المونديو بتسخن

[loaytotti]

السلام عليكوم

ياجماعة إحنا من بعد ما عملنا جوان وش السلندر و العربية بتسخن جااااااامد غير عادتها و لما تيجى تحت ميه و العربية سخنة (تبعان و هى ديرة)تلاقى الميه بترجع فى الإربة و وهي برده تلاقى الميه نقصه أووووووى مع العلم إن قبل ما نعمل جوان وش السلندر كان بيتحطلها ميه كل فين و فيين و بتبقى تزويد بس مش ملئ مع العلم برده إن العربية و إحنا جيين من السفر جوان وش السلندر باظ بسبب سخونية العربية بسبب إن كومبروسر التكييف أفش
فحد يعرف حل

[MAHERELTAHAWY]

راجع علي دوره التبريد وشوف لو في تسريب ولا حاجه لو مفيش ممكن يكون الجوان الي ركب مضروب ايه هاينقص الميه غير كدا وغسل الراداتير والسربنتينه في البنزينه سعات الموسير من برا بتكون مكتومه من التراب

[egytamer]

اعتقد ان اربة المية واخدا هوا فدا بيئثر علي انها تشتغل بكفائة وبيخلي المية تغلي في الاربة ومتبردشي ولا تبرد المتور من الاصل.
فك الخرطوم الي راجع من الاربة وزود مية لحد مالخرطوم ينزل مية ويخرج كل الهوا الي في دورة المية طبعا كل دا والعربية دايرة.
والله اعلم.

[aYaBooY]

اولا هانفرض انه عيب عادي
مطلوب التاكد من مواسير و خراطيم و كيعان دورة التبريد
طرمبة المياه تتاكد انها شغالة الريدياتير سالك و شغال كويس
لو كل ده سليم يبقي تشوف انت جبت الجوان الاصلي ولا لا
لو لا يبقي تجيب الجوان الاصلي
لو اه يبقي تروح لحد متخصص فورد يشوف الوش مظبوط ولا لا
غطاء القربة
التكيهات مظبوطة ولا لا
لو كل ده مجبش نتيجة يبقي تحط في الدورة منظف دورة او سولار و تشغل العربية شوية و بعد كدة تنزلة و تحط مياه خضراء
لو فضل نفس العيب يبقي محتاج تحل تاني و تشوف فيها ايه
و طبعا قبل الكل المروحة بتاعت الريدياتير بتشتغل بانتظام ولا ؟؟

[MohamedSotohy]

لو سمحت اوصفلي المشكله بصوره اوضح

[loaytotti]

أولا أحب أشكركم على إهتمامكم بالموضوع
ثانياً بالنسبة لإجابة أ.ذ ماهر فو إحنا عملنا فعلن مرجعه على دورة التبريد و بالنسبه للجوان هو إنجليزى
ثالثا لسؤال أ.ذ جوزيف على غطاء الإربه هو الغطاء لما العربيه بتسخن بيجيب ميه و بخار ميه هل هو ده السبب ولا لأ
رابعا بالنسبة لسؤال أ.ذ تامر هو إحنا بعد ما ركبنا الجوان فكينا الخرطوم بتاع الإربة لحد ما نزل ميه
فهيبقى الغطاء هو السبب صح
و شكراااا

[aYaBooY]

لو الغطاء بيجيب المياه والبخار و هو مربوط يبقي حضرتك تغير الغطاء ده و كل المشكلة ان شاء الله تتحل

[loaytotti]

أه هو بيجيب ميه و بخار لما العربيه بتسخن و هو مقفوول كويس كمان

[joha_sha]

دايما لو المونديو سخنت منك شغل التكييف لانها اوربي - الماني التكييف بيبرد الموتورر وجرب وقولي :d

[loaytotti]

حضرتك هو الكمبروسر أفش و هو السبب فى كل ده

[aYaBooY]

أه هو بيجيب ميه و بخار لما العربيه بتسخن و هو مقفوول كويس كمان

يبقي تجيب واحد جديد ( مش استيراد ) و كل المشاكل هاتخلص ان شاء الله

[loaytotti]

شكرااااااااااا ليك أ.ذ جوزيف لإهتمامك