مساعدة في شراء فوكاس 2011

[ahmedezar]

السلام عليكم

كل سنة وأنتم طيبين

الحقيقة كنت بطلب مساعدتكم في شراء فورد فوكاس 2011 أول فئة اللي عليها العرض ب 129900 ألف

فا كنت عايز أعرف أي معلومات عن العربية مميزاتها وعيوبها وأي حد يعرف حاجة عنها وعن توكيل عشان بقارن بينها وبين بدائل أخرى وأبقي متشكر ليكم جدا

[egytamer]

عربية ممتازة ثبات وكماليات وفخامة وخامات اكتر من ممتازة وفي عضو لسة جايبها ممكن حضرتك تكلمو وتستفسر منو.
والله الموفق

[ahmedezar]

عربية ممتازة ثبات وكماليات وفخامة وخامات اكتر من ممتازة وفي عضو لسة جايبها ممكن حضرتك تكلمو وتستفسر منو.
والله الموفق

ألف شكر مرورك أنا شفتها في المصرية بس طبعا الناس هناك في الضياع بسألهم عن المعلومات وكماليتها مش عارفين حاجة

حادور على إسم العضو ده واسأله إن شاء الله
وشكرا ليك مرة تانية

[Mohamed_Nafie]

على مااتذكر اول فئة كان اسمها "Trend" و أنا كنت جربتها مع واحد صاحبي وعربية بسم الله ماشاء الله .. حلوة جدا على سعرها ... وكمان كنت فاكر إن فيها 4 ايرباج ودي مش في أي عربية في مصر
بالسعر ده... بس حضرتك متأكد إنها بـ130 ألف ؟ عشان أنا كأنت بدور على عربية ولو هي بالسعر ده فعلا تبقى لقطة أوي... مشكلة العربية إنها تقيلها حبة فـالتسارع بتاعة بطيء شوية... مش أكتر..

[mody3on]

العربية كعربية جميلة .. بس كحاجات تانية زي قطع الغيار واعادة البيع والانتشار ضايعة

[ahmedezar]

على مااتذكر اول فئة كان اسمها "trend" و أنا كنت جربتها مع واحد صاحبي وعربية بسم الله ماشاء الله .. حلوة جدا على سعرها ... وكمان كنت فاكر إن فيها 4 ايرباج ودي مش في أي عربية في مصر
بالسعر ده... بس حضرتك متأكد إنها بـ130 ألف ؟ عشان أنا كأنت بدور على عربية ولو هي بالسعر ده فعلا تبقى لقطة أوي... مشكلة العربية إنها تقيلها حبة فـالتسارع بتاعة بطيء شوية... مش أكتر..

الحقيقة معنديش معلومات أكيدة عنها يا أ/محمد بس أنا شوفتها وقعدت فيها في المصرية المعادي وطبعا هي نازلة من 157 ألف ل 130 ألف ودة تخفيض عالمي لإن الشكل الجديد هينزل

وحتي التسارع البطئ الأوربي معظمة كده بشهادة ملاكه في مقابل ثبات وأمان ومميزات الأوربي المعروفة

العربية كعربية جميلة .. بس كحاجات تانية زي قطع الغيار واعادة البيع والانتشار ضايعة

موضوع قطع الغيار زي الأوربي معظمه غالي بس معمر وإعادة البيع كذلك في الأوربي في مقابل أمان ورفاهية لا تقارن بالعربيات الإستهلاكية واللي بيجيب الأوربي مبيفكرش يبيع قبل 10 سنين إلا لو في ظروف طارئة

[Mohamed_Nafie]

أنا شفتلك مواصفتها مع صاحبي. وده اللي الي عليه
1 - مرايات كهرباء وفيها الفلاشر .
2 - العجل مقاس 15 طاسة.
3 - 4 ايرباج
4 - 6 سماعات + س دي + راديو + AUX in
5 - تقنية ABS
6 - تكييف يدوي ..
7 - كرسي السائق 4 اتجاهات يدوي مش كربي للاسف..
8 - وكمبيوتر رحلات (TRIP)


و أكيد الحاجات التانية زي 4 زجاج كهرباء و بور ستيرينج

بالنسبة لبعض للمواصفات الفنية

العربية 1600 وبطلع 100 حصان @ 4200 لفه/الدقيقة
وفيها نظام ال"PowerShift" وده نظام ""Dual Clutch" زي نظام الستبترونيك كده بس في الفتيس بأزرار + و - مش بالحركة قدام وورا

أنا شايف إن السعر لا يقاوم... هانزل المصرية على طول بعد العيد إن شاء الله وكل سنة وإنت طيب :)

[ahmedezar]

أنا شفتلك مواصفتها مع صاحبي. وده اللي الي عليه
1 - مرايات كهرباء وفيها الفلاشر .
2 - العجل مقاس 15 طاسة.
3 - 4 ايرباج
4 - 6 سماعات + س دي + راديو + aux in
5 - تقنية abs
6 - تكييف يدوي ..
7 - كرسي السائق 4 اتجاهات يدوي مش كربي للاسف..
8 - وكمبيوتر رحلات (trip)


و أكيد الحاجات التانية زي 4 زجاج كهرباء و بور ستيرينج

بالنسبة لبعض للمواصفات الفنية

العربية 1600 وبطلع 100 حصان @ 4200 لفه/الدقيقة
وفيها نظام ال"powershift" وده نظام ""dual clutch" زي نظام الستبترونيك كده بس في الفتيس بأزرار + و - مش بالحركة قدام وورا

أنا شايف إن السعر لا يقاوم... هانزل المصرية على طول بعد العيد إن شاء الله وكل سنة وإنت طيب :)

يا باشا أنا مش عارف أشكرك إزاي علي تعبك وطبعا كماليا حلوة وسعر تحفة وربنا يوفقك كدة وقولي عملت إيه والأمور أخبارها إيه وكل سنة وأنت طيب وبخير

[dramir1]

للامانه انا العربيه دي كنت حاططها في دماغي جدا وبخاصه الفئه جيا ب 140 الف جنيه عشان مثبت السرعه وشوية كماليات زياده بس للاسف بعد ماجربت عربيه مستعمله موديل 2010 عامله 39 الف كم كرهت العربيه جدا بسبب
-الكرسي تعبلي ظهري( انا من العمالقه+طولي 181 سم)
-التسارع سيء جدا لدرجة اني معرفتش اطلع من اتوبيس كان بيكاسر عليا واضطريت اني اهدي واسيبه يعدي بخلاف الفلوينس مثلا لما جربتها تسارعها بطيء بس مش بدرجة الفوكاس....
....للامانه العربيه ثباتها وفراملها وعفشتها رائعين
وكمان قطع غيارها مش غاليه خالص يمكن ارخص من الهيونداي في حاجات كتيره .....ولكن العربيه دي كانت هتبقى فظيعه لو كانت 2000 سي سي
وممكن عشان الباب بتاع تانك البنزين مكتوب عليه 95 ولكن الراجل دا بيستعمل 92 .....

خلاصة الكلام: اعمل استخاره وحاول تشوف حد معاه العربيه دي وجربها منه يمكن اكون اخدت انطباع سيء عنها بسبب عربية الراجل دا وتكون الفوكس نفسها كويسه .ولو هتشتريها افضل اشتري الفئه جيا عشان مثبت السرعه والجنوط 16 والكاسيت السوني و.....
ربنا يوفقك لما فيه الخير

[Mohamed_Nafie]

هو فعلا مشكلتها التسارع بتاعها وحش عشان العربية تقيلة .. بس في ال PowerShift أكيد هيساعد لو هتشد مع حد ...

[ENG\AHMED]

للامانه انا العربيه دي كنت حاططها في دماغي جدا وبخاصه الفئه جيا ب 140 الف جنيه عشان مثبت السرعه وشوية كماليات زياده بس للاسف بعد ماجربت عربيه مستعمله موديل 2010 عامله 39 الف كم كرهت العربيه جدا بسبب
-الكرسي تعبلي ظهري( انا من العمالقه+طولي 181 سم)
-التسارع سيء جدا لدرجة اني معرفتش اطلع من اتوبيس كان بيكاسر عليا واضطريت اني اهدي واسيبه يعدي بخلاف الفلوينس مثلا لما جربتها تسارعها بطيء بس مش بدرجة الفوكاس....
....للامانه العربيه ثباتها وفراملها وعفشتها رائعين
وكمان قطع غيارها مش غاليه خالص يمكن ارخص من الهيونداي في حاجات كتيره .....ولكن العربيه دي كانت هتبقى فظيعه لو كانت 2000 سي سي
وممكن عشان الباب بتاع تانك البنزين مكتوب عليه 95 ولكن الراجل دا بيستعمل 92 .....

خلاصة الكلام: اعمل استخاره وحاول تشوف حد معاه العربيه دي وجربها منه يمكن اكون اخدت انطباع سيء عنها بسبب عربية الراجل دا وتكون الفوكس نفسها كويسه .ولو هتشتريها افضل اشتري الفئه جيا عشان مثبت السرعه والجنوط 16 والكاسيت السوني و.....
ربنا يوفقك لما فيه الخير

موضوع الكرسى دة هيختلف من شخص للتانى
بالنسبة للسحب هى العربية تقيلة بس مش ضايعة كمان نقطة تانية بالنسبة لل kick down ودة فى ناس مش بتاخد بالها منها ومعاها العربية دواسة البنزين فيها مرحلتين يعنى اظغط الدواسة على الاخر هتحس ان فى حاجة زى زرار الدواسة ضغطت علية وطبعا استجابة الموتور مختلفة

مضوع البنزين ممكن 92 بس من اى حتة من محطات مضمونة ونضيفة ولازم كل فترة لما تحس ان العربية تقلت تحط octane booster او تفولتين 95

[WalidAdel]

هو مافيش توكيل عامل تست درايف للعربيه دي الواحد يروح يجربها فيه ياشباب
اصل انا بردوا بفكر بس خايف من القاعده و العفشه اللي ممكن تطلع ناشفه او متعبه في السفر لان سفري كتير اوي اوي و ممكن ااقعد 5 ساعات سايق فمش عارف هل مريحه في قعدتها و كده ولا لأ

[omarmosalem]

التوكيل موفر تيست درايف للفوكاس والمونديو بس تقريبا بتتصل عليهم الأول ترتب معاد

[Mohamed_Nafie]

هو عامةً العربية خلصت خلاص من عند التوكيل وشكل الجديد نازل في آخر يناير 2012

سيدان

http://www.netcarshow.com/ford/2011-focus_sedan/

هتشباك

http://www.netcarshow.com/ford/2011-focus/

[ashraf2010]

يا اخ محمد اتكل على الله انا راكبها زيرو من اغسطس 2009
انـــــــــــــــــسى حاجة جميلة واى معلومة اتصل
اشرف
01002090471