في حد عايز يبيع مونديو ؟؟؟؟؟

[zakariaa]

السلام عليكم ، انا بدور علي عربية فورد منديو موديل 98- 2000 (1600 سي سي ) تكون بحالة جيدة جداااا ، و تكون مش ماشيا كتير ، لو في حد بيفكر يبيع بالمواصفات دي يا ريت يوؤول. شكرا

[MohamedSotohy]

؟
بص انا بفكر ابيع
بس كان فيه واحد عاوزها من فتره بس كانت الظرووف لا تسمح ها اكلمه الأول

[zakariaa]

بس واضح انك معاك جيا يعني 2000 سي سي و انا بدور علي 1600 سي سي :) ،
علي العموم يا ريت توؤلي العربية دي عاملة معاك اية ، و تنصحني بالمنديو ولا لا .
و هل وجود حساسات(sensors) كتير في العربية دي عيب ولا ميزة و هل ليهم مشاكل ؟؟؟ ، و هل هما غالين ؟؟؟
وهل المونديو عموما ليها مشاكل كتيرة؟؟؟ ، معلش حتعبك معايا :) .

[MohamedSotohy]

بص هيا عربيه بجد مالهاش حل وحكايه الحساسات دي
اي عربيه حقن موش كربراتير لازم يبقا فيها حساسات وعمرها ما كانت مشكله
وابسط حاجه اقولها لك ان العربييه دي موديل 97 ومع ذالك انا بجري بيها علي سرعه 180 ك م
وفرشها لسه بحالته مع انه موش مكسي ( برغم الاهلاك والعوامل الجويه )
وكمان ثبات رهييب
واستهلكها للبنزيين اقل ما يوصف لسياره 2000 cc واتوماتيك وفيها تكييف انه فوق الرائع
وعلي فكره انا والله ما بقولش الكلام ده علشان عاوز ابيع
البيع ده نصيب
علي فكره الاخ اللي قولتلك عليه معانا هنا في المنتدي وعرض عليا 45000 بس انا حصلت عندي ظرووف ومقدرتش ساعتها ان ابيعها
ودلوقتي بفكر
علي فكره عربيتي لا ادعي ولكن والله دي الحقيقه
انا مهتم جدا بيها

[zakariaa]

انا عرفت انك مهتم بيها من مشاراكاتاك علي المنتدي :) ، و انا عارف انك مش بتؤول كدا عشان تجملهالي لانك عارف اني بدور علي 1600 سي سي فانا عارف ان الكلام ده كله من واقع خبرتك. وانا متوقع انها تكون ملهاش حل لان انا كان معايا اسكورت و بجد دي عربية جمده جدااااااا مع انها 1300 سي سي( كانت المشكلة كلها بالنسبة ليا التكيييييف)، و دلوقتي انا بفكر في مونديو او اسكورت 1600 سي سي ، لو سمحت لو تعرف سعر الاسكورت يتراوح من كام و اخره كام ؟؟؟، شكرا

[MohamedSotohy]

والله انا ما ليش في الأسكورت خالص

[MohamedSotohy]

شوف الأخ جوزيف او تامر هما اكثر مني خبره في العربيه دي

[zakariaa]

لي العموم يا باشا شاكر ليك اهتمامك بالموضوع :)

[mido51eg]

الفورد المونديو الـ 1600 النضيفة تعمل كام فلوس ؟

[zakariaa]

المتوسط 43000 جنية

[sameh73eg]

انا معى منديو 1998 1600cc كامله منيول 4 زجاج كهرباء abs وطبعا سنتر وتكيف جامد جدا وعمله 79000 كيلو فعلى رشه بره فرش الفبريكه بدون كسوه حتى الابانوس بتاع التابلوه موجود وكست الفبريكه ولونها كحلى ميتلك وكمان جنوط الاصليه والحاله العامه لا تحتاج مصاريف وانا بفكر ابيعها علىشان قدامى مشروع سفر فا قلت اقلك

[hossam_abdallah]

انا معى منديو 1998 1600cc كامله منيول 4 زجاج كهرباء abs وطبعا سنتر وتكيف جامد جدا وعمله 79000 كيلو فعلى رشه بره فرش الفبريكه بدون كسوه حتى الابانوس بتاع التابلوه موجود وكست الفبريكه ولونها كحلى ميتلك وكمان جنوط الاصليه والحاله العامه لا تحتاج مصاريف وانا بفكر ابيعها علىشان قدامى مشروع سفر فا قلت اقلك

أخي العزيز أرسلتلك رسالة علي الخاص وشكرا

[zakariaa]

انا معى منديو 1998 1600cc كامله منيول 4 زجاج كهرباء abs وطبعا سنتر وتكيف جامد جدا وعمله 79000 كيلو فعلى رشه بره فرش الفبريكه بدون كسوه حتى الابانوس بتاع التابلوه موجود وكست الفبريكه ولونها كحلى ميتلك وكمان جنوط الاصليه والحاله العامه لا تحتاج مصاريف وانا بفكر ابيعها علىشان قدامى مشروع سفر فا قلت اقلك

معلش يا باشا انا كنت عيان جدا اليومين اللي فاتو دول ما كنتش حتي قادر افتح الانترنت ، يا ريت تبعتلي تليفونك عشان اكلمك، بس انا اول مرة اعرف ان ال 1600 سي سي فيها ابانوس ، ولا المعلومة دي غلط ؟؟ .

[sameh73eg]

معلش يا باشا انا كنت عيان جدا اليومين اللي فاتو دول ما كنتش حتي قادر افتح الانترنت ، يا ريت تبعتلي تليفونك عشان اكلمك، بس انا اول مرة اعرف ان ال 1600 سي سي فيها ابانوس ، ولا المعلومة دي غلط ؟؟ .

ايوه العربيه فيها بانوس وجنوط اصليه وايباج واي بي اس وعلى فكره استاز حسام بعتلى على الخاص وانا شرحتله ظروف بيع السياره وبصراحه انا افتكرته صاحب الموضوع على العموم حصل خير وانا كلمته على بيع العربيه بس انا لسه مبعتش العربيه

[hugan]

العربيه دي كانت نازله زيرو سنه 97
94000 جنيه ايام الرخص
كا نت هيا والا سكورت
والفيستا
الوكيل كان عامل دعايه جامده ليهم في السوق وعملوا مبيعات كويسه
كان اسمه رجب علي ما اظن وتقريبا كان معاه ديهاتسو
ماعرفش ايه اللي وقع سوق الفورد في مصر بالشكل ده