لخبراء فورد وبالذات( فوكس )

[koota]

يا جماعة الله يكرمكم أنا بفكر في الفوكس أنا معايا في حدود 80 بس ناس كتير عمالة تقولي فيها مشاكل وقطع الغيار بيقولو نااااار اعمل ايه وهل فعلا بيقولو بردو ان فكري جروب قلل الاسعار بتاعة قطع الغيار اوي
الله يكرمكم افيدوني انا دماغي هتفرقع
وجزاكم الله خيراً

[mido51eg]

يا جماعة الله يكرمكم أنا بفكر في الفوكس أنا معايا في حدود 80 بس ناس كتير عمالة تقولي فيها مشاكل وقطع الغيار بيقولو نااااار اعمل ايه وهل فعلا بيقولو بردو ان فكري جروب قلل الاسعار بتاعة قطع الغيار اوي
الله يكرمكم افيدوني انا دماغي هتفرقع
وجزاكم الله خيراً

طيب مسألتش ليه اللي بيقولك فيها مشاكل عن نوعية المشاكل دي؟! احنا في مصر خبراء سيارات واطباء ومهندسين وسياسيين ومحللين رياضيين وميكانيكية ونقاشين وكهربائية وبنفتي وخلاص. العربية دي ياأستاذي لو ربنا وفقك لواحدة نضيفة منها هتبقى فعلا ركبت عربية. قطع الغيار فعلا غالية انما غالية بالمقارنة بأيه؟ قطع غيارها ارخص من اللانسر والهوندا مثلا ، واغلى شوية من الهيونداي. حضرتك هتركب عربية الماني يبقى لازم تدفع علشان تنبسط . وفعلا فكري جروب قلل اسعار قطع الغيار لدرجة ان بعض القطع بقت بأسعار خارج التوكيل.

[koota]

الله يكرمك يا اخي علي المعلومات ديه بس 80 دول يجيبو حالة نضيفة ولا ايه ولو تكرمت تقولي مثلا ايه عيوبها معلش بتقل عليك اصل كل اللي دخلو قرأو ومحدش رد غير حضرتك :d

[dramir1]

دور على اوكتافياa4 بالسعر دا.....
بس اكشف عليها في التوكيل
ركوبتها افضل مع اعادة بيع اسهل

[koota]

الله يكرمك علي النصيحة يا اخي بس موديل سنة كام معلش هاتعبك معايا

[mido51eg]

الـ 80 الف اعتقد يجيبولك عربية ممتازة بإذن الله. بشرط الحالة النظيفة وطبعا هتاخدها وتكشف عليها في التوكيل علشان تاخد تقرير معتمد بحالة العربية. ده رابط لموقع كونتاكت كارز صفحة الفورد الفوكاس هتلاقي فيها حاجات كويسة.
ContactCars | السيارات المستعملة
وتابع اهرام السيارات يوم الجمعة ، فيه ناس بتبقى عارضة عربيات للبيع ، وغالبا اللي بيعرض عربية للبيع في الأهرام بيبقى واثق في عربيته وعارف ان حالتها كويسة بعكس الناس اللي بيعرضوا في مواقع مجانية وجريدة الوسيط بيبقوا غالبا تجار او عربياتهم مشمومة.

[dramir1]

الله يكرمك علي النصيحة يا اخي بس موديل سنة كام معلش هاتعبك معايا

في حدود 2006-2007
المهم الحاله وبتشتريها من مين.
زي ما الاخ الكريم قالك ممكن اعلانات الاهرام
وموقع كونتاكت ...بس اهم حاجه لا تستخسر فلوس الكشف عليها ...اولا جربها وشوف مشيها وادائها لو عجبتك وخلاص هتشتريها لازم تكشف عليها ...

[koota]

الله يجازيك خير علي المعلومات والاهتمام وربنا يقدم الخير ادعيلي

[koota]

في حدود 2006-2007
المهم الحاله وبتشتريها من مين.
زي ما الاخ الكريم قالك ممكن اعلانات الاهرام
وموقع كونتاكت ...بس اهم حاجه لا تستخسر فلوس الكشف عليها ...اولا جربها وشوف مشيها وادائها لو عجبتك وخلاص هتشتريها لازم تكشف عليها ...

الله يكرمك يا اخي الفاضل وفعلا هاشوف الموقع وافكر وربنا يقدم الخير واشكرك جدا

[dramir1]

ممكن حضرتك كمان تاخد رأي الاستاذ شريف استشاري تسعير السيارات في المنتدى:

http://www.nilemotors.net/Nile/249687-a.html

[koota]

ممكن حضرتك كمان تاخد رأي الاستاذ شريف استشاري تسعير السيارات في المنتدى:
http://www.nilemotors.net/nile/249687-a.html

جزاك الله خيرا ووفقك الله في كل شئ امين

[ehabadee]

الفوكس ممتازه ولايوجد بها اي عيوب انا معا 2006 حتي الان لايوجد بها اي مشكله وقطع الغيار مش غاليه بل ارخص من سيارات كثيره

[koota]

يا جماعة ممكن الناس اللي معاها فوكس 2007 او 2008 الشكل القديم يعرفونا بس امكانيات العربية بتفصيل شوية الله يكرمكم وأشوف ردود

[koota]

ايه يا جماعة مفيش حد معاه فوكس 2007 او 2008 يا جماعة ديه نصيحة لله انتو فييييين افيدوني افادكم الله

[mido51eg]

للأسف كان نفسي افيدك.. مستنى ردود اللي معاهم الفوكاس 2007 ، 2008 معاك.