مشكله فى فورد فوكاس 2009

[zoms]

فى مشكله غريبه جدا جدا جدا العربيه عندى هتتجنن السنسورات بتضرب بطريقه غريبه وفى حاجه برضو بتحصل بكون ماشى على ال d ومثلا بدوس فرامل واقف ولما بجيب ال n بيكون حرف ال d لسه على شاشه الكومبيوتر والمشكله انها ساعات بتحصل وساعات لا وممكن لو بطلت العربيه و ال d لسه موجوده على الشاشه مع العلم انى ببقى جايبها على الp العربيه مبتدورش الا بعد فتره انا شاكك انه سنسور على الفتيس عايز يتغير

وبرضو فى حاجه تانيه لما بدوس كيك دون بسمع صوت هبده غريبه وبعد كدا العربيه تقوم مجمعه

وللأسف كل المشاكل دى ظهرت بعد ما روحت التوكيل عشان اغير سنسور على المحرك وفعلا التوكيل الى فى العبور كلهم هناك صغيريين ومفيش اى خبره فا هصلحها بره يا ريييييييت لو حد عنده اى معلومات عن المشاكل الى زى دى او حد كان قبله اى مشكله من المشكلتين دول يا ريت يقول كان الحل ايه او لو حد عنده فكره عن الموضوع دا يا ريت يسعدنى وشكرا ليكم

[احمد فهمى]

90 فى الميه مشط الأوتوماتيك ممكن يكون عايز تغبر او تنظيف هبعتلك على الخاص رقم واحد تكشف عندو

[rompo10]

العربيه طلعت من الضمان ولا لا

[a3reda]

انصحك انك تروح توكيل 6 اكتوبر ولو قريب من جسر السويس روح عند احمد فرج وبلغنا بالنتيجه ياريت

مع ان انا لو مكانك ارجع توكيل العبور واعمل لهم العشره بقرش مفيش هزار ده وقت ضايف وفلوس وتلاقى السينسور ال غيرته فوق الالف جنيه

[zoms]

90 فى الميه مشط الأوتوماتيك ممكن يكون عايز تغبر او تنظيف هبعتلك على الخاص رقم واحد تكشف عندو

ان شاء الله خير وربنا يسهل وشكرا لحضرتك كتير بس للأسف العنوان الى ادتهولى دا بعيد عليا جدا لانى باجى من ناحيه السلام ومشكور جدا جدا جدا جدا لمساعتدك على راسى وعلى عينى ويا رب نقدر نردهالك فى خير ان شاء الله

العربيه طلعت من الضمان ولا لا

اه طلعت من الضمان للأسف مش هعرف اتكلم معاهم كتير لان العربيه بره الضمان

انصحك انك تروح توكيل 6 اكتوبر ولو قريب من جسر السويس روح عند احمد فرج وبلغنا بالنتيجه ياريت

مع ان انا لو مكانك ارجع توكيل العبور واعمل لهم العشره بقرش مفيش هزار ده وقت ضايف وفلوس وتلاقى السينسور ال غيرته فوق الالف جنيه

للأسف بتوع التوكيل دول طلعو بيحورو كتير جدا انا مره كونت رايح اغير مرايه شمال قالى 1500 جنيه فا قولتله دا البلاستك بس الى عايز يتغير الموتورو المرايه سليمه هو الجزء الى بره قالى طب ثوانى وراح جبلى هيكل المرايه ب 720

لا هو سينسور على المحرك وكان عامل فى حدود ال 300 جنيه ربنا يسهل

انا فى ناس كتير بيقولو عن احمد فرج الى فى جسر السويس دا بس هل دا ليه فى الفوكاس ولا ايه ؟ انا شوفت تعليقات الناس الى بتشكر فيه وكلهم معاهم اسكورت

للاسف انا كونت بشتغل وبعمل صيانه العربيه كلها فى التوكيل بس فعلا ايقنت ان فى ناس بره التوكيل بتفهم اكتر منهم ... ومشكورين للمشاركه فى الموضوع

[aYaBooY]

عن نفسي منصحكش باحمد فرج في موضوع الفتيس لو مش بتحب قطب بتاع الضاهر ممكن تجرب رمضان بتاع الحرفيين بس لو فيه حد تعرفة بيشتغل فتيس كويس انصحك جرب غير الفلتر الداخلي بتاع الفتيس و غير زيت الاول و شوف و طبعا الزيت الجديد يكون موبيل او شل او لو العربية غالية عليك تجيبلها الزيت الاصلي بتاعها من التوكيل

[aYaBooY]

المهم تروح لواحد فاهم في فتيسات الفورد كويس و يفضل يكون عنده برنامج الفورد ( مش جهاز كشف اعطال )
ممكن تجرب اوتوماجد بس لو انت فاهم كويس في العربيات علشان ليهم اشتغالات حلوة و معندهمش تصليح تغير بس
و معلش هو اسم الحساس المطلوب تغيرة ايه

[zomin3r]

أتمنى أنك تكون لسه فاكرنى......توكيل أكتوبر زبااااله أما العبور فأنا لسه مجربتوش....لو نزلت أسكندريه روح التوكيل هناك و لو أحتجت نمرة حد هناك أنا تحت أمرك

[zoms]

عن نفسي منصحكش باحمد فرج في موضوع الفتيس لو مش بتحب قطب بتاع الضاهر ممكن تجرب رمضان بتاع الحرفيين بس لو فيه حد تعرفة بيشتغل فتيس كويس انصحك جرب غير الفلتر الداخلي بتاع الفتيس و غير زيت الاول و شوف و طبعا الزيت الجديد يكون موبيل او شل او لو العربية غالية عليك تجيبلها الزيت الاصلي بتاعها من التوكيل

ايابوى بيه واتمنى انى بقول الأسم صح .. انا مجربتش اى حد فى دول خالص فا معنديش خبره كويسه

المهم تروح لواحد فاهم في فتيسات الفورد كويس و يفضل يكون عنده برنامج الفورد ( مش جهاز كشف اعطال )
ممكن تجرب اوتوماجد بس لو انت فاهم كويس في العربيات علشان ليهم اشتغالات حلوة و معندهمش تصليح تغير بس
و معلش هو اسم الحساس المطلوب تغيرة ايه

هو حساس على الفتيس بس مش متذكر اسمه والى قالى اسمه مهندس سيارات صديق واوتو ماجد ليا واحد صحبى بيتعامل معاهم وقالى على كل الحوارات دى فعلا وبتوع اشتغلات مش تصليح تسلم يا ايابوى

أتمنى أنك تكون لسه فاكرنى......توكيل أكتوبر زبااااله أما العبور فأنا لسه مجربتوش....لو نزلت أسكندريه روح التوكيل هناك و لو أحتجت نمرة حد هناك أنا تحت أمرك

طبعا فكرك واتمنى ان تكون العربيه خلصت على خير العبور دول بقى ازبل من اكتوبر بمراحل ومفيش اى حد هناك خبره وكلهم صغيريين وهما سبب ان العربيه باظت ومش فاهمين شغلهم


الحكايه كلها ان كان ظهر انجين ملفنكشن و ترنزميشن ملفنكشن كذا مره فا العربيه دخلت فى السيف مود ومش بترضى تدور ولازم تخش تمسح الأعطال الى اتسجلت دى وقالى ان فى نظامين نظام الدى بى 1 و الدي بى 2 وهما الديجنوزس بروبلمز 1 والنظام دا فى العربيات لحد مو 98 ودا كان ممكن تشيل كبل البطريه يشيلك اى اعطال اتسجلت لاكن من بعد موديلات 2000 كل الأعطال بتتسجل فى ميمورى ولازم تخش على جهاز وبرنامج فورد عشان يقدر يفضى الميمورى دى والهبده الى حكيت عليها دى فى الفتيس ودا كلام مهندس السيارات صحبى وهو شغال فى توكيل جيلى وماسك ضمان العربيات البندا وهيسيب الشغل هناك على نهايه الأسبوع دا فا لو حد عايز منه اى حاجه بسرعه يقولى عشان الحق نخدمه

[zoms]

عن نفسي منصحكش باحمد فرج في موضوع الفتيس لو مش بتحب قطب بتاع الضاهر ممكن تجرب رمضان بتاع الحرفيين بس لو فيه حد تعرفة بيشتغل فتيس كويس انصحك جرب غير الفلتر الداخلي بتاع الفتيس و غير زيت الاول و شوف و طبعا الزيت الجديد يكون موبيل او شل او لو العربية غالية عليك تجيبلها الزيت الاصلي بتاعها من التوكيل

ان شاء الله ممكن اسال على رمضان دا بس يا ريت لو تعرف عنه حاجه تقولى بحيث مرحش على عمايا لانى مش من القاهره وشكرا يا عم جوزيف على ما اتذكر ان دا اسمك وربنا يديم المعروف

[zoms]

أتمنى أنك تكون لسه فاكرنى......توكيل أكتوبر زبااااله أما العبور فأنا لسه مجربتوش....لو نزلت أسكندريه روح التوكيل هناك و لو أحتجت نمرة حد هناك أنا تحت أمرك

شكرا لمسعدتك كتير ..انا ايه بس الى هيرمينى فى اسكندريه عشان اصلح العربيه انا من الشرقيه ما تيجى انت يا عم تنورنا ونعمل معاك احلى واجب

[aYaBooY]

الحكايه كلها ان كان ظهر انجين ملفنكشن و ترنزميشن ملفنكشن كذا مره فا العربيه دخلت فى السيف مود ومش بترضى تدور ولازم تخش تمسح الأعطال الى اتسجلت دى وقالى ان فى نظامين نظام الدى بى 1 و الدي بى 2 وهما الديجنوزس بروبلمز 1 والنظام دا فى العربيات لحد مو 98 ودا كان ممكن تشيل كبل البطريه يشيلك اى اعطال اتسجلت لاكن من بعد موديلات 2000 كل الأعطال بتتسجل فى ميمورى ولازم تخش على جهاز وبرنامج فورد عشان يقدر يفضى الميمورى دى والهبده الى حكيت عليها دى فى الفتيس ودا كلام مهندس السيارات صحبى وهو شغال فى توكيل جيلى وماسك ضمان العربيات البندا وهيسيب الشغل هناك على نهايه الأسبوع دا فا لو حد عايز منه اى حاجه بسرعه يقولى عشان الحق نخدمه

طيب انا طبعا مش فاهم اي كلمة من ديه بس بما انك محتاج برنامج فورد يبقي تروح لقطب سيبك من رمضان دلوقتي علشان رمضان فك و تركيب بس معندهوش اي برامج و خلي بالك فيه فرق كبير بين اجهزة كشف الاعطال و برنامج ids المتخصص لمنتجات شركة فورد
و اعتقد البرنامج ده موجود عند اوتو ماجد و تكنوبوش بس انا منصحكش بيهم
و على فكرة الاسم صح

[zoms]

طيب انا طبعا مش فاهم اي كلمة من ديه بس بما انك محتاج برنامج فورد يبقي تروح لقطب سيبك من رمضان دلوقتي علشان رمضان فك و تركيب بس معندهوش اي برامج و خلي بالك فيه فرق كبير بين اجهزة كشف الاعطال و برنامج ids المتخصص لمنتجات شركة فورد
و اعتقد البرنامج ده موجود عند اوتو ماجد و تكنوبوش بس انا منصحكش بيهم
و على فكرة الاسم صح

شكرا كتير يا جوزيف بيه لمساعدتك ويا رب نعرف نردهالك

[aYaBooY]

شكرا كتير يا جوزيف بيه لمساعدتك ويا رب نعرف نردهالك

لا شكر على واجب يا باشا و ربنا يسهلك بحل المشكلة

[amooor22]

روح تكنو بوش او اتو ماجد واكشف عندهم بالجهاز فقط واعرف المشكله فين على فكره كشف الجهاز مش هيكلفك كتير بالكتير اوي 100 جندي