فين رابطة مالكي فورد

[ahmed_said_13]

[overline]فين رابطة مالكي فورد[/overline]

انا اللي اعرفه عنها اني اشتركت فيها بس ايه النتايج بتاعتها او هي قامت اصلا او لأ مش عارف طيب وصلنا لكام عضو او محتاجين كام عضو لاني مهتم بالموضوع ده جدا و عايز اللي عمل الفكرة دي يفيدني وصلنا لايه و لا اعضاء الرابطة تراجعوا عن الفكرة و لاقوها مستحيلة

[egytamer]

احنا كلنا معاك شوف خطوات تفعيل الرابطة وربنا يسهل

[aYaBooY]

رابطة مالكي فورد كانت فكرة اخوك من حوالي سنتين اول ما عرفت المنتدي هنا
و كان سباق بكتابة موضوع اول موافقة الي فيه الارقام و البيانات الاخ مصطفي msha قبل ما يبيع الفوكاس و ينتقل لقسم الكيا
الفكرة ان يكون فيه مجموعة من الناس بتهتم بمشاكل بعض و نقدر نجمع طلباتنا مع بعض و نشتريها و طبعا لو عملنا كدة كنا نقدر نجيب نسبة خصم كويسة على تمن قطعة الغيار الي هيا المشكلة الرئيسية لاي واحد راكب فورد بس
عملنا بعدها بفترة رحلة للحرفيين و تم الاعلان عنها قبلها بحوالي 3 اسابيع و اتصلت بكل الموجودين في الرابطة وقتها و كانوا حوالي 12 على ما اذكر و اتفقنا على الميعاد و كل واحد في التليفون قال جي و هانشتري و عاوزين حاجات وطبعا اخوك فرح كدة معانا اكتر من حاجة للشراء و هانعرف نفاصل في بتوع الاستيراد براحتنا بقي ساعة الجد جه 3 اخوك و المعلم تامر و واحد اسمه بيتر و واحد اسمه الاستاذ محمد و ده كان مع تامر مش من القسم و الحمد لله اشتريت انا فنوس امامي و بيتر فنوس خلفي ههههو اخدنا خصم 10 % عليهم
المهم اخوك لم يياس و بعد فترة كررنا التجربة بس طبعا متصلتش بحد زي المرة الاولي جه فعليا 3 برده اخوك و تامر ( حبيبي ) و اخو تامر و اتنين كمان كانوا جايين يتفرجوا و محدش يومها اشترى حاجة و من ساعتها اكتفيت اني اكتب مواضيع باسم الرابطة للنفع العام زي موضوع اهم مواضيع القسم و موضوع اسعار قطع الغيار و المصنعيات و الحمد لله