تسقيط موتور تويوتا لفورد مونديو

[a_b_cdef]

متور المنديو 1998
المتور هلك بسبب الحرارة / الكوعة بتاعة المية اتخرمت ادي الي ارتفاع الحرارة بشكل غير عادي
في النهاية انتهي الماتور ولم يظهر علي مؤشر الحرارة شيء لان المية كانت اتسربت
حتي لا اطيل عليكم
احد الاصدقاء المخلصين ويعمل ميكانيكي توتا شاف العربية وقالي انه يقدر يسقط مكانها مكينة تويوتا موديل 99 كاملة بالفتيس والضفيرة والكومبيوتر مع بعض التعديل البسيط في القواعد بالحوض وتعديل في الكبالن وبدون اي تعديل في العفشة والكهربائي شاف المكينة الجديدة بالضفيرة
وقال انه مستعد لتوصيلها بدون تغيير في الطابلون مع بعض التعديلات البسيطة في التوصيل
وسعر المكينة التويوتا بالتركيب والكهرباء 6000 الماكينة 4500 جنية والباقي مصنعيات
وجاري رفع الصور بعد الانتهاء من التركيب

[medododo]

الله يوفقك

[samyyousef]

اوتوماتيك ام مانيوال؟

[a_b_cdef]

الله يوفقك

اتوماتيك ونسيت اقولكم انه تم تغيير الريدياتير بريدياتير تويوتا
وسوف اوافيكم بالنتائج اول بأول ان شاء الله

[memobeeh]

أولا مبروك يا باشا ثانيا الأمر ممكن جدا من الناحية النظرية وحتى العملية لا أظنه صعبا لكن من الناحية الرسمية هل أخذت موافقة مسبقة من المرور على ذلك لأن مواتير الفورد متوفرة فيما أظن ولا يسمح بذلك بموجب قانون المرور لسنة 2000 حسبما أذكر. وأوجه لك سؤالا آخر..هل يتحمل موتور التويوتا جسم الفورد الثقيل أم ان السعة اللترية لهذا الموتور التويوتا كبيرة وقوته الحصانية عالية؟. رجاء التكرم بالافادة وتقبل خالص تقديري وتحياتي.

[lanos2004]

طب مواتير الفورد موجودة --وبعدين لن تستطيع اثبات الماتور على الرخصه وفلوسك ستضيع هباء

[meda2711]

من رأيى " وجهة نظرى" مش صح تركيب موتور عربية ماركة لعربية ماركة تانية
الاوروبى غير الاسيوى وكله معمول ومحسوب على وزن العربية وايه الملائم ليها , ممكن تسقط ماتور يكون اعلى بس يكون بتاع نفس الموديل , وطبعا التعديلات لو متعملتش صح جدا هتسبب مشاكل لانى كنت سائل فى الموضوع ده

ده غير انه مش هيترخص لان الماتور لازم يكون نفس ماركة العربية يعنى ماتور فورد فى شاسيه فورد وماتور هوندا فى شاسيه هوندا وهكذا

+ ان ماتور المونديو اصلا ما شاء الله لما بيبقى مظبوط بيبقى روعة

[aYaBooY]

أولا مبروك يا باشا ثانيا الأمر ممكن جدا من الناحية النظرية وحتى العملية لا أظنه صعبا لكن من الناحية الرسمية هل أخذت موافقة مسبقة من المرور على ذلك لأن مواتير الفورد متوفرة فيما أظن ولا يسمح بذلك بموجب قانون المرور لسنة 2000 حسبما أذكر. وأوجه لك سؤالا آخر..هل يتحمل موتور التويوتا جسم الفورد الثقيل أم ان السعة اللترية لهذا الموتور التويوتا كبيرة وقوته الحصانية عالية؟. رجاء التكرم بالافادة وتقبل خالص تقديري وتحياتي.

طب مواتير الفورد موجودة --وبعدين لن تستطيع اثبات الماتور على الرخصه وفلوسك ستضيع هباء

من رأيى " وجهة نظرى" مش صح تركيب موتور عربية ماركة لعربية ماركة تانية
الاوروبى غير الاسيوى وكله معمول ومحسوب على وزن العربية وايه الملائم ليها , ممكن تسقط ماتور يكون اعلى بس يكون بتاع نفس الموديل , وطبعا التعديلات لو متعملتش صح جدا هتسبب مشاكل لانى كنت سائل فى الموضوع ده

ده غير انه مش هيترخص لان الماتور لازم يكون نفس ماركة العربية يعنى ماتور فورد فى شاسيه فورد وماتور هوندا فى شاسيه هوندا وهكذا

+ ان ماتور المونديو اصلا ما شاء الله لما بيبقى مظبوط بيبقى روعة

اولا زي ما كل الي فات قالوا الموتور الجديد مش هينفع ينضاف لى الرخصة
ثانيا موتور تيوتا ايه الي هايركب على مونديو
ثالثا تعديل قواعد موتور يعني رش حوض يعني رش دواخل يعني معاك عربية سليمة و انت رايح ترشها بايدك و بدون اي لازمة
رابعا فارق السعر في قطع غيار التيوتا من الفورد مش فظيع قوى
اخيرا نصيحة بلاش الموضوع ده و هات موتور اورمة و ركبة و بلاش شغل الفتى ده

[hmghamry]

مش عايز احبطك بس كان لازم الميكانيكي بتاع تيوتا يقول كده عشان يشتغل .. وماكانش لازم تصدقه .. طمنا طيب عملت ايه ؟

[احمد فهمى]

ده موضوع كله مشاكل ولا يصح قانوناً ولن تكن سياره بعد اللعب ده

[محمودفاضل]

استفسار من الساده المسؤلين عن المنتدى بالاستيضاح عن نوعيه الماتور الفورد فتيس اتوماتيك للتوروس سعه 2000سى سى لتسقيطه مكان الموتور سعه 2300سى سى لنفس السياره وشكرا

[mohamede002e]

افتكر ان قلنالك بلاااااااااااااااااااااااااااااااااااااااااااااااا اااااااااااااااااااااااااااش

[اسامه نور الدي]

الفرق كبير بيم موتور مونديو موتور تويوتا سواء بالنسبه لجسم العربيه او بالنسبه لادا العربيه و المرور بتشترط المتور نفس نوع السياره بدون فئه لتريه يعني ممكن تركب متور 2000 مكان 1600 لكن تويوتا مكان فورد بعيده شويه دا كان بيحصل مع عربيات الجيش الجيب الي الناس بتعمرها و بحططو فيها مواتير تويوتا او داتسون و اعتقد ان سعر متور الفورد قريب م الكلام الي انت بتقوله واعتقد انه احسن كمان و ربنا يوفقك للخير