العربية بتسخن

[m_magdy_rizk]

ارجو من أهل التجربة و الخبرة الإفادة في العربية فورد اسكورت 1.6 ztec موديل 1998 بتسخن كل ما ازود عن 80 كم ولما انزل سرعة بتبقى مضبوطة علماً بأنها مش ناقصة مية و المروحة شغالة و لسة مغير زيت و هي سحبها جميل وكل حاجة بس ايه حل مشكلة السخونة دي؟؟؟هو طبيعي إن لما ازود سرعة تسخن علماً بأن كان معايا هيونداي و دايو و عمر ما قابلتني مشكلة السخونة مع السرعة دي أبداً

[meda2711]

بتسخن ازاى ؟؟؟
هو الطبيعى بتاع الحرارة فى الفورد انها بتبقى بين ال m و ال a وانا اعتقد ان الاسكورت نفس نظام الفيستا فى عداد الحرارة

[m_magdy_rizk]

العداد بيكون على a ولو زودت عن 100 ممكن يوصل L انا مشتري العربية قريب وهى بتمشي على الغيار الاول و التاني و التالت حلوا اوي بس اول ما ابتدي ازود و رابع و خامس واعدي 80 السرعة بترفع مع ان كان في الهيونداي عمره ما بيزيد عن الربع مع ان كانت 1300 و بمشي بيها 120 . دي لو جبت 100 بترفع على a

[meda2711]

ممكن ترومستات الحرارة تكون بايظة

[abo_zied]

ممكن تكون ادى الاسباب التالية
1- الريادتير محتاج تنظيف
2- طلمبة المياة مفوتة على السرعة العلية مبتسحبش كويس
3- مساحة الريادتير المعرضة للهواء قليلة ( عائق زى النمرة او اي شئ يقلل المساحة المعرضة للتبريد )
المشكلة دى كانت عندى اسكورت 1300 غيرت الريادتير والاكصدام باستيراد بتوع 1600 و العربية ظبطت

[m_magdy_rizk]

هي الاكصدامات اللي فيها مفهاش حاجة غلط الحمد لله و النمر راكبة مكانها بس لسة معملتش دورة تنظيف الردياتير بس اعتقد ان لو الردياتير يبقى العربية هتفضل سخنة على طول مش مع السرعات العالية بس ولا إيه؟؟

[egytamer]

كان عندي نفس المشكلة بالظبط ورحت نضفت الردياتير لقيتة مسدود وعلية كمية تراب رهيبة ودلوقتي العربية اتظبتط وبقت تمام

[m_magdy_rizk]

هروح انضف الردياتير ان شاء الله ولو المشكلة اتحلت هبلغكوا شكراً للإفادة جميعاً