استفسار - مونديو

[joha_sha]

1- العربيه بتاكل زيت بشكل رهيب وفجأه متلاقيش فيها زيت ولون العادم مش ابيض ومفيش تسريب زيت وبالمناسبه كبس الموتور 85 %

2- في صوت راك راك رااك راك اول ماتشتغل العربيه وبيروح بعد شويه

3- العربيه لما بتسخن بيبقي في رعشه ف طلعتها لكن لو كبست بنزين جامد ف الطلعه بتروح الرعشه

4- سحب العربيه ضعف بالذات لما بتظهر الرعشه

تفتكرو ايه سبب الحاجات دي وياتري سببها ايه هل نفس الحاجه ولا مالهمش علاقه ببعض وكل حاجه ليها سبب مختلف ؟؟؟

وشكراااا

[aYaBooY]

طيب فيه صحينة في في طبة الزيت او زيت عايم على وش مياه القربة او ريحة وحشة قوى من الشكمان؟؟

[joha_sha]

اكتشااف : في زيت بيطلع من الشكمان لما تكبس بنزين وشكلها كده شنبر الزيت بقي هوه السبب والرجرجه اللي ف الطلعه دي من الصبابات وبتنقط زيت ع الاسطوانه تخليها تفوت ساعات وتظبط ساعات وتعمل الرجرجه دي وبما ان المكنه بتاعتي مالهاش طقم شنابر علي ماسمع يعني يبقي انا حغير نص تحتاني

مستني اسمع كلامكو بقي ونصايحكو
وايه رايكو ف الكلام اللي بقولو ده

[aYaBooY]

ازاي فيه زيت بينزل من الشكمان و مفيش دخانة بيضة كانها عربية رش مبيد
لو وصلت لمرحلة ان الزيت بيطلع من الشكمان يبقي لازم العادم بيكون لونة ابيض او رمادي شوية
اولا اتاكد انه مفيش مشكلة في جوان الوش و اتاكد ان الوش نفسة مظبوط و ده عند فك الوش بيسكب عليه بنزين و تشوف محكوم ولا لا
و بعدين ازي يكون الزيت وصل للشكمان من خلال الشنبر و البوجيهات مش معرقة زيت
بعد ازنك دور العربية لحد ما تسخن و افتح طبة الزيت و شوف فيه دخنة ولا لا

[joha_sha]

مفيش دخنه بيضا او رمادي بتطلع من الشكمان بس لما تكبس بنزين وتحط صباعك ف الشكمان تلاقي زيت

الوش مش مظبوط لما تفكة وتحطة علي بلاطة تلاقيه مش لامسها من كل النواحي بس حتي لو الجوان تحته بيسرب مش يفضيها كل 3 اسابيع
انا كل 3 اسابيع لازم ازود الزيت كيلو ونص مثلا

[aYaBooY]

لا طبعا الوش عليه عامل كبير هنا
انت كدة بتتكلم عن وش موتور عاوز قشط و بالتالي الحوان مش مظبوط عليه يبقي طبيعي انك تلاقي الموتور معفرت

[MohamedSotohy]

لا طبعا الوش عليه عامل كبير هنا
انت كدة بتتكلم عن وش موتور عاوز قشط و بالتالي الحوان مش مظبوط عليه يبقي طبيعي انك تلاقي الموتور معفرت

كلام جو فيه احتماليه الصح كبيره
لان انا عندي كنت مره بفك البوجيهات علشان اشيك عليهم وانظفهم ولقيت واحد معرق زيت من الخارج موش من عند الالكترود رحت جايب جوان وش التكيهات من التوكيل وغيرته بنفسي
وظبط زي الفل
علي فكره قبلها كنت بشم رائحه حريق زيت وده طلع فعلا من تسريب الجوان

[joha_sha]

بس الجوان جايب من زاويه واحده بس مش حيوقع 2 كيلو ف 3 اسابيع
طب والزيت اللي بيجي من الشكمان ده يبقي ايه ؟؟؟ والشكمان كده تحس انه من جوه مفحم دي بواقي بنزين غير محترق ولا زيت ولا ايه ؟؟؟؟
والرعشه اللي ف الطلعه دي والسحب اللي بيقل ويظبط كل شويه ؟؟؟؟

[aYaBooY]

يا جماعة جوان غطاء التكيهات لو بيسرب بيفضي زيت العربية في فترة قليلة
ثانيا لو الشكمان بيجيب زيت ( لو فرضنا انه زيت مش مياه ) هايبقي فيه مع الزيت دخان ( علشان الشكمان جزء سخن جدا و لازم يحرق الزيت ) و صوت الرك راك ده ممكن يكون صوت الكستبان علشان طبعا مش بيكون شبعان زيت و العربية لسة دايرة
عندكم في المونديو او المواتير الزيتيك عموما فيه طريقة علشان تربط جوان غطاء التكيهات شبه طريقة ربط وش العربية
انصحك تظبط وش موتورك و هاتلاقي العربية زي الفل

[joha_sha]

اشتري وش استيراد ولا في حد بيعرف يظبط الوش الحالي و ف الحالتين هيبقي السعر كام وانهي الاحسن
وبالنسبه للرعشه اللي ف الطلعه تفتكر هيبقي ايه حلها ؟

[aYaBooY]

هو غالبا انت محتاج تحل الموتور و تراجع على طقم الاويلسيهات و تشوف حالة الاسطوانة و الديسك ايه
موضوع الوش برده لما يتحل و يروح للخراط يقدر يحدد تكلفة التصليح او تكون محتاج وش تاني
و برده انت محتاج حد بتاع فورد يشوف العربية و يقترح ايه التصليح

[joha_sha]

النهارده سئلت ع النص التحتاني لقيته ب 1500 انا قلت اقولكو بردو انا كده كده مش حغير قبل ماظبط وش الموتور واشوف النتيجه

[egytamer]

اعتقد والله اعلم انك هتضطر تغير المتور كلو بس هتغير الوش علي البلوك ( متورة اورمة) لان الخراطة للوش العلوي مشغل العمرة البلدي بتاع الفيات غالبا مبينفعش مع الفورد حاول تروح لميكانيكي فورد محترم يقولك الليلة كلها هتتكلف كام ويقترح عليك الحل المناسب وانتا هتختار العمرة ولا المتور لان علي كلام حضرتك كبس متورك بسم الله مشاء الله ممتاز فخسارة يتغير علي طول جرب الاول حل يحافظ علي المتور.
والله اعلم.

[joha_sha]

لقيت النص التحتاني للمكنه بتاعتي ب 1500 بس انا مش حغير دلوقتي قبل ماظبط الوش الاول بس قلت اقولكو

[a_ali]

انا اشتريت واحد من الوكاله ب1100 وزي الفل