟ وعامله قد ايه...
واخبار التكييف وحاله الكاوتش والبطاريه والحجات دى؟

لو العربيه تمام يبقى السعر معقول

شكرا يااحمد باشا علي سرعة الرد
هو التكييف تمام بطارية وعفشة وكدا كويسة بس الكاوتش بصراحة مجاش في بالي ابص عليه او اعرف حالته ايه لان الكلام مكنش بجدية اوي (من ناحيتي انا) فمحبتش اقلب في العربية كتير الا لما اكون ناوي اخلص بجد
بس انت بتقول لو العربية تمام يبقي السعر معفول معني كدا ان العرية دي عموما في رينج السعر دا يعني؟؟لاني دخلت علي موقع لاقيت فوكس معروض بردو 2003 بس المطلوب كان رينج ستينات وكدا فانا تهت لان الفرق كبير اوي ومش عارف واحد بيكلم في 45 (ودي اللي شفتها علي الطبيعة )وعلي النت لاقيت ناس بتتكلم ف حاجة وستين طب مين الصح فيهم بئي؟؟؟؟؟

[ahmad--ezzat]

لا مفيش ستينات خالص.... الكلام دة من سنه او من 10 شهور...كله قل دلوقتى...مبقاش فى اسكورت ب 34 وب 35 ...الاسكورت دلوقتى ب 27 و 26 كمان
بس انت برضه مقلتش ماشيه قد ايه؟

http://carkom.com/ads/view/54778-used-car-for-sale-Ford-Focus-2003-in-Egypt.html

فوكس اهى ب 42 اللف

لو بصيت فى الوسيط هتلاقى الاسعار فى الرينج دة

بس حضرتك بلاش الموديل ده شكله وحش اوى الصراحه :(

[aYaBooY]

شكرا يااحمد باشا علي سرعة الرد
هو التكييف تمام بطارية وعفشة وكدا كويسة بس الكاوتش بصراحة مجاش في بالي ابص عليه او اعرف حالته ايه لان الكلام مكنش بجدية اوي (من ناحيتي انا) فمحبتش اقلب في العربية كتير الا لما اكون ناوي اخلص بجد
بس انت بتقول لو العربية تمام يبقي السعر معفول معني كدا ان العرية دي عموما في رينج السعر دا يعني؟؟لاني دخلت علي موقع لاقيت فوكس معروض بردو 2003 بس المطلوب كان رينج ستينات وكدا فانا تهت لان الفرق كبير اوي ومش عارف واحد بيكلم في 45 (ودي اللي شفتها علي الطبيعة )وعلي النت لاقيت ناس بتتكلم ف حاجة وستين طب مين الصح فيهم بئي؟؟؟؟؟

عادي جدا معظم العربيات الي ملهاش سوق بيكون صعب تحكم على سعرها
و طبعا اي واحد بيبيع عارف قيمة عربيتة و بيطلب رقم عالى و لكن نظرا للسوق الواقف بيفضل معاه العربية لحد ما توصل للسعر المنخفض بتاع السوق
بس انصحك لو انت ناوي تطور بالمرة العربية تيجي اتوماتيك
و برده متنساش اهم حاجة حالة العربية

[egytamer]

زي مقال لحضرتك الاخوة الافاضل العربيات دي بيبقي سعرها عايم فمينفعش تحددلها رنج سعر معين لان ممكن واحد عايز يبيع والعربية معاة ومش عارف يلاقي زبون بالسعر الي في دماغة فبينزل بالسعر علشان يختصر الوقت فحضرتك ركز في الحالة .

[LinuxMan]

انصحك ترفعها في التوكيل وتكشف عليها شامل - عفشه و ميكانيكا و كهرباء وسمكره وتحدد بالظبط هتفيدك ولا لا
بس رائي الشخصي ان السعر ده لقطه

باشا لو مش لازماك - ممكن تبصيهالي؟

[a3reda]

انا من 3 ايام انصعقت لما لقيت فوكاس 2003 ومطلوب 42 الف بس



والله واعلم


معرفش سبب تدهور السعر كده ليه؟

معقول عربيه كانت تباع سنه 2003 ب 152 الف تنزل فى سبع سنوات الى 42 الف؟؟؟؟؟

اشترى ياباشا واتكل على الله وغير طفم الكاوتش والبطاريه واعمل لها عفشه واركب الباشا الفوكس ببلاش

[wkisho2005]

والله يااستاذ a3reda انا زهلت زي حضرتك كدا بس تقريبا زي ماقال ayabooy و egytamer حالة السوق اللي بتفرض علي صاحب العرية يبيع بالسعر دا حتي لو هو متاكد ان عربيته تسوي اكتر من كدا بكتير في الول والاخر عرض وطلب والفورد مش مطلوب
وشكل دا اللي هيحصل معايا في الاسكورت وانا ببيعها

linuxman باشا العربية تحت امرك لاني لسة مبعتش اللي معايا فلسة ادامي شوية علي ما اشتري ان شاء الله بس هو صاحب العربية انا كنت قابلته صدفة مع واحد صاحبي (صاحب ةصاحبي يعني)فممكن تصبر عليا لما اكلملك صاحبي اعرف منه تفاصيل الراجل وطريقة الوصول ليه

وكمان في مشكلة صغيرة ان الكلام دا في طنطا فممكن يكون بعيد علي حضرتك يعني

[aYaBooY]

انا هحاول اكون جاهز لتغير الفيستا في خلال سنة و اتمني انها لو اعدت اكتر من كدة انها متوصلش لمرحلة اني ادخلها راس في راس في فيزبا
هههههههههههههههههههههههههه
اتوكل على الله يا عم وليد بس طبعا العربية يفضل ترفعها في التوكيل او عند حد بتاع فورد علشان يبقي عارف بيشوف فيها ايه

[wkisho2005]

انا هحاول اكون جاهز لتغير الفيستا في خلال سنة و اتمني انها لو اعدت اكتر من كدة انها متوصلش لمرحلة اني ادخلها راس في راس في فيزبا
هههههههههههههههههههههههههه
اتوكل على الله يا عم وليد بس طبعا العربية يفضل ترفعها في التوكيل او عند حد بتاع فورد علشان يبقي عارف بيشوف فيها ايه

ههههههههههههههههه هو فعلا المفرود كنت عرضت العرية للبيع من سنتين عشان اخلص فيها اليومين دول


بمناسبة التوكيل ياعم جوزيف كان ليا سؤال كدا ممكن يكون غريب شوية بس واقف في زوري بصراحة
دلوقتي بالنسبة للكشف في التوكيل طب ماهو بديهيا كدا هيطلع حاجات كتير في العربية علي اساس اني هاصلح عنده والتوكيل طبعا لو حاجة ممكن تكلم شوية هيقولك غير ولا هو بيبقي معروف انو كشف عشان بيع وشرا ومجرد اني عايز اطمن علي اساسيات وحالة العربية وبعدين الكشف دا بيبقي شمل كل حاجة؟يعني كهربة وميكانيكا وسمكرة وعفشة وكدا ؟؟
اصلي بصراحة حاسس اني لو كشفت علي اي عربية هشتريها في التوكيل هيطلع حاجات مش في الحسبان خصوصا ان لو عرية مستعملة اكيد عمرها ماهتبقي بيرفكت بنسبة مية في المية
حد فاهم حاجة؟؟اصلي حاسس اني تهت

[a3reda]

يا باشا انت بتروح التوكيل تقول لهم عايز اعمل فحص للسياره علشان هتشتريها

تطلب يفحصوا السياره على الكمبيوتر وكمان يتاكدوا انها موش عامله حوادث ويكشفوا على العفشه

هتدفع رسوم الكشف والف شكر وطبعا وانت رايح التوكيل هتكون بتجرب السياره بالطريق وهتشوف سحب العربيه ايه ونظام العدادات شغاله ولا لاء وكمان تشوف متوسط درجه الحراره وهتحس وانت سايقها ان كنت مرتاح لها ولا لاء

وربنا يوفقك لو فيها الخير لك

[ahmad--ezzat]

بس اكيد اكيد العربيه مش هيقلولك كويسه الا لو كانت عامله الصيانات عندهم

[a3reda]

لا اعتقد يا استاذ احمد نوبيرا

موش من مصلحتهم انهم بخفسوا فى سياراتهم وكمان هما هيقدموا له كشف بالطلبات ال محتاجاها العربيه وهتكون الطلبات بحوالى 5000 جنيه هههههههههه لانى سنه 2000 روحت توكيل رجب وكنت لسه مشترى الاسكورت الزيتك وطلبت منهم يفحصوا لى العربيه ده بعد ما اشتريتها لقيهم قالو لى العربيه كويس لكن محتاجه طقم طنابير ونيل فرامل وفلتر هوا وفلتر تكف وفلتز بنزين وطقم بوجيهات وتغير زيت الموتور وشويه حاجات تانى

سئلتهم عن السغر طلع حوالى 6250 جنيه هههههههه

قولت لهم لو سمحت غيروا لى الزيت وفلتر الزيت وطقم البوجيهات دفعت حوالى 400 جنيه وشكرتهم


وبعت العربيه سنه 2007 من غير ما اغير الطنابير ههههههههههههههههه ال كانوا عيزانى اغيرها

[aYaBooY]

معلم وليد
حضرتك اولا هاتجرب العربية تجربة كويسة و تقلب فيها كويس قوي قوي من ناحية ايه
اولا الصاج هي فبريكة و محتاجة وش نظافة كلام جميل طيب مع وش النظافة محتاجة سمكرة لو لا يبقي خير و بركة طيب لو اه يبقي تختطف رجلك لاي سمكري معرفة يبص كل شغلة سهل و لا فيه شغل في الاعصاب او في حتة فيها برومة او اي مشكلة في الصاج (طبعا ده كلام مبدئي ) خلصنا الصاج
الصالون المفروض العربيات ديه الصالون بتاعها عمرة طويل و بيحتمل المرمطة و البهدلة و ما بتاثرش غير لما يبقي الاستعمال زفت زفت المفروض يكون الصالون نظيف و فرش الفبريكة كويس و الطارة نظيفة مفيها تاكل و كرسي السواق مش واقع لتحت تقارن بين كرسي السواق و الكرسي الي جنبة و يفضل تكون العربية عاملة عدد كم قليل طيب خلصنا الصالون
الطابلوه يكون برده بحالة حلوة و ميكونش مكسر او مشقق
و بعدين تركب العربية و تمشي بيها و تشوفها في المشي ايه نظامها المفروض العربية ديه بالنسبالك تبقي ناعمة جدا و سحبها عالي شبة الماتريكس و تكون ماسكة نفسها لا بترج في السحب و لا بتحس بخبطة في المطب و لما تقف من الحركة للثبات مرة واحدة متسمعش اي اصوات خبط ولا حتى مكتوم
لو كل ده بالنسبالك كويس يبقي نتوكل على الله في التوكيل
التوكيل يكشفو ا و طبعا عايطلعلك ليستة طولها من 1.5 م لـ 3 م طلبات و حاجات عاوزة تتغير سيبك منهم متتخضش و لو سالت على التكاليف مش اقل من 5000 جندي اهم حاجة ميكونش الصاج او الشاسيه عاوز شغل او ميكونش اي من الحساسات عاوز تغير المفروض انها 2003 متلحقش و كبس الموتور ميقلش عن 80% ( ليه اول كلمة الناس بتفرح بيها ان الكبس 70% و ده تمام في حين ان ال70 % ديه زفت ، العربية الزيرو في الاجنس لو قسنا كبس موتورها يدي قراية 16 ملي بار على العداد و ديه في السوق بيتقال عليها 90% و اخر كبس الموتور بيطلعة بعد سنين قبل ما الميكانيكي يفك يعمر يعني و الموتور مفوت 13 ملي بار و لما تنسب الارقام ديه هاتلاقي الـ 13 بتساوي 72.5 % يبقي الي بيفرح بموتور 70 % في الباي باي و عموما ده حصل معايا مش بتريق على حد ) و الفيس لو اتوماتيك ميكونش محتاج تغير اي حساس برده
و العفشة تكون كويسة بقدر الامكان و فرد الكاوتش برده يبقي شكلها متناسب مع عدد الكيلومتر
و في التوكيل لو العربية فيها اير باجز ( airbags) تتاكد انهم شغالين مفتحوش او ملغيين او لمبتهم في التابلوه محروقة او ملغية ( علشان لو العربية ديه اتفتح فيها اير باج يبقي اخدت خبطة حلوة)
و لكن العربية عاوزة فلاتر و تيل و طنابير و عفاريت و عاوزين نغير زيت و الكلام الدوري ده تسيبك منهم و تقول متشكر خالص
و برده تبص على الازاز بتاع العربية يفضل يكون كله نوع واحد فيهوش نوع مختلف عن الباقي
بس و ربك يوفق