مطلوب اسكورت 1600 أو مونديو 1600 بالاسكندرية

[hossam_abdallah]

السلام عليكم
ياجماعة أنا عاوز فورد مونديو 1600 أو اسكورت 1600 موديل 97 او 98 من اسكندرية تكون بحالة نظيفة وانا جاد جدا في الشراء باذن الله
أنا بحب العربيات دي جدا ونفسي في واحدة تكون حلوة

[hossam_abdallah]

هو طلبي صعب اوي كدة ولا ايه؟

[aYaBooY]

ههههه
هيا عربية صعبة البيع
و صفة جديدة انها صعبة الشراء
هههههههه

[hossam_abdallah]

والله ياباشا أنا فعلا مش لاقي في اسكندرية خالص لدرجة قلت اغير الفكرة واجيب جالانت 92 1600 لاقيت 2 للبيع في اسكندرية اتصلت طلع ال 2 في المنصورة مش عارف ايه النحس ده بس الحمدلله علي كل شيء

[LinuxMan]

هو انت مينفعش تجيبها من القاهرة وتحول مرورها .. اعتقد الموضوع مش صعب .. لو ينفع انا كنت ماشي مره في جسر السويس لاقيت عربيه اسكورت كحلي مكتوب عليها للبيع .. العربيه شكلها رشه بره نضافه لان شكلها زيرو بس الراجل قالي مش رشه .. الله اعلم .. لو مهتم قولي وابعتلك الرقم

[hossam_abdallah]

الف شكر ليك ياباشا أنا أخيرااا لقيت مونديو 97 في اسكندرية هي العربية كويسة بس محتاجة شوية حاجات ( حساس سرعة - حساس حرارة - جلب مقص - شحن فريون - كسوة لأن الفرش مقطع في كرسي السائق - حتة بارومة جنب العجلة اليمين ورا) بس بصراحة العربية عجبتني جدا وصاحبها راجل مؤدب أوي هو بيتكلم في 35 بس فيهم شوية كلام يعني تخلص 33 او اكتر نص مش عارف ايه رأيكم ياجماعة؟
بكرة السمكري بتاعي حييجي يعاينها بس هو بيقولي اللي فيها ساهل عموما ربنا يستر وان شاء الله لو مليش فيها نصيب حاقولك تبعتلي رقم الراجل بتاع الاسكورت
تقبل تحياتي

[mohamed9999]

بس موش 35000 شويه ع العربيه دى ولا دا توبها ولا ايه