ايه رأيكو في فورد فيستا 2011

[keeero2020]

يا جماعة عايز أعرف رأيكو في الفورد فيستا 2011 ؟؟ و ايه أخبار الموتور و التسارع و العفشة ، و لو حد جربها يا ريت يقوللى انطباعه عنها ،، و عايز أعرف هو في منها 1600 في مصر ؟؟

[meda2711]

العربية دى للاسف مش منتشرة خالص فى مصر عكس عربيات فورد تانية زى الفوكاس والمونديو واخدين حقهم فى الدعاية
بحس ان فورد هنا مش مهتمين بيها للاسف ولا عمرى شوفت ليها دعاية معمولة من الوكيل هنا

[keeero2020]

مع انها بجد عربية جميلة جدا و منتشرة في أوروبا و أمريكا بس كان المفروض التوكيل ينزلها 1600 زي برة كانت هتنتشر أوي هنا

[meda2711]

الفورد عامة عربية محترمة والفيستا خاصة عربية جميلة جدا ومش واخدة حقها فى مصر وطبعا العيب على الوكيل اللى مش عامل ليها اى دعاية ولا اى حاجة وجشع محلات قطع الغيار برضوا عاملة سمعة زى الزفت للفورد لانهم بيبعوا باسعار خرافية وفى بعض القطع والله والله ساعات بيبعوا بمكسب فوق ال 200 % من تمنها الاصلى وانا متأكد من اللى بقوله

والفيستا عربية حلوة طبعا بس عدم انتشارها ده يقلل من اسهمها فى السوق المصرى

[egytamer]

عربية جميلة وشبابية وشيك جدا بس التوكيل مطنشها علي الاخر فمبيعاتها تعبانة جدا للاسف معئنها في اوربا بيقولو عليها شعر.

[Eng_Moh.Dewair]

العربيه دى جيرمى كلاركسون كان فاضل شويه و يحلف بالطلاق انها احسن عربيه مينى هاتشباك اتعملت بس للاسف هى مش واخده حقها هنا فى مصر زى عربيات كتير محترمه جدا

[mohamedmmm2]

العربيه كويسه جدا بس للاسف سعرها مش مناسب على الاطلاق فى مصر لان بنفس التمن ممكن تجيب رينو فلوانس وبااقل حوالى 15000 ممكن تجيب فيات جراند بونتو فول اوبشن اوتوماتيك او حتى بااقل منها ممكن تجيب سيات ابيزا 1600 اوتوماتيك dsg يعنى من الاخر سعرها وحش جدا هى وال اوبل كورسا وال فولكس بولو رغم كفائتهم كلهم وشكلهم الجميل
ومقارنه مع العربيات اللى سبق و ذكرتها اللى فى نفس مستوى الجودة والكفائه فالتنافس شبه معدوم