الفورد الفوكاس

[إسلام شاهين]

حد يا جماعه عنده فكرة عن العربية ديه ؟ وإيه هيه كملياتها وأسعارها ؟ وصيانتها أخبارها إيه ؟ وعامله كام زيرو ؟

[Abonora]

فورد فوكاس

فورد فوكاس هي اشهر موديلات شركة فورد الامريكية في فئة الكومباكت ولعلها من اهم اسباب نجاحها (حاليا شركة فورد تحتل المركز التالث علي العالم )

بخصوص موديل 2007

طول 4.34 عرض 1.84 ارتفاع 1.45 متر
قاعده عجلات 2.64

محركها الاصلي 2000 سي سي Duratec وهو من اعلي المحركات تقنيا ومعالج بيئياً وفقا لاقصي مقايس الحفاظ علي البيئة تشددا اما المحرك المتوفر في مصر فمعرفش عنه حاجة غير انه 1600 4 اسطوانات سعة 1600 سي سي يخرج قوه قدرها 119 حصام وعزم قدره 155 نيوتن

ناقل الحركة ( مانيوال او ستيب ترونيك )

نظام التعليق مكون من قوائم ماكفرسون المستقلة مع عمود مانع للانحناء او الميل علي العجلات الامامية ايضا العجلات الخلفية مذوده بعمود لمنع الانحناء
في الحقيقة انا مسوقتهاش بس سامع عن ثباتها انه ممتاز

افضل ما تميز به السيارة هو عوامل الامان فتجد انها مذوده بنظم ABS ABD ESP بالاضافة لقوه الهيكل المعروفه عن فورد بالاضافة لدعامات فولازية للابواب الجانبية وفي الامام والخلف بالاضافة للوسائد الهوائية

الكماليات ثرية نوعاً حيث يوجد فيها ساوند سيستم وتحكم كهربي في كل شيء زجاج ومرايا وكراسي الخ

الخلاصة ان الفورد فوكاس سيارة ممتازة وتستاهل تبقي عربية العمر خاصة من نشاط الوكيل في الترويج ليها وتوفير قطع غيارها باسعار معقولة وهو ما كنا نفتقده في الفورد

[ihab]

بقى فقط ان نقول انها يتم تجميعها بمصنع فورد فى اسبانيا

[Abonora]

وديه بعض مواقع فورد فوكاس

موقع فورد فوكاس

http://www.fordvehicles.com/cars/focus/

نادي مالكي الفورد فوكاس

http://www.ffoc.co.uk/

http://www.focaljet.com/

http://www.ford.com.au/servlet/ContentServer?pagename=DFY/AU

[PRO-DRIVE]

معلومة مشهورة اوى عن فورد ان كهربتها حساسة اوى فأذا ربنا وقفك فيها خلى بالك من اى شئ يتعلق بالكهرباء

[إسلام شاهين]

مع خالص شكري بس كان نفسي أعرف سعرها كام وهيه ولا اللانسر ؟

[umydreams]

العربيه دى تويوتا كامرى او اوريون يا مان

هما الاتنين شبه بعض جدا

[goofy301]

مع خالص شكري بس كان نفسي أعرف سعرها كام وهيه ولا اللانسر ؟

مفيش وجه للمقارنة خالص....!!!
فورد فوكاس طبعاً.......بدون نقاش ولاجدال

[hatem007]

مع خالص شكري بس كان نفسي أعرف سعرها كام وهيه ولا اللانسر ؟

الأسعار تتراوح بين 135000 و 165000 حسب الكماليات بس كل موديل وتمنه فيه والعربيه دى كل اساسياتها ألمانى والتجميع فى أسبانيا حتى الكاوتش ميشلان ألمانى وطبعا الموديل الاستيشن تجميع ألمانيا بالكامل. من تجربه شخصيه ثبات العربيه دى على سرعة 170 تتفوق على الكورولا على سرعه 130 وخصوصا فى الملفات.

[kemo0o]

العربية ممتازة ولكن صوتها عالي شوية وتحس انها خشنة
يعني لو كنت راكب ياباني ونزلت ركبتها هتحس بفرق

[محمد محمد]

بقى فقط ان نقول انها يتم تجميعها بمصنع فورد فى اسبانيا

العربية بتتصنع فى المانيا مش اسبانيا انا ركبت الأستيشن الجديدة منها مع واحد صاحب والدى وكان جايبها السنة اللى فاتت ب157الف بس هو باعها العربية جامدة جدا من جوة العداد اخره 240 التكييف بيشتغل كل ناحية لوحده كليما ترونيك وفيها تلاجة فى التابلوه المشغل بتاع الأسطوانات كان سونى وفيه بلوتوث للتليفون وفيها كمان تكييف للكنبة الورانية وسخانات للكراسي والدريكسيون بتاعها تقيل زى بقية العربيات الألمانى عشان الثبات العربية من برة كانت فاميه فابريكة بس تعب عشان يثبته على الرخصة عيب العربية انها واطية شوية بالذات الأستيشن

[abo samra]

الأسعار تتراوح بين 135000 و 165000 حسب الكماليات بس كل موديل وتمنه فيه والعربيه دى كل اساسياتها ألمانى والتجميع فى أسبانيا حتى الكاوتش ميشلان ألمانى وطبعا الموديل الاستيشن تجميع ألمانيا بالكامل. من تجربه شخصيه ثبات العربيه دى على سرعة 170 تتفوق على الكورولا على سرعه 130 وخصوصا فى الملفات.

كورولا موديل كام؟؟؟؟؟؟؟؟

[aYaBooY]

العربية بتتصنع فى المانيا مش اسبانيا انا ركبت الأستيشن الجديدة منها مع واحد صاحب والدى وكان جايبها السنة اللى فاتت ب157الف بس هو باعها العربية جامدة جدا من جوة العداد اخره 240 التكييف بيشتغل كل ناحية لوحده كليما ترونيك وفيها تلاجة فى التابلوه المشغل بتاع الأسطوانات كان سونى وفيه بلوتوث للتليفون وفيها كمان تكييف للكنبة الورانية وسخانات للكراسي والدريكسيون بتاعها تقيل زى بقية العربيات الألمانى عشان الثبات العربية من برة كانت فاميه فابريكة بس تعب عشان يثبته على الرخصة عيب العربية انها واطية شوية بالذات الأستيشن

التصنيع الماني او القطع و فيه قطع انجليزي و برتغالي و التجميع بالنسبة للبيجيلنا مصر اسباني و بلجيكي و فيه قليل تجميع الماني

كورولا موديل كام؟؟؟؟؟؟؟؟

اي عربية ياباني بتتغلب على الفورد او الاوروبي في النعومة و التسارع بس الاوروبي و الفورد بيتفوق و بجدارة في الثبات و الاتزان في السرعات العالية و ده عموما من غير ما نحدد موديل معين

[abo samra]

اي عربية ياباني بتتغلب على الفورد او الاوروبي في النعومة و التسارع بس الاوروبي و الفورد بيتفوق و بجدارة في الثبات و الاتزان في السرعات العالية و ده عموما من غير ما نحدد موديل معين

معاك بس الفرق لن يصل لدرجة ان الفوكاس على سرعة 170 اثبت من الكورولا على 130
هنا مبالغه واضحه جاد خصوصا ان اللى قال كدا فى موضوع اخر بيقول اقصى سرعه وصلها هى 170 كم والعربيتين نفس الفئه ونفس الوزن تقريبا ولكن نعومة عفشه الكورولا ممكن تخلى ثباتها اقل بفرق بسيط وهنا يجى دور السائق اللى يعرف اازاى يتحكم فى عربيتيه وازاى ياخد االملفات بزوايا معينه وبزكاء شديد
يعنى انا مثلا من حوالى اسبوعين كدا كنت بشد مع فيكترا لواحد صاحبى موديل 2000 وموتورها 2000 سى سى وكنت باخد الملفات افضل منه يعنى هو يجى ياخد الملف على 140 وانا باخد نفس الملف على 160 لان انا باخد الملف من على الواسع وبغير زويتى قبل وصولى للملف وتحريك عجلة القياده وتوجيها اثناء الملف بسيط
عكس صاحب الفيكترا اخد الملف من على الضيق فبيضطر يعدل فى مسار اخد العربيه للملف وهنا يواجه صعوبه كبيره فى السيطره على العربيه
اسف على الاطاله
وتقبل تحياتى

[aYaBooY]

يا سيدي طول زي ما انت عاوز بس المقارنة الي انا كنت بتكلم عليها مدخلتش فيها حرفة الانسان علشان انا عارف انها بتفرق من واحد للتاني انا ليا واحد صحبي لو ركب سيات و انا مرسيدس انا واثق انه هايمسحني
بس انا بتكلم انك في العربيات الاسيوية مش كل واحد يقدر ياخد بيها غرز كتير و بسهولة مع السرعة زي العربيات الاوروبية
و عموما الفورد طول عمرها معروفة بالثبات الفائق و الامان الاعلى في كل فئة يعني عندك مثلا المونديو الجديدة اخدت اامن عربية حسب الاختبارات الاوروبية و الامريكية خمس سنين ورا بعض و انا معايا عربية صغيرة و فعلا بحس ان الثبات عندي افضل من عربيات تانية اعلي فئتا مني