افيدونى فوكاس 2012

[abogharib]

بالنسبه لرأيي انا اقولك و انت مغمض فورد فوكاس
لان النيسان تجميع مصرى
و التويوتا تجميع جنوب افريقى يعنى الاتنين فى الباي باي
انما الفوكاس لسه حافظه مكانتها و سعر اعاده البيع بتاعها عالى
السيارة ثبات ملهوش حل
موتور قوى جدا جدا جدا يجر دبابه
الصاج كويس جدا
ربنا يوفقك فيها و يكفيك شرها مهماكانت بقى نوع العربيه اللى هتجيبها

اختلف معاك فى حاجتين
القشقاى مش تجميع مصرى لاء دى تجميع انجليزى
تانى حاجه الفورد سعر اعاده البيع بتاعها مش كويسه يعنى بتخسر جامد و انت بتبعها زى الفانتازيا كده

[Ghost2]

ستروين سي 4 2012 ومش هتندم نهائي

[wessamsheta]

اختلف معاك فى حاجتين
القشقاى مش تجميع مصرى لاء دى تجميع انجليزى
تانى حاجه الفورد سعر اعاده البيع بتاعها مش كويسه يعنى بتخسر جامد و انت بتبعها زى الفانتازيا كده

معلومة مهمة جدا لمحبى الفوكس الجديدة , انا كنت شفتها من حوالى 3-4 شهور والكلام اللى انتم بتقولوه صح وبسبب كده انا قفلت منها وبعدين رحت من ىومين كده للطارق فى الاسكندرية وركبتها اللى هى اعلى فئة ولقيتهم زودوا اوبشنز كتير بنفس السعر منها البلوتوث والاوامر الصوتية (voice control) وجربته و كان سهل وجامد جدا يعنى اصبحت عربية مليانة اوبشنز و من رأيى ينقصها اربع حاجات بس و تبقى عربية سوبر السوبر وهى فرش الجلد و الزينون و فتحات تكييف خلفية و مفتاح بصمة
المهم انا خايف من حاجتين عشان اشتريها هما التوكيل خايف اوى منه وخصوصا انا من الاسكندرية وتانيا كمان كل ما اسأل واحد عليها يقولى التمن ده كتير اوى على فورد
انا دلوقت بصيت عليها عشان كنت ناوى اجيب مازدا 3 بس اللى انا فهمته من كل الاماكن انها مابقتش بتنزل خلاص و فكرت شوية فى السبورتاج بس كان نفسى اخرج من الكورى و فكرت كمان فى 318i 2009 او 2010 مستعملة استعمال خفيف بس للاسف كل اللى لقيته ماشى كتير اوى فى وقت صغير اوى
ممكن حد ينصحنى اعمل ايه انا عايز عربية امان وراحة و مليانة اوبشنز و تعيش خصوصا انى باقعد العربية معايا لفترة كويسة 4-5 سنين مش بقلب عالطول
مستنى ردودكم بشدة يا جماعة

[mody3on]

معلومة مهمة جدا لمحبى الفوكس الجديدة , انا كنت شفتها من حوالى 3-4 شهور والكلام اللى انتم بتقولوه صح وبسبب كده انا قفلت منها وبعدين رحت من ىومين كده للطارق فى الاسكندرية وركبتها اللى هى اعلى فئة ولقيتهم زودوا اوبشنز كتير بنفس السعر منها البلوتوث والاوامر الصوتية (voice control) وجربته و كان سهل وجامد جدا يعنى اصبحت عربية مليانة اوبشنز و من رأيى ينقصها اربع حاجات بس و تبقى عربية سوبر السوبر وهى فرش الجلد و الزينون و فتحات تكييف خلفية و مفتاح بصمة
المهم انا خايف من حاجتين عشان اشتريها هما التوكيل خايف اوى منه وخصوصا انا من الاسكندرية وتانيا كمان كل ما اسأل واحد عليها يقولى التمن ده كتير اوى على فورد
انا دلوقت بصيت عليها عشان كنت ناوى اجيب مازدا 3 بس اللى انا فهمته من كل الاماكن انها مابقتش بتنزل خلاص و فكرت شوية فى السبورتاج بس كان نفسى اخرج من الكورى و فكرت كمان فى 318i 2009 او 2010 مستعملة استعمال خفيف بس للاسف كل اللى لقيته ماشى كتير اوى فى وقت صغير اوى
ممكن حد ينصحنى اعمل ايه انا عايز عربية امان وراحة و مليانة اوبشنز و تعيش خصوصا انى باقعد العربية معايا لفترة كويسة 4-5 سنين مش بقلب عالطول
مستنى ردودكم بشدة يا جماعة

كتير اوي على فورد ازاي !!
هاتلي عربية الماني 100% بالاوبشن ده بالامان ده بالسعر ده !
التوكيل كويس واسعار قطع الغيار معقولة

[wessamsheta]

كتير اوي على فورد ازاي !!
هاتلي عربية الماني 100% بالاوبشن ده بالامان ده بالسعر ده !
التوكيل كويس واسعار قطع الغيار معقولة

شكرا يا باشا على الرد و هو فعلا عندك حق
بس هى المشكلة زى ما قولتلك قبل كده , ان فى السوق المصرى مش واخدين على ان سعر فورد فوكاس يصل للدرجة دى و ممكن تجيب بنفس التمن تقريبا bmw 318 استعمال خفيف كويسة ولا ايه رأيك لأن هو ده اللى مخلينى متردد فعلا


ها يا جماعة فين رأيكم