هو كده المصناعيه غاليه؟

[a4_han]

السلام عليكم

غيرت طقم طبرياج و جلب مقصات دفعت 200 جنيه مصنعيه ؟؟؟؟؟؟ انا دفعت زى الباشا

انا كمان دفعت 40 جنيه عن الخراط عشان يفك الجلب ويركب الجديده

السؤال كده المصناعيه غاليه؟؟

[kempel]

ده كده زى الفل لو قصدك اسطوانة وديسك تغييرهم يعنى يبقى السعر كده ممتاز

[a4_han]

شكرا على الاهتمام

[kempel]

السلام عليكم ياريت لوتقول لى الميكانيكى اسمه ايه وكويس ولا للأه

[mrisuzu]

طبعا سعر كويس

كل حاجة غالية

لوكنت غيرتهم فى التوكيل كنت هتعرف انك غيرتهم ببلاش

[a4_han]

السلام عليكم ياريت لوتقول لى الميكانيكى اسمه ايه وكويس ولا للأه

عند حمدى فورد مدينه نصر

حمدى انا راى انه كويس تعاملت قبل كده مع احمد فرج ومستريحتش فى التعامل معاه

[احمد فهمى]

سعر ممتاز طبعاً

[ahmed_said_13]

انا غيرتهم عند احمد فرج من سنه تقريبا ب 150 جنيه و عموما الراجل كويس و محترم و امين في التعامل

[nine9design]

ممكن نمرة حمدى بتاع مدينة نصر او عنوانه بالظبط

[mido51eg]

ممكن نمرة حمدى بتاع مدينة نصر او عنوانه بالظبط

رقم تليفون حمدي فورد : 01001263963
العنوان هو قريب من مستشفى الوفاء والأمل اللي في الحي العاشر مدينة نصر. زي ماالأخوة قالوا لك هو كويس ونضيف في الفك والتركيب ، ماجربتوش الحقيقة في تشخيص اعطال.
احمد فرج روحت له مرتين على حاجات في العربية باعتبار انه قريب مني لقيته بينفض لأني روحت له في المرتين يوم جمعة وعنده شغل كتير والأوناش عمالة تنزل في عربيات قدامه والشغل على ودنه وطلب مني اروح له يوم تاني من اول النهار على اعتبار اني صايع ماوراييش شغل او ان ماوراييش غير العربية لدرجة اخد لها يوم اجازة حتى كلامه كان بيقطم وبيقصر وعاوزك تمشي من قدامه وخلاص. دي تجربتي معاه والله اعلم يمكن يكون ميكانيكي شاطر برضه.

[nine9design]

الف شكر يا باشا على الرد السريع كنت عايز بردو كهلربائى محترم ولو حد يعرف ضيفيرة المنديو 97 عاملة كام

[ahmed_said_13]

انا مليش تعامل من ساعت ما ركبت فورد غير مع احمد فرج و هو فعلا ربنا يرزقه عنده شغل كتير و يحب انك تجيله بدري عشان تاخد دور و يخلص عربيتك بسرعه و هو فعلا مش بيتكلم كتير انما لو فاضي هيرغي معاك للصبح و دي طبيعة اي واحد بيهتم بشغله (الراجل عنده شغل كتير) و عايز ينجز و الله انا ركبلي طقم دبرياج كامل في 45 دقيقه و انا اصلا وصلت عنده الساعه 7 بالليل لانه عارف اني حالتي كانت زي الزفت وقتها و كنت محتاج العربيه لاني كنت بضطر اسافر كتير و انا رايي الشخصي فيه انه راجل محترم جداااااااااا و امين و ميكانيكي شاطر و مش غالي في المصنعيه و لو شايف اي حاجه في العربيه هيعملهالك مش هيسيبك تمشي بالعربيه و فيها حاجه غلط و لو مش معاك فلوس تصلح العطل يحاول يعملك الاهم فالمهم (واحده واحده)و ينصحك تعمل ايه عقبال ما تعرف تصلح كل الاعطال اللي عندك (ده من خلال تجربتي الشخصيه معاه ، انا بتعامل معاه من سنتين و نص و ان شاء الله مش هتعامل مع غيره) انا اتعاملت مع قطب و بصراحه حلفت مش هروح له تاني حتي لو اضطريت ابيعها خالص و اتمني اكون وصلت رأيي لحضراتكم و اسف علي الاطاله