حكايتى مع الاسكورت

[alsisiagric]

بعد رحلة بحث طويلة اشتريت فورد اسكورت 99 حالتها كويسة العربية 1.6 زيتك دفعت فيها 34.5 الف العربية مانيوال 2 زجاج كهرباء وتكييف وفتحة سقف.
كله بيقولى العربية قطع غيارها مش موجودة وغالية جدا جدا بس الواقع اللى لاقيته غير كدا فيه اشهر اتنين بيشتغلو فى قطع غيار الفورد فى ش دمشق (سامى فخرى و يافا ) عندهم كل حاجة بتاعة العربية وفيه ناس تانية فى التوفيقية وجسر السويس
المهم: غيرت مساعدين العربية الامامى الجوز ب 750 ج المانى, استابليزر ب 200ج وبليتين بطاح علشان يرفع الربية شوية ب 100 ج ومصنعية 120 عند احمد فرج فى جسر السويس
طقم بوجيهات بوش ب 80 ج
اويلسيل فتيس 60 ج
دول اللى غيرتهم فيها وان شاء الله شوية واجيبلها طنابير امامى الجوز ب 250 ج
وتيل امامى الجوز ب 120 وخلفى ب 160ج

اللى محيرنى بقى ومش عارف اعمله فين هو الباب الامامى شمال(السائق) لا بيفتح ولا بيقفل بالمفتاح وكمان مش بيفتح من جوه ونصحنى سامى فخر اروح لواحد بتاع بيبان فى الحلمية قريب من مطعم اسمه مطعم العائلات بس بصراحة مشواره عاوز فضا
يا ريت خبراء الفورد يفيدونى بنصيحتهم وجزاكم الله خيرا واسف على الاطاله

[a4_han]

انا عندى المشكله ديه واكيد المفتاح الى معاك مش الاصلى

[kar!m]

أمال انت بتدخل العربية ازاي؟

[alsisiagric]

انا عندى المشكله ديه واكيد المفتاح الى معاك مش الاصلى

لا معايا الاصلى وفيه واحد معمول بس بالعافيه لغاية ما اتعمل :)

[alsisiagric]

أمال انت بتدخل العربية ازاي؟

بافتح السنتر واقفله من اليمين والباب بيفتح من برة بس يعنى لما اجى انزل بطلع ايدى وافتح من بره حوار :)
وبصراحة محرج جدا