الموتور عايز عمرة

[GamGom]

السلام عليكم يا جماعة

أرجو الأفادة من أخوانى وأصدقائى ملاك الفورد انا معايا فورد اسكرت ليفت باك مو 99 موتور 1600 CVH وانا مقيم الان بحدة والعربية كنت سايبها للبيت يستخدموها

الموضوع: من شهرين أتصلو بيا واخبروتى أن العربية الموتور بيخبط جامد وفيها مشكلة المهم ودوها للميكانيكى البيشتغل فيها على طول وقال ان الكرنك بيخبط و لمبة الزيت منورة وكدة طبعاً عمرة يا اما تجيب موتور أستيراد, قالى حاول تستنى على دخول الشتا المهم انتظرت وفكرت وقلتلو لو كدة فك وشوف الموتور الاول ولو هينفع نعمر ويبقى تمام ولو مش هينفع نجيب موتور استيراد ,
ومن يومين بدأ وفك الموتور وطلع عمود الكرنك وقلى هيوديه لخراط فى الحرفيين يكشف عليه ويقولو هينفع ولا لأ وكتب طلبات العمرة علشان لو فى حالت انو هينفع يتخرط وتمام نجيب الطلبات ونبدأ فى العمرة
فكنت عايز اسمع رأيكم وأعرف أية الأفضل الى قولتلو عليه ده, ولا أتوكل على الله وأجيب موتور أستيراد وهل فى حد حصل معاه الموقف دا ولا أيه يفيدنا بخبرته فى الموضوع
أسف أنى طولت عليكم بس حكاية انى مسافر مخليانى متكتف ومش عارف أعمل أيه

[GamGom]

[tareksakr]

موتور استيراد نضيف احسن من العمرة العمرة تكلفتها كبيرة جدا ويا عالم هتطلع كويسة واللا لا

[mido51eg]

العمرة في مواتير الفورد تكلفتها عالية اوي نتيجة ان اسعار قطع غيار الميكانيكا مرتفعة جدا ، والنتيجة مش مضمونة. اتوكل على الله وهات موتور استيراد افضل وممكن تجيب الموتور بس بدون مارش ودينامو وكربراتير وفتيس هيبقى سعره ارخص.

[aYaBooY]

السلام عليكم يا جماعة

أرجو الأفادة من أخوانى وأصدقائى ملاك الفورد انا معايا فورد اسكرت ليفت باك مو 99 موتور 1600 cvh وانا مقيم الان بحدة والعربية كنت سايبها [gdwl]للبيت[/gdwl] يستخدموها

حضرتك كاتب ان البيت هما الي بيستخدموا العربية و انت مسافر طبعا ترجع بالسلامة
بس بما ان النقطة ديه موجودة يبقي انت مضطر تجيب موتور استيراد يعني انا شايف حتى لو الموضوع في موتورك بسيط انا برشح موتور استيراد
و ده علشان موضوع التليين و ما يحتاجة من خبرة و من حساسية في التعامل مع السيارة في بداية الخروج من العمرة
و طبعا نظرا لظروف الشارع المصرى عموما صعب جدا على اي سيدة انها تسوق و تراعي العربية في نفس الوقت
و على فكرة انا نفسي خفت اعمر

[egytamer]

انصحك حولها ل 1300 كربراتير او 1600 انجكشن لان متورك معتقدش هتلاقية اصلا استيراد

[GamGom]

جارى البحث على موتور 1600 أستيراد وربنا يوفقنى فى واحد حالته نضيفة وشكراً لكم على الردود وأن شاء الله هتابع معاكم واخبركم بالحصل معايا علشان الأفادة

[aYaBooY]

الله يعينك

[MohamedSotohy]

استيراد وريح دماغك بس المهم وانتا بتجيبو يكون معاك واحد بيفهم علشان كانت حالته كويسه هايريحك

[GamGom]

يا جماعة الخير الميكانيكى قلى هيفك ويبدأ يعمر لأنى بصراحة محدش فاضى يدور على موتور أستيراد والعربيه بقلها مده عنده وذلك لظروف سفرى فقلت لو الواحد كان موجود كان قدر يلف و يدور الأول كويس على بتوع الأستيراد
- وفى ناس نصحونى أن دا موتورك وانت عارف حالته كويس خليك فيه أصرف علية شوية بس أضمن,
المهم قلتلو خلاص أبدا وربنا يسهل وهو الواحد برضو يحاول يجيب أحسن حاجة وكلو جديد فيبقى ضامن
وبدأ الميكانيكى فيه وفتح الموتور وطلع الكرنك وبعتو لواحد فى الحرفيين وقلو هيتخرط على 020
وبيقولى كده كويس وطلب باقى حاجات العمرة وفى واحد زميلى هيجيبهالو
وأن شاء الله هحاول أجيبلوكم ايه الطلبات الى جابها والأسعار علشان الأفادة للكل وكمان هبلغكم بأخبار الموتور ايه وربنا يسهل أن شاء الله وتعدى على خير

[mido51eg]

ربنا يتم لك العمرة على خير ان شاء الله. لاحظ ان نجاح العمرة بيعتمد على عدة عوامل:
1- الخراط
2- قطع الغيار (اصلية ولا مضروبة)
3- الميكانيكي (شاطر في شغله وفي الفك والتركيب والتقفيل)
4- التليييييييين (وده مهم جدا جدا)
واخيرا في انتظار النتيجة واسعار قطع الغيار وهتجيبها منين

[aYaBooY]

الله يعينك على موضوع العمرة بس ممكن تتفق مع الميكانيكي انه هو المسؤول عن التليين و الطلعة الاولة بالعربية علشان ديه اصعب مرحلة
او تخلى حد من اصحابك او اقاربك يعمل الموضوع ده