طلب ضروري من مالكي المونديو

[titoo_2121]

قدامي عربيه مونديو 98 - 1600 كامله مانيوال
ياريت مميزاتها وعيوبها من كل اللي جربها عشان مش عايز اتدبس
والاهم - عايز اخر اسعار لقطع غيارها لأني شوفت اسعار وهميه وخايف من الحكايه دي اوي
مستني ردودكم

[aYaBooY]

المونديو الـ 1600 نفس موتور الاسكورت 1600 زيتيك هو هو
نفس كل حاجة و ده بالنسبة للموتور بس الاختلاف في كباس التكييف
فيه اختلاف في اجزاء العفشة سواء امامي او خلفي و الجودة و طول عمر القطع لصالح المونديو و خصوصا ان الاسكورت بتهلك جلب مقصات كتير
اسعار الفوانيس اغلى من الاسكورت شوية بنسبة 25 % تقريبا
اسعار بقي و تفاصيل اكتر اصبر لما حد من ملاكها يبقي يقولك لكن في المجمل المونديو اجمل و احلى كتير من الاسكورت

[forzatotti]

اركب منديو ....مكنه وثبات وفكاك من عربيات اليومين دول

[titoo_2121]

اركب منديو ....مكنه وثبات وفكاك من عربيات اليومين دول

منا ناوي ان شاء الله اركب مونديو او اسكورت
انا عرفت عن الاسكورت حجات كتير بس المونديو معرفش عنها حاجه بالذات في قطع الغيار
ياريت اشوف شويه اسعار لقطع الغيار المهمه في المونديو - عشان الاسعار اللي شوفتها مبالغ فيها وبتاريخ قديم

[MohamedSotohy]

بص للامانه
اسعار قطع غيارها الاصليه تقريبا زي الكوري والياباني
انا بتكلم عن قطع اصليه من التوكيل
بس الفرق ان العمر الأفتراضي اكبر بكتيير
وكذلك اصبح هنالك بدائل كتيير
يعني فيه تركي وتيواني ووووو

[sameh73eg]

حرام عليك تقان المونديو بالاسكورت قطع غيار المونديو مش غليه زى مانت خايف
بس اكيد مش زى الكورى
خدبالك انها عربيه المانى فلو قارنتها بالالمانى او اليبانى هتلقيها رخيصه جدا
وخد بالك ان اسكورت مش المانى

[titoo_2121]

بص للامانه
اسعار قطع غيارها الاصليه تقريبا زي الكوري والياباني
انا بتكلم عن قطع اصليه من التوكيل
بس الفرق ان العمر الأفتراضي اكبر بكتيير
وكذلك اصبح هنالك بدائل كتيير
يعني فيه تركي وتيواني ووووو

حرام عليك تقان المونديو بالاسكورت قطع غيار المونديو مش غليه زى مانت خايف
بس اكيد مش زى الكورى
خدبالك انها عربيه المانى فلو قارنتها بالالمانى او اليبانى هتلقيها رخيصه جدا
وخد بالك ان اسكورت مش المانى

تمام والف شكر عالاهتمام
انا مقتنع بيها كعربيه وان شاء الله قريب اشتري مونديو

[titoo_2121]

متابع ..,,
ياريت يا جماعه لو اي اسعار لقطع الغيار

[a_ali]

المرايا الجنب ١٤٠ الاكصدام الامامي والخلفي ٢٥٠ للواحد
فلتر الهوا ٦٠
وش السلندر كامل استيراد ١١٠٠

[mazdaprotege]

اخى الفاضل
انقل اليك تجربتى الشخصيه
كنت من ملاك المونديو جيا 2000 سى سى اوتوماتيك و كراسى كهرباء و سخانات كراسى و تكييف اوتو و كل حاجه نفسك فيها
عربيه وهميه من حيث الاتساع و الارتفاع عن الارض و القوه و الثبات على السرعات العاليه
و لكن
عيبها الوحيد فى الحراره بمعنى ان العربيه ممكن تسخن منك و العداد بتاع الحراره كداب بمعنى ان تلاقيه نزل كانها بارده و حدث معى ذلك مره واحده فقط و عندها اتخذت قرار البيع لانى كنت مسافر و مشغل التكييف و طبعا قافل الزجاج و معزووول تماما عن اللى بره بس عينى على عداد الحراره و باقى العدادات كعادتى و طبعا العربيه دى لما تشغل التكييف بتبرد شويه بس مش كتير و عند ملف على الطريق رفعت رجلى عن البنزين و باهدى لقيت العربيه بطلت فرحت راكن و نزلت بصيت لقيت خرطوم مياه ضرب و فضيت المياه تماما من العربيه فى حين ان موشر الحراره ما زادش خالص خالص خالص
و هنا رفعتها على ونش و روحت مركز صيانه غيرت الخرطوم و مليت المياه و دورت و لكن المفاجاه ان العربيه جابت وش سلندر و غيرت الجوان و كله بقى تمام
نييجى للنقطه الجوهريه التى لم استوعبها و هى ازاى الموشر ما يقولش ان العربيه سخنت؟
و كانت الاجابه الصادمه هى انها كده نتسجة سوء تصميم يتلخص فى ان حساس الحراره راكب على كوعه المياه و هى مصنوعه من الفبر و عند تفريغها من المياه بالتالى يقرا العداد ان العربيه بارده و بكده تقلق منها لو بردت طيب ازاى افرق بين برودتها مع التكييف و لا برودة عدم وجود مياه فبالتالى لازم تتابع المياه كل مشوار و اثناء المشوار و حتى و انت نايم
و قد تلافى المصنع هذا العيب الخبيث الغبى فى موديلات ما بعد سنة 2000 حيث تم وضع الحساس على بلوك وش السلندر و بالتالى يعطى قراءه دقيقه عن طبيعة حرارة الموتور
بالنسبه لى ده عيب تصميم فى موديلات 97 و 98 و هى المنتشره فى مصر و طبعا غير مقبول بالنسبه لى و يجيبلى هسهس
بالاضافه الى عدم كفاءه الفتيس الاوتو حسب ما سمعت بييجى له وقت لازم يتغير زى بتاع الفيكترا بس الحمد لله بعتها و فتيسها كا كويس بس نقطه زى دى زودت قلقى منها
اخيرا لازم تغير كوعة المياه و حساس الحراره و خراطيم المياه بصفه دوريه حتى لو ما كنش فيهم عيب لان غلطتهم بوش سلندر على طووووول و طبعا اسعارهم غاليه جدا بمقارنتهم بسيارات اخرى يابانى او حتى امريكانى فغلى سبيل المثال و حسب ما اتذكر ان كوعة المياه 600 ج و خرطوم مياه عمومى كان 450 ج و حساس الحراره 300 ج و دى اسعار واحد مشهور اوى اوى فى شارع دمشق و لا ينصح باى قطعة غيار غير اصليه و كمان طقم الكاتينه سير و طقم بلى كاتينه و سير اداره كان ممكن يوصل 1600 ج
و طبعا الحاجات دى لازم تتغير على عداد الكيلو متر مش حسب حالتهم
فهى عربيه تحتاج من هو قادر على مصاريفها و كمان ايده لازم تبقى فيها علطول حتى لو ما كانش فيه عيب بيشتكى منه
و الله الموفق و ارجو ان اكون وضحت تجربتى بحياديه تامه

[koshary]

بصراحة المونديو عربيه يعتمد عليها ثبات وراحه وعمر اطول لقطع الغيار بجد عربيه رائعه بس عيبها الحراره

[titoo_2121]

اخى الفاضل
انقل اليك تجربتى الشخصيه
كنت من ملاك المونديو جيا 2000 سى سى اوتوماتيك و كراسى كهرباء و سخانات كراسى و تكييف اوتو و كل حاجه نفسك فيها
عربيه وهميه من حيث الاتساع و الارتفاع عن الارض و القوه و الثبات على السرعات العاليه
و لكن
عيبها الوحيد فى الحراره بمعنى ان العربيه ممكن تسخن منك و العداد بتاع الحراره كداب بمعنى ان تلاقيه نزل كانها بارده و حدث معى ذلك مره واحده فقط و عندها اتخذت قرار البيع لانى كنت مسافر و مشغل التكييف و طبعا قافل الزجاج و معزووول تماما عن اللى بره بس عينى على عداد الحراره و باقى العدادات كعادتى و طبعا العربيه دى لما تشغل التكييف بتبرد شويه بس مش كتير و عند ملف على الطريق رفعت رجلى عن البنزين و باهدى لقيت العربيه بطلت فرحت راكن و نزلت بصيت لقيت خرطوم مياه ضرب و فضيت المياه تماما من العربيه فى حين ان موشر الحراره ما زادش خالص خالص خالص
و هنا رفعتها على ونش و روحت مركز صيانه غيرت الخرطوم و مليت المياه و دورت و لكن المفاجاه ان العربيه جابت وش سلندر و غيرت الجوان و كله بقى تمام
نييجى للنقطه الجوهريه التى لم استوعبها و هى ازاى الموشر ما يقولش ان العربيه سخنت؟
و كانت الاجابه الصادمه هى انها كده نتسجة سوء تصميم يتلخص فى ان حساس الحراره راكب على كوعه المياه و هى مصنوعه من الفبر و عند تفريغها من المياه بالتالى يقرا العداد ان العربيه بارده و بكده تقلق منها لو بردت طيب ازاى افرق بين برودتها مع التكييف و لا برودة عدم وجود مياه فبالتالى لازم تتابع المياه كل مشوار و اثناء المشوار و حتى و انت نايم
و قد تلافى المصنع هذا العيب الخبيث الغبى فى موديلات ما بعد سنة 2000 حيث تم وضع الحساس على بلوك وش السلندر و بالتالى يعطى قراءه دقيقه عن طبيعة حرارة الموتور
بالنسبه لى ده عيب تصميم فى موديلات 97 و 98 و هى المنتشره فى مصر و طبعا غير مقبول بالنسبه لى و يجيبلى هسهس
بالاضافه الى عدم كفاءه الفتيس الاوتو حسب ما سمعت بييجى له وقت لازم يتغير زى بتاع الفيكترا بس الحمد لله بعتها و فتيسها كا كويس بس نقطه زى دى زودت قلقى منها
اخيرا لازم تغير كوعة المياه و حساس الحراره و خراطيم المياه بصفه دوريه حتى لو ما كنش فيهم عيب لان غلطتهم بوش سلندر على طووووول و طبعا اسعارهم غاليه جدا بمقارنتهم بسيارات اخرى يابانى او حتى امريكانى فغلى سبيل المثال و حسب ما اتذكر ان كوعة المياه 600 ج و خرطوم مياه عمومى كان 450 ج و حساس الحراره 300 ج و دى اسعار واحد مشهور اوى اوى فى شارع دمشق و لا ينصح باى قطعة غيار غير اصليه و كمان طقم الكاتينه سير و طقم بلى كاتينه و سير اداره كان ممكن يوصل 1600 ج
و طبعا الحاجات دى لازم تتغير على عداد الكيلو متر مش حسب حالتهم
فهى عربيه تحتاج من هو قادر على مصاريفها و كمان ايده لازم تبقى فيها علطول حتى لو ما كانش فيه عيب بيشتكى منه
و الله الموفق و ارجو ان اكون وضحت تجربتى بحياديه تامه

شكرا جدا جدا عالمعلومات المهمه دي
بس موضوع الحساس ده ملوش اي علاج بحيث يتعدل ويبقى زي باقي البني ادمين ؟؟
كده كده العربيه معايا مش بتتهان يعني ممكن مشوار كل يوم 50 كيلو وممكن كل شهر مشوار 120 كيلو - غير كده استعمال داخل المدينه عالهادي كده

[titoo_2121]

بصراحة المونديو عربيه يعتمد عليها ثبات وراحه وعمر اطول لقطع الغيار بجد عربيه رائعه بس عيبها الحراره

ايه الحكايه ؟
كان معايا اكسيل نفس لون عربيتك كده وبدور على مونديو
يا ترى غيرت من هيونداي لفورد ليه ؟؟؟؟