fekry group ....zeft group

[amruso]

انا هحكيلكم حكاية ال فورد اسكورت1999
انا مش بمشى بيها كتير (موديل 99 و عاملة 40.000 كيلو)
المهم جيت ادورها مرضتش و لما دارت كانت بتنتش و مش راضية تمسك سلانسيه على حد تعبير مهندس صيانة فكري جروب
اخدت الونش وروحت على اكتوبر دخلت الصيانة و المهندس شاف العربية كن اسمه ايمن (رزل رزالة) المهم قال سيبها يومين قولت ماشي
روحت بعد يومين قاللي الكاربراتير بايظ ولازم يتغير لانهم حاولو كتير جدا يصلحوه معرفوش و قعد يحكيلي عن مدى صعوبة المحاولات اكنهم بيحاربوا
قولتله تمام غيره ....هيتكلف كام قال 4800 جنيه قولت ماشي و روحت عشان اجي بعد 3 ايام استلمها.....
فوجئت لما روحت موبايلي بيرن و بيتصلوا بيا بيقولوا ان القطعة غير متوفرة في مخزن الشركة قولتلوا و الحل ايه قال هتستنى لما نعملك بيه special order من الشركة الام في امريكا....
قولت ماشي...تاني يوم كلموني بيقولولي ان المصنع وقف انتاج الكاربراتير ده و مش هنقدر نصلح العربية و تعالى خد عربيتك......لو مكاني تعملوا ايه......
روحت رايح التوكيل اتخانق بقى قولت للمهندس يعني اطبق العربية و ارميها في الزبالة يعني...قالي يا فندم مقدرش اعمل حاجة....
جه مهندس تاني وراح واخدني على جمب وقاللي انزل الحرفيين هاتو استعمال و يااالة يعم هانركبهولك هنا....انا طبعا كنت هضربه ....
كلمت واحد قريبي مدير مركز صيانة تويوتا عشان يبعتلي ونش اخد العربية وطلعولي العربية قدام باب فورد.....طلعت لقيت بدل الونش عاما لابس افرول عليه علامة تويوتا وقاللي افتح الكبوت ياباشا قولت ماشي
قعد يشتغل في العربية قدام الباب و اللي طالع واللي داخل بيتفرج على واحد من تويوتا بيصلح فورد قدام التوكيل بتاعهم.....و كلو مستغرب ....المهندس اللي قاللي مش نافعة كان طالع برة بيجرب عربية و استغرب هو كمان...المهم الراجل وجد ذرة رمل ساددة بيك السلانسيه في الكاربراتير وركب و العربية دارت و بقت زي الفل.......
و ناديت للمهندس و على اللي عملتوا فيه و طبعا بتاع تويوتا واقف متكيف
و قال علمنا عليكو يا فورد
ينفع كدا يعني ....انا في قمة الاسف و الخجل بس هي دي الحقيقة
طولت عليكوا بس لازم تعرفوا كل حاجة

[modux]

هي دي مصر يا عبلة !!!

نوكيلات معظمها ضايع

[okmijn]

ياباشا إلي حصلك دا ولا حاجة

ادخل اقري إلي حصلي في الفورد بتعتي ( 2007 مشية 7000ك )

تحت عنوان ( كارثة فورد فوكاس جيا 2007 - 2008 )

وأحمد ربنا علي إلي حصلك ياباشا

وصدقت زفت جروب

[ewew]

ربنا معاك يا باشا بس الكاربرتير بتاع الإسكورت ىهو بتاع الشاهين و ده غالبا الي فيه المشكله روح لبتاع كاربرترات و اعمله و هتدعيلي

[fahd_628]

لا حول ولا قوة الا بالله

بجد حرام الى بيحصل دة !

[Powert]

انا عمال اضحك من الصبح ده ينفع فليم كوميدي

بعد كده لما تحب تصلح العربية وديها توكيل تويوتا

[okmijn]

وديها توكيل تويوتا

بص ياباشا من كتر العربية دي تحتار التوكيل من فين بيجيب وقت للناس دي كلها بس بجد توكيل محترم

[Sharky]

حلوة قوى فكرة لما تحب تصلح عربية فورد روح توكيل تويوتا

طب أنا عندى فكرة ما يعلموا شراكة مع توكيل تويوتا هما يعملوا صيانة فقط يعنى يغيروا فلاتر و زيوت و تويوتا تصلح الحاجات إللى بيبوظوها و إللى مش عارفين فيها حاجة

[hamedo0]

ههههههههههه حلوه دي
فعلا" دى توكيلات تبوظ سمعه ماركه زاى فورد

[ahmad--ezzat]

ههههههههههههه معلش انا راى تاخد الرملة دى تحطها فى عين الراجل بتاع التوكيل

[amrbakly]

عارف أنا لو مكانك ملعون أبو 50 جنية مترجم و أكتب رسالة محترمة لإدارة فورد في أمريكا اشرح فيها كل اللي حصل مع الوكيل دة، و هما يجيوا براحتهم يطلعوا عين أمة.

و علي فكرة حيردوا عليك و حيسألوك شوية أسألة جاوبهم عليها و بعدها يجيوا يستفردوا ببهوات التوكيل و حتبقي فضيحة زي الفل يعني للتوكيل الزبالة دة

[Samir_Adel]

قصة نكتة فعلا! ربنا معاك.

[a3reda]

احمد ربنا ان مفيش كاربتير عندهم وفرت 5000 جنيه اهو


ههههههههههههههههههههههههههههههههه



مسخره والله