انا حزين على عربيتى الفورد فوكاس 2005

[alnmr79]

السلام عليكم ورحمة الله
اولا احب اقول كلمة حق فى الفورد فوكاس الاوتوماتيك انها اجمل عربية انا سوقتها فى الفئة دى
قوة ماتور وسحب وعفشة وشكل خارجى وداخلى وخامات فةق ال100%
ولاكن عيبها الوحيد سوقها فى النازل وخسارة اعادة البيع كبيرة جدا واللى جاى يشترى بيفصص العربية وبيتنك كانة بيشترى عربية زيرو ملفوفة بسوليفان ويحط سعر فى الارض 40 الف 45 الف وكان العربية محدش هيشتريها غيرو فى البلد وانه العبيط الوحيد اللى هيشترى!11111111
طبعا احنا اللى عبط اللى نزلنا من سوق الفورد وخلينا اللانسر نفس الفئة بضعف سعرها واللى معاة عربية وعايز يبعها بيحط رجل على رجل.

[chicoo]

معاك كل الحق فى الكلام بتاعك بس انا عاوز اعرفك على حاجة بخصوص البيع والشراء المساله عرض وطلب

انت عاوز تبيع ففى كتييييير اوى عاوز يشترى مش واحد ولا اثنين اكتر من كده بكتيييييير انا عاوز تبيع وانت فى مكانك

وحاطط رجل على رجل تبيع الى انت عاوزه بالسعر الى انت عاوز طبعا من خلال السعر السوقى الى فى الفئه بتاعتها

والى عاوز يشترى اهلا وسهلا والى عاوز يفطس العربيه علشان يكسب من وراها فلا طبعا العربية دى مش للبيع

ومابين البايع والشارى بفتح الله لكن انك تدلل على العربيه يرخص العربيه ويضع سعرها فى الارض وتخليش التجار

يلعبوا بيك وخلوا نفسيتك فى الارض وطبعا علشان يكسبوا بطريقة تنرفز وانا شخصيا مرت على حاجات كتيره من النوع

ده.

على العموم ربنا يوفقك وشكرا لموضوعك

[mido51eg]

لصاحب الموضوع ، انا شايف ان العربية دي حرام تتباع من الأساس. يعني لما تفكر تبيعها يبقى اكيد المفروض هتركب حاجة احسن منها. ايه بأه اللي احسن منها؟ لو عربيتك مرتاح معاها زي مابتقول يبقى ماتبيعهاش واستمتع بيها. انا عربيتي فورد اسكورت وطبعا لاتقارن بالفوكاس ومع ذلك العربية دي حببتني في الماركة دي كلها وان شاء الله التغيير القادم هيكون لفورد فوكاس.

[Mohab.Nabil]

يا باشا انت حط سعر شايف انه مناسب بعيدا عن سعر السوق و برضه لازم تراعى انها مش مطلوبة اوى فى السوق فأنت حط سعر عادل ليها لقيت حد جيه و وافق على السعر ده اهلا و سهلا ملقيتش خليها معاك و فعلا حتى لو بعتها بسعر كويس نسبيا مش هتلاقى اى حاجة فى الفئة ديه تتقارن بيها و بالتوفيق ان شاء الله

[zakariaa]

اللي بيزعل بجد اللي اشترى الفورد زيرو و جه يبعها لاقها مجبتلوش زي اللي الحاجات التانية فاتحسر علي حظه ( زي ما حصلي انا ) ، اما اللي بيشتريها مستعمل مش فرقة معه قوي ، زي ما حيشترى تقريبا حيبيع بخسارة قليلة ، لو انت بتبيع يا ريت تقول المواصفات و السعر عشان انا بدور علي مونديو او فوكس بس يكونوا بيتي قوي قوي .