اماكن الصيانه ومحلات قطع الغيار

[aYaBooY]

عمر باشا كان فيه مداخلة من فترة مش مني خالص
بتحكي عن فورد اسكورت فضل رايح جي عليهم كذا مرة و كلفوه كتير بدون ما العيب يتعمل لحد ما بالصدفة واحد اكتشف انهم لما غيرم سير الكاتينة مظبطوش التقسيمة كويس
طبعا لو حصل عند اي صنيعي مش مشكلة بس مش مركذ
لما تكون عربيتي محتاجة ظبط تكيهات و يقولي الاخ الي بيكشف ان فيه صوت خشونة و كدة محتاج انه يفك البستم يشوف فيه ايه يبقي مركز ايه
اتمنى كل واحد معاه فورد يروح ليهم يسمع تشخيصهم بس

[sherif_atta]

السلام عليكم

اسمى شريف وانا عضو جديد وعندى فورد اسكورت 98
وساكن فى مدينة 6 اكتوبر لو حد يعرف ميكانيكى فورد كويس هناك يدلنى وشكرا

[a4_han]

حد يعرف عفشكى كويس عربيتى اسكورت 98 وفيها مشاكل فى العفشه ومش عايز اروح عند اى عفشكى خصوصا بعد ما كانت العربيه زى الفل وواحد صحبى قلى ركب علايات روحت مشوار ابن سبعين فى ستين فى الدويقه وقعد اطلع المقطم لحد ما لاقيت العفشكى ركب العلايات وبعدين بدات المشاكل.
تركب العربيه تسمع عزف لالات نفخ وتحس ان العربيه هتفك من بعدها وهتلاقى نفسك قاعد على الارض
تيجى تحود شمال تسمع تكته جميله قوى تك تك تك تك تك
المهم رحت راكنها تحت البيت ومقديها مواصلات لحد ما اتنفخت ومش عايز اروح عن اى عفشكى . ياريت تساعدونى اه العفشكى يكون قريب من مصر الجديده - الوايلى - عين شمس - حرفيين ماشى - يعنى فى المربع ده بتاع جسر السويس

[aYaBooY]

كل الصنيعيه الي هنا بيشتغلوا عفشة

[a4_han]

شكرا يا aYaBooY كده هروح لاحمد لانه قريب منى

[MohamedSotohy]

يا جماعه نصيحه لوجه الله لا تصدق احد يمدح في احد ولا عالطول بيشكر في احد
اعتقد ان المنتدي هنا فيه بعض الأعضاء مقضينها مصالح
والله اعلم
روحو بنفسكو واسئلو بنفسكو واتأكدو بنفسكو من ناس كان ليها تجارب مع البهوات الميكانيكيه
(( احسن حاجه تأكلك من طبقك هي ايدك))
حكمه صينيه اعتقد انها واضحه

[adhamabonada]

* * * * * * * *

[ahmed_said_13]

علي فكره احمد فرج اللي في جسر السويس دة اكتر من ممتاز انا اشتربت اسكورت 1300 سي سي من 8 شهور و هو فعلا هايل سواء في شغلة او معاملتة و امانته

[iDrive]

السلام عليكم
عايز أسأل عن عنوان حد بيفهم في الفورد فوكس ويكون قريب من الهرم أو فيصل

وشكرا مقدما :)

[aYaBooY]

المفروض ان اقرب واحد ليك اسمه وليد عنوانة و تليفونة في اول الموضوع بس معرفش عنه اي حاجة

[aYaBooY]

المفروض ان اقرب واحد ليك اسمه وليد عنوانة و تليفونة في اول الموضوع بس معرفش عنه اي حاجة

[pepo123]

مخالفة لقواعد المنتدى

ممنوع كتابة اللغة العربية بحروف لاتينيية

يرجى مراجعة قواعد المنتدى
________________
مشرف الساحة 4ا

[mudengineer]

هيكلفك 7.500 جنيه وموجود الان في شارع احمد ذكي بالمعادي المحل اسمه المعراج التليفون 0101578695

أي خدمه جمال اباراهيم

[zoms]

يا ترى احمد بتاع جسر السويس دا شغال فى الفوكاس برضو وبيفهم فيها ولا اسكورت بس لانى ملاحظ كل الى بيتكلمو عليه معاهم اسكورت

[mido51eg]

المراية اليمين للأسكورت بتاعتي اتكسرت والعربية واقفة ومتغطية. واحد ابن حلال ومحترم كسر بعض الأجزاء البلاستيك الخارجية بتاعتها معرفش ازاي ومشي ، جمعت بعض الأجزاء المكسورة من على الأرض ولزقتها بالسوبر جلو ماعدا جزء واحد مالقتهوش. شكل المراية مش عاجبني فعملت اتصالات بمحلات قطع الغيار الموجودة في اول الموضوع وكانت النتيجة كالآتي:

1- احمد وعمر ، المراية الأصلية بـ 375 جنيه نهائي على اساس انها كانت فوق الـ 600 جنيه حسب كلامه.
2- الخليل ، المراية الأصلية بـ 325 جنيه.
3- بدرسيان بعد ماقال انها موجودة رجع ونفى انها عنده تقريبا علشان مايدينيش سعرها في التليفون.
4- ابراهيم سليمان ، تايواني بـ 120 جنيه.
5- جمال ، تايواني بـ 115 جنيه.
6- الصيرفي ، تايواني بـ 110 جنيه.

طبعا الأصلية غالية جدا والتايواني مش عارف هتبقى حلوة ولا لأ واساسا مش عارف اللي راكبة عندي في العربية اصلية ولا لأ برضه. برجاء الأفادة.