عندى مشكلة فى حرارة أسكورت 1997 وعاوز حل

[theking_y]

أنا لسة نشترى فورد أسكورت موديل 1997 1600cc زيتك وأول ما أشتريتها لقيت الحرارة عالية وودتها لميكانيكى وقالى طلمبة المية وغيرتها وكانت فعلا مكسورة بس المشكلة أن لسة الحرارة عالية وأنا شيلت الثرموثتات الى بيسخن العربية الصبح
المهم ودتيها لكام ميكانيكى وكل واحد برأى مرة جيوان وش سلند ومرة ركب الثرموثتات تانى
فياريت لو حد يعرف حل للمشكلة دى
وياريت لو حد يعرف ميكانيى كويس وبيشتغل فى الفورد

[ewew]

السلام عليكم انا معايا فورد إسكورت و كان عندي نفس المشكله و خايف من اللي بتقول عليه رحت للميكانيكي بص على الطلمبه و وش السلندر لقاهم ممتازيين و طلع الترموستات بيشغل المروحه متاخر و ساعات مبيشتغلش غيرته ب 15 جنيه و الموضوع كله مخدش ربع ساعه و العربيه حراريتها مبتعدييش التلت دلوقتي قصدي يعني خلي حد بيفهم يشوف العربيه و انا في الخدمه

[Xpert]

.غيروا الردياتيرات و هاتوا واحد نحاس 3 ماسوره ... ممكن يكون هوه السبب ...

[ahmed hamdi]

السلام عليكم انا كان عندي فورد اسكورت نفس عربيتك واخدت النصيحه دي من مهندس في توكيل فورد ..... العربيه دي دايما مؤشر الحراره بتاعها تحت النص بشويه
بالنسبه لو هي فعلا بتسخن فلازم كل يوم الصبح قبل ما تدور العربيه تتاكد من نسبه المياه في القربه ولو ناقصه زودها وهي بارده من غير ما دور وتاكد بعد كده انك قفلت غطاه القربه كويس جدا لان الغطاه لو منفس هايسخنلك العربيه لان العربيه دي دائره مغلقه فبالتالي لو منفس او حالته مش كويسه هايسخن العربيه فاتكد من الغطاه ونصيحه مني لو العربيه سخنت متزودش مياه الا لما تبرد تماما

[theking_y]

ألف شكر يا أحمد وتقريبا ممكن يكون الغطاة فعلا لأن فى واحد قالى الكلام دة وعلى العموم أنا هشترى غطاة تانى وأريح نفسى