سحب المونديو بقي ضعيف

[joha_sha]

عربيتي بتعاني من فتره من انها مابقتش تسحب وبتاكل بنزين عملت الاتي

1- طقم سيرفيس
2- غيرت الايرماس
3- نضفت رشاشات الانجكشن التراسونيك

والنتيجه العربيه زي ماهي بطه وبتاكل بنزين

الغريب ان العربيه سعات سحبها يبقي عالي اوووي وساعات لا شويه مكانيكيه ومنهم بتوع فورد قالو غير طقم الدبرياج وشويه قالو لا ده زي الفل لسه تمشي بيه سنه

وانا مش عارف اعمل ايه بالذات انها ساعات تبقي كويسه جدا وساعات لا مش عارف دي ممكن تبقي طقم الدبرياج ولا لا

مع العلم ان الوصلات والبوجيهات تمام وكبس الموتور 85%

الموتور 1800cc بيعمل 160 كيلو ب 20 لتر هل ده استهلاكك زيي ؟؟؟؟؟؟؟؟؟؟؟


وكمان انا اساسا مش لاقي اسطوانه 1800 ولا حتي 2000


يلا عايزين افكاركو ومساعدتكم

زيارتك بس مش كفايه اكتب رد :d

[meda2711]

انا معايا فيستا وكانت بطة بلدى فى السحب نضفت بوابة و ايدلر ورشاشات وكان فيه خرطوم مقطوع " الخراطيم دى مهمة اوى اوى اوى" وشلت علبة البيئة

وبعد ما كانت بطة بلدى بقت 59 حصان :))

[MohamedSotohy]

بص شيك علي طرمبه البنزيين والفلتر والوصلات

[joha_sha]

شكرا علي ردودكم

انا نضفت الرشاشات بالتراسونيك عند مدحت بتاع المعادي ممكن يا Meda تقولي ياميدااا انت نضفت بوابة و ايدلر ورشاشات فين ونضفهالك ازاي وبكام

انا معنديش علبه بيئه انا اتاكدت من كده

استاذ ستوحي شكرا علي ردك

انا لسه مغير فلاتر وكشفت ع الوصلات وكله تمام

لكن طرمبه البنزين بصراحه لا اعلم عنها حااااجه - اعمل ايه وبيتكشف عليها ازاي - متهيقلي صعب تبقي هيا اللي متقله سحب العربيه

مستني بقيت افكاركم

[joha_sha]

وكمان لو حد يقدر يقولي اقدر الاقي فين اسطوانه ال 1800 او 2000 cc لاني مش لاقيهم ف حد